Isaías 11
11
Rei di pas i su reino
1Tronkon di Ishai lo kuminsá spreit,
un stèk nobo#1 Samuel 16:1-20 lo sali#11:1 lo sali: den mayoria di e vershonnan antiguo; hebreo tin: lo duna fruta for di su rais.#Revelashon 5:5; 22:16
2Spiritu di SEÑOR ta sosegá riba dje,
e spiritu ku ta duna sabiduria i inteligensia,
e spiritu ku ta manifestá su mes den desishonnan sabio i den forsa,
e spiritu ku ta duna konosementu di SEÑOR
i ku ta siña kon respet'É.
3Temor pa SEÑOR ta e fragansia ku ta kompañ'é.
L'e no husga loke wowo so mira,
ni kondená loke orea so tende.
4L'e duna hende humilde su derecho
i dikta sentensia hustu pa pobernan di e pais.
Su palabranan ta malatí pa suta tera,
su rosea ta mata malbadonan.#2 Tesalonisensenan 2:8
5Manera faha semper mará na kurpa,
asina hustisia i fieldat ta fah'é.#Efesionan 6:14
6Lobo lo biba serka lamchi,
panter lo drumi band'i yu di kabritu,
bisé i yu di leon lo gòrda huntu,#11:6 bisé…huntu: segun vershon griego; hebreo tin: yu 'i leon i bestia gòrdá ta huntu
mucha chikitu lo por kuida nan.
7Baka i oso lo kome yerba huntu,
nan krio ta drumi band'i otro.
Leon lo kome foya di pal'i maishi manera baka.
8Un yu na lechi lo por hunga band'i hòl di kolebra,
un mucha chikí por hinka su man den nèshi di kaskabel.
9Riba henter e seru santu di SEÑOR
hende lo no hasi malu
ni kousa destrukshon,#Isaías 65:25
pasobra manera awa ta kubri fondo di laman,
asina konosementu di SEÑOR ta yena mundu.#Habakuk 2:14
Desteradonan ta bolbe
10Ora e tempu ei yega, e gran desendiente di Ishai#Romanonan 15:12 lo ta plantá tur grandi di su kurpa manera master riba un seru pa tur nashon mir'é; pueblonan lo bin konsult'é i e lugá kaminda e ta bai biba lo ta un maravia. 11Ora e tempu ei yega, Señor lo bolbe hisa su man, lo E liberá restu di su pueblo, sobrá dje israelitanan na Asiria, Egipto abou, Egipto ariba, Etiopia, Elam, Shinar,#11:11 Shinar ta un otro nòmber pa Babilonia. Hamat na Siria i e islanan den Mediteráneo.
12L'E lanta un master pa pueblonan mira
ku E ta bai reuní desteradonan di Israel,
i trese e hendenan plamá di Huda huntu
for dje kuater skinanan di mundu.
13E ora ei kudishi di Efraim lo disparsé
i Huda su renkor lo kaba.
Efraim lo no ta yalurs mas riba Huda
i Huda su enemistat lo kibra.
14Huntu nan lo baha den direkshon wèst
i subi lomba di e filisteonan.
Huntu nan lo sakia tribunan di desierto
i poderá di Edom i Moab.
Amoritanan lo someté nan mes na nan.
15SEÑOR lo seka Golfo di Egipto
i menasá Eufrat ku man na laria;
su rosea kayente ta parti e riu den shete brasa
di moda ku por krus'é sin muha pia.#Revelashon 16:12
16Asina un kaminda grandi lo habri
pa e restu di pueblo di Dios ku a sobrebibí,
manera kaminda a habri pa israelitanan,
dia nan a sali for di Egipto.#Éksodo 14:21-22
Currently Selected:
Isaías 11: BPK13
Highlight
Copy
Compare
Share
Want to have your highlights saved across all your devices? Sign up or sign in
Papiamentu Bible with DC © Bible Society in Netherlands Antilles and Aruba, 2012, 2013
