Osea 3
3
I Osea mampody ny vadiny nanitsakitsaka ary mitsapa toetra azy. Ary fanazavana izany famantarana izany.
1Ary hoy i Iaveh tamiko: «Mandehana indray#3,1 Mandehana indray, sns. Ity didy faharoa ity dia mafy tahaka ilay voalohany (toko 1,2). Eto dia i Osea no mividy izany vehivavy izany, ka mametraka azy ao amin’ny trano izay tsy hahitany lehilahy iray akory, ka dia hitsahatra amin’izay ny fitondran-tena ratsiny. Hita mazava amin’io oha-teny io, fa i Osea dia tandindona velona milaza ny fanaon’Andriamanitra amin’i Israely., mitiava vehivavy izay tian’ny lehilahiny anankiray ka manitsakitsa-bady: tahaka ny itiavan’i Iaveh ny zanak’i Israely, nefa izy ireo kosa mivadika mankany amin’andriamani-kafa, sady tia ny ampempam-boaloboka#3,1 Ampempam-boaloboka: Mofomamy izay atao amin’ny voaloboka, ka atolotra ny sampy; sady mihinana koa ho fanajana an’i Baala..»
2Novidiko sikla volafotsy 15#3,2 Novidiko sikla 15, sns. manambara ny tokony ho vidin’ny andevo anankiray (jereo telopolo sikla ao amin’ny Eks 21,32; ka ampitahao amin’ny Zak 11,12). Sikla 15: vidina siramamy 50kg eo ho eo. Homera: sahabo ho 338 litatra. Leteka: antsasaky ny homera iray. sy orja iray homera, ary orja iray leteka, izy; 3dia hoy Aho taminy: «Ianao hijanona eo, ho Ahy, mandritra ny andro maro; tsy hijangajanga, tsy ho an’ny lehilahy hafa ianao; ary Izaho koa hanao torak’izany aminao. 4Fa mandritra ny andro maro ny zanak’i Israely no hitoetra tsy mana-mpanjaka, tsy mana-mpanapaka, tsy manan-tsorona, tsy manan-tsangam-bato, tsy manana efôda#3,4 Efôda: Akanjo ambony fanaon’ny mpisorona lehibe raha manao fombam-pivavahana (jereo Eks 28,6 sy ny manaraka). ary tsy manan-terafima#3,4 Terafima: Teny hebrio io, ka ny dikany dia hoe sampy ao an-trano, izay natao ho filan-kevitra, na hoe natao tokin’aina. Ny teny milaza azy voalohany indrindra, dia ilay terafiman’i Labàna nofetsen-dRasela (Jen 31,19-30).. 5Rehefa afaka izany vao hibebaka ny zanak’i Israely, ka hitady an’i Iaveh Andriamaniny sy i Davida mpanjakany#3,5 Davida mpanjaka. Izany dia fambara fa ireo foko folo izay nisaraka hatramin’ny ela dia hikambana ao Jodea indray, ka ho firenena iray monja hiaraka amin’ilay Davida mpanjaka vaovao (Jesoa Kristy)., indray; hiverina amim-pangovitana amin’i Iaveh sy amin’ny hatsaram-pony izy ireo, amin’ny faran’ny andro#3,5 Amin’ny faran’ny andro: Izany hoe, amin’ny faran’ny andro hahataperan’ny fanaovana sesitany azy ireo; sady izany koa dia fambaran’ny fiverenan’ireo voasesitany hatry ny ela sy ny fibebahana marina, rehefa hiverina amin’i Jesoa Kristy Ilay tena zanak’i Davida, ny Jody (Rm 9,26)..»
Currently Selected:
Osea 3: MBC
Highlight
Share
Copy
Want to have your highlights saved across all your devices? Sign up or sign in
Baiboly Katolika © La Société Biblique Malgache, 2003.