Popular Bible Verses from Isaías 11

Share

Spiritu di SEÑOR ta sosegá riba dje, e spiritu ku ta duna sabiduria i inteligensia, e spiritu ku ta manifestá su mes den desishonnan sabio i den forsa, e spiritu ku ta duna konosementu di SEÑOR i ku ta siña kon respet'É. Temor pa SEÑOR ta e fragansia ku ta kompañ'é. L'e no husga loke wowo so mira, ni kondená loke orea so tende.

Tronkon di Ishai lo kuminsá spreit, un stèk nobo lo sali for di su rais.

L'e duna hende humilde su derecho i dikta sentensia hustu pa pobernan di e pais. Su palabranan ta malatí pa suta tera, su rosea ta mata malbadonan.

Manera faha semper mará na kurpa, asina hustisia i fieldat ta fah'é.

Riba henter e seru santu di SEÑOR hende lo no hasi malu ni kousa destrukshon, pasobra manera awa ta kubri fondo di laman, asina konosementu di SEÑOR ta yena mundu.

Lobo lo biba serka lamchi, panter lo drumi band'i yu di kabritu, bisé i yu di leon lo gòrda huntu, mucha chikitu lo por kuida nan.

Ora e tempu ei yega, e gran desendiente di Ishai lo ta plantá tur grandi di su kurpa manera master riba un seru pa tur nashon mir'é; pueblonan lo bin konsult'é i e lugá kaminda e ta bai biba lo ta un maravia.