Sirag 48
48
Elías
1Elías a aparesé, un profeta manera kandela,
su palabra ardiente manera un flambeu.
2El a trese hamber riba yunan di Israel,
den su zelo el a redusí nan kantidat hasié tiki.
3Pa palabra di Señor el a pone ku awa no tabata kai,
tres be el a laga kandela baha.#1 Reinan 17:1; 18:1-38; 2 Reinan 1:10-16
4Esta teribel bo tabata, Elías!
No tin niun mes glorioso ku bo!
5Bo a lanta un hende for di morto,
sak'é for di reino di morto pa palabra di Altísimo.#1 Reinan 17:17-23
6Bo a hiba reinan na ruina fatal,
prominentenan bo a laga muri den nan kama.#1 Reinan 21:17-24; 2 Reinan 1:15-17
7Riba Sinai bo a tende veredikto di Dios,
riba Horeb su sentensia di vengansa.#1 Reinan 19:8-21
8Bo a konsagrá reinan pa venga maldat
i un profeta komo bo siguidó.
9A hisa bo na shelu den un warwarú,
den un garoshi ku kabainan di kandela.#2 Reinan 2:11
10Di bo ta skibí ku bo ta para kla pa e tempu stipulá,
pa plakia ira di Dios promé ku e plama,
pa trese pas entre tatanan i yunan
i restourá tribunan di Israel.#Malakías 4:5-6; Mateo 17:10; Marko 9:11
11Dichoso ta esun ku mira bo promé ku e muri,#2 Reinan 2:10-12
i mas dichoso t'abo ku ta na bida ainda.#48:11 i…ainda: teksto probabel. Aki e teksto na hebreo no ta kompleto.
Eliseo
12Dia Elías a disparsé den un warwarú,
Eliseo a keda yená ku su spiritu.#2 Reinan 2:9,13-14
Durante su bida e no tabatin miedu di niun hende
ni niun no tabatin poder riba dje.#2 Reinan 2—13
13Nada no tabata difísil p'e,
un morto a resusitá ora el a drumi riba dje.#2 Reinan 4:32-37
14Na bida e tabata hasi milager
i despues di su morto tambe, su obranan tabata atmirabel.#2 Reinan 13:20-21
15Apesar di tur e kosnan ei e pueblo no a kombertí,
nan no a stòp di hasi piká,
te dia a lastra nan saka for di nan pais#2 Reinan 18:11-12
i plama nan rònt mundu.
Rei Ezekías
16No a keda nada mas ku un pueblo chikí
ku un rei di kas di David.
Algun di nan a hiba un bida korekto,
otronan a kometé delitonan grandi.
17Ezekías a reforsá su kapital,
lagando awa drenta paden di su murayanan.
El a bora barankanan ku heru
i koba tanki den baranka pa warda awa.#2 Reinan 20:20; 2 Krónikanan 32:5,30
18Ten 'i su ten, Sanherib a lansa un atake#2 Reinan 18:13—19:35; Isaías 36—37
i manda un ofisial altu di su ehérsito,
ku a invadí e siudat Sion
i ofendé Dios den su soberbia.
19E ora ei kurason i mannan a kuminsá tembla,
nan a trose di doló manera muhé na parto;
20nan a sklama na Dios mizerikordioso,
miéntras nan tabata alsa nan mannan n'E.
E Santu den shelu a skucha nan lihé
i a libra nan pa man di Isaías.
21El a vense e ehérsito asirio
i su angel a destruí nan.
Profeta Isaías
22Ezekías#48:22 Ezekías; literalmente: YHWH ta mi forsa. a hasi loke ta agradá Señor.
El a sigui firmemente e kaminda di su tata David,
ku Isaías, e profeta grandi i fiel,
a mustr'é pa medio di su vishonnan.
23P'esei ten 'i su ten solo a hala atras
i a alargá bida di rei.#2 Reinan 20:6-11; Isaías 38:5-8
24Dor di su spiritu poderoso, Isaías a mira futuro
i a konsolá e habitantenan di Sion ku tabata tristu;#Isaías 40—66
25el a anunsiá loke tabata bai pasa
te leu aya den futuro
i promé ku e kosnan sosodé
el a pronostiká loke ainda tabata skondí.
Currently Selected:
Sirag 48: PBDC13
Highlight
Copy
Compare
Share
Want to have your highlights saved across all your devices? Sign up or sign in
Papiamentu Bible with DC © Bible Society in Netherlands Antilles and Aruba, 2012, 2013