Salmo 53
53
SALMO 53
Maldat i korupshon ta reina tur kaminda
(Salmo 14)
Pa maestro di kanto. Na weis di ‘Mahalat’. Poema didáktiko di David.
1Hende bobo ta bisa den nan mes:
‘Ai nò, no tin Dios!’
Kos mahos i teribel nan ta hasi,
ningun n' ta hasi bon.#Salmonan 10:4,11; 73:11
2Dios ta mira abou for di shelu
riba yunan di hende,
pa weta si tin un ku tin sintí
i ku ta buska Dios.
3Pero tur a kohe mal kaminda,
tur a daña pareu.
Nò, ningun no ta hasi bon,
ni sikiera ún.#Romanonan 3:10-12
4Ma nan no sa nada antó,
e hasidónan di maldat,
ku ta kome mi pueblo bibu
komo si fuera ta pan
i ku nunka no ta resa na Dios?
5Te ora ku nan tembla di sustu,
di sustu sin motibu,
pasobra Dios ta plama wesunan di esnan
ku ta sera bo aden;
kon bo ta brongosá nan:
pasobra Dios ta rechasá nan!
6O, mare salbashon di Israel
por bini di Sion!
Ora Dios kambia suerte di su pueblo,
Yakob lo keda kontentu,
Israel lo ta di fiesta!
Currently Selected:
Salmo 53: PBDC13
Highlight
Copy
Compare
Share
Want to have your highlights saved across all your devices? Sign up or sign in
Papiamentu Bible with DC © Bible Society in Netherlands Antilles and Aruba, 2012, 2013
