Salmo 52
52
SALMO 52
Mal hende no tin bida
Pa maestro di kanto. Komposishon di David. Ora Doeg, di Edom, a laga Saul sa: David a drenta kas di Ahimelèk.#1 Samuel 21:7; 22:9-10
1Ki bo ta broma ku maldat,
kampeon di mal ehèmpel?
2Henter dia bo ta studia#52:2 kampeon…studia: segun vershon griego; hebreo tin: O, tirano. Grasia di Dios ta dura henter dia. Bo ta studia pèrdishon
— bo lenga un nabaha mulá —
sakadó di mentira!
3Bo gusta maldat mas ku bondat,
engaño mas ku honrades.
4Daña kos ku bo palabra bo gusta,
lenga mentiroso!
5Ma Dios lo kibra bo pa kaba,
kohe bo lastra fo'i bo tènt,
lo E saka bo rais afó, ranka bo
for di tera di bibunan.
6Hende drechi lo mira, ku temor,
i lo hari un hende asina:
7‘Ata e hòmber ku no a tuma Dios
pa fortalesa di su bida,
ku a stèns riba tur su rikesanan,
birando semper pió.’
8Ma ami, manera oleifi bèrdè
den kas di Dios,
mi ta konfia den Dios su bondat
tur ora, pa semper.
9Mi ke alabá Bo eternamente,
pasobra Abo a hasié,
i proklamá bo nòmber glorioso
den presensia di bo fielnan.
Currently Selected:
Salmo 52: PBDC13
Highlight
Copy
Compare
Share
Want to have your highlights saved across all your devices? Sign up or sign in
Papiamentu Bible with DC © Bible Society in Netherlands Antilles and Aruba, 2012, 2013
