Efesionan 6
6
Mayornan i nan yunan
1Muchanan, obedesé boso mayornan manera ta agradá Señor,#6:1 manera…Señor: tin manuskrito ku no tin e palabranan akí pasobra esei ta korekto.#Kolosensenan 3:20 2-3E mandamentu ku ta bisa: ‘Honra bo tata i mama, pasobra si bo hasi asina, lo bai bon ku bo i lo bo tin bida largu riba mundu’, ta e promé mandamentu ku tin un promesa mará n'e.#Éksodo 20:12; Deuteronomio 5:16
4Tatanan, no pone boso yunan rabia,#Kolosensenan 3:21 ma lanta nan ku disiplina i ku e siñansa ku Señor ke.
Shon i katibu
5Katibunan, obedesé boso shonnan na mundu. Obedesé nan ku rèspèt, temor i ku un kurason sinsero, komo si fuera ta Kristu mes boso ta sirbi. 6No hasi manera hende chifladó i sirbi nan djis ora nan ta mira boso, ma manera katibu di Kristu, ku ta hasi Dios su boluntat ku henter nan kurason. 7Hasi boso trabou ku entusiasmo, komo si fuera ta pa Señor i no pa hende boso ta hasié! 8Kòrda ku Señor lo rekompensá kada hende di akuerdo ku e bon ku el a hasi, sin tene kuenta ku ken ta hende liber i ken ta katibu.#Kolosensenan 3:22-25
9Di boso banda, boso ku ta shon mester trata boso katibunan na mesun manera. Stòp di menasá nan. Tene kuenta ku boso tur tambe tin un Shon den shelu;#Kolosensenan 4:1 anto E no ta tuma parti pa niun hende!#Deuteronomio 10:17; Kolosensenan 3:25
E armadura spiritual
10Pa terminá, mi rumannan: buska boso forsa den Señor i den su gran poder. 11Bisti e armadura ku Dios ta duna boso,#Sabiduria 5:17-23; Romanonan 13:12-14; 1 Tesalonisensenan 5:8 pa boso por enfrentá diabel su plannan engañoso. 12Pasobra nos lucha no ta kontra ser humano, sino kontra e outoridatnan, e gobernantenan i e gobernadónan spiritual di e mundu den skuridat akí i kontra e spiritunan malu ku ta biba den e regionnan selestial. 13P'esei bisti e armadura ku Dios ta duna, pa boso por wanta duru ora e dia di maldat yega i pa, despues di a hasi tur kos, boso por keda firme pará.
14P'esei antó para kla ku bèrdat komo faha na bo sintura,#Isaías 11:5 ku hustisia komo korasa#Isaías 59:17 15i ku zelo pa anunsiá e mensahe di pas komo sandalia na boso pia!#Isaías 52:7 16Ma huntu ku esei, laga boso fe ta e eskudo ku por wanta e flechanan sendé na kandela ku e malbado ta tira riba boso.#Salmo 7:13 17Salbashon mester ta e hèlmu ku ta tapa boso kabes#Isaías 59:17 i palabra di Dios e spada ku Spiritu Santu a duna boso.#Hebreonan 4:12
18Resa i pidi Dios su yudansa semper#Kolosensenan 4:2-4 i na tur okashon, guiá pa Spiritu Santu. Den esei sea alerta, i resa sin deskurashá pa henter e pueblo santu. 19Resa pa mi tambe, pa Dios duna mi e palabranan korekto ora mi ta mustra ku kurashi e boluntat skondí di Dios ku ta kontenido di e bon notisia.#6:19 ku ta…notisia: tin manuskrito ku no tin e palabranan akí 20Mi ta embahador den servisio di e bon notisia ei, ounke mi ta den prizòn awor akí. Resa antó pa mi papia ku kurashi manera mester ta.
Saludo final
21Tígiko,#Echonan 20:4; 2 Timoteo 4:12 nos ruman stimá i ayudante fiel den sirbishi di Señor, lo duna boso tur notisia. Ya boso ta sa kon kos ta bai ku mi. 22P'esei mes mi ta mand'é pa boso sa tur kos di nos i pa e kurashá boso.#Kolosensenan 4:7-8
23Dios Tata i Señor Hesu-Kristu duna tur ruman pas, amor i fe. 24Grasia pa tur esnan ku ta stima nos Señor Hesu-Kristu ku un amor ku ta dura pa semper.#6:24 Tin manuskrito ku ta añadí: Amèn.
Currently Selected:
Efesionan 6: BPK13
Highlight
Share
Copy
Want to have your highlights saved across all your devices? Sign up or sign in
Papiamentu Bible with DC © Bible Society in Netherlands Antilles and Aruba, 2012, 2013