Popular Bible Verses from Efesionan 6

Share

Pasobra nos lucha no ta kontra ser humano, sino kontra e outoridatnan, e gobernantenan i e gobernadónan spiritual di e mundu den skuridat akí i kontra e spiritunan malu ku ta biba den e regionnan selestial.

Resa i pidi Dios su yudansa semper i na tur okashon, guiá pa Spiritu Santu. Den esei sea alerta, i resa sin deskurashá pa henter e pueblo santu.

Bisti e armadura ku Dios ta duna boso, pa boso por enfrentá diabel su plannan engañoso.

P'esei bisti e armadura ku Dios ta duna, pa boso por wanta duru ora e dia di maldat yega i pa, despues di a hasi tur kos, boso por keda firme pará.

Ma huntu ku esei, laga boso fe ta e eskudo ku por wanta e flechanan sendé na kandela ku e malbado ta tira riba boso. Salbashon mester ta e hèlmu ku ta tapa boso kabes i palabra di Dios e spada ku Spiritu Santu a duna boso.

P'esei antó para kla ku bèrdat komo faha na bo sintura, ku hustisia komo korasa i ku zelo pa anunsiá e mensahe di pas komo sandalia na boso pia!

Pa terminá, mi rumannan: buska boso forsa den Señor i den su gran poder.

E mandamentu ku ta bisa: ‘Honra bo tata i mama, pasobra si bo hasi asina, lo bai bon ku bo i lo bo tin bida largu riba mundu’, ta e promé mandamentu ku tin un promesa mará n'e.

Muchanan, obedesé boso mayornan manera ta agradá Señor, pasobra esei ta korekto.