Osea 4
4
2. HELOK’I ISRAELY SY SAZINY
Heloka mihanaka
1Henoy ny tenin’i Iaveh, ry zanak’i Israely#4,1 Ry zanak’i Israely: Ireo Israely foko folo indrindra no nilazana ny fananarana amin’ity toko ity.,
fa manana ady amin’ny mponin’ny tany i Iaveh,
satria tsy misy intsony na ny fahamarinana na ny fiantrana
na ny fahalalana an’Andriamanitra ao amin’ny tany.
2Fa ny olona dia mivadika fianianana, mandainga,
mamono, mangalatra, maka vadin’olona;
ary manao an-keriny, ka ny ra nalatsaka#4,2 Ny ra nalatsaka. Ampitahao amin’ny 2Mpa 15,8 sy ny manaraka.
mifanolotra ny ra nalatsaka.
3Noho izany, misaona ny tany,
ary tsy manan-kery ny mponina rehetra ao aminy,
hatramin’ny biby any an-tsaha sy ny voromanidina;
ringana mbamin’ny hazandrano any anaty ranomasina aza.
Famelezana ny mpisorona
4Nefa aza misy manohitra#4,4 Aza misy manohitra, sns. Izany hoe kirina mafy sofina loatra ianareo zanak’i Israely, ka ho sasa-poana izay hananatra anareo sy hanìny ny helokareo, satria tsy hety hiova ianareo tsinona.,
aza misy mitaraina,
fa efa toy ny manana ady#4,4 Toy ny manana ady: Ny lalàna dia manameloka ho faty an’izay tsy manaiky ny mpisorona, mpanao raharahan’ny Tompo (Deter 17,12). amin’ny mpisorona ny firenenao.
5Ho tafintohina ianao#4,5 Tafintohina ianao. Mihatra amin’ny mpisorona izay hafahafa fiaina izany teny izany, satria izy nalain-kanirina indray no nampivandravandra, izany hoe, fanilo ho an’ny vahoaka no nanendren’i Iaveh azy ireo, kanjo izy indray no mampiraparapa ny olona, na dia amin’ny antoandro aza, izany hoe, na dia amin’ny zavatra tsotra sy malaky hitan’ny saina aza., amin’ny antoandro;
hiara-tafintohina aminao koa ny mpaminany#4,5 Ny mpaminany: Ny lazaina amin’izany dia ireo mpaminany sandoka, fa izany no natao anaran’izy ireo tao amin’ny taniny, mba hampiavaka azy amin’ny tena mpaminany marina. Tsy ho afaka amin’ny loza hihatra amin’ny tanindrazany koa izy ireo. amin’ny alina#4,5 Amin’ny andro alina: Izany hoe, amin’ny zava-tsarotra, dia mibedibedy foana mova tsy ny adala ireo mpaminany sandoka ireo.;
ary hataoko levona ny reninao#4,5 Reninao: Izany hoe, ny firenenao..
6Very noho ny tsy fahalalana#4,6 Ny tsy fahalalana: tsy fahalalana ny lalàn’Andriamanitra sy ny fampianarana ny fahamarinana. ny vahoakako;
noho ianao nanary ny fahalalana#4,6 Ianao nanary ny fahalalana. Mihatra amin’ny mpisorona izany teny izany, hoy ny hevitry ny be sy ny maro. Fa i Masindahy Jérôme kosa mbamin’ireo ankamaroan’ny mpivaofy mahay momba ny Soratra Masina, dia milaza fa ny firenena no iharan’izany teny izany. Ny sasany kosa mihevitra fa ny ambaran’i Osea eto, dia i Israely amin’ny foko folo, izay nanary sady naneso ny didin’Andriamanitra sy ny didy tsy maintsy ataony, tamin’ny nandaozany ny Tompo, ka nananganany fivavahana vaovao sy mpisorona tsy araka ny sitrapon’ny Tompo, fa ilay an’Andriamanitra navelany (1Mpa 12,28 sy ny manaraka.) Ireo fandrahonana ireo, dia toa mihatra koa amin’ny mpisorona taranak’i Aarôna, izay ratsy fitondran-tena, ka nandao ny Tompo, tahaka ilay voalaza ao amin’i Ezekiela (44,10 sy ny manaraka), izay nikambana tamin’i Jerôbôama sy nitolo-tena tamin’ireny fivavahana natao teny amin’ny havoana ireny.,
dia hariako tsy ho amin’ny fisoronako koa ianao.
Nanadino ny lalàn’Andrianatrao ianao;
ka hanadino ny zanakao koa Aho.
7Izy rehetra, na firy na firy, samy nanota tamiko;
ka dia hampodiko ho henatra ny voninahiny.
8Mivoky amin’ny fahotan’ny#4,8 Mivoky amin’ny fahotan’ny, sns. Ny irin’izy ireo sy katsahiny, dia ny mahita ny fitombon’ny fahotana, mba hahamaro ny biby vonoina izay atao sorona fanonerana, satria manana anjara sakafo amin’izany izy ireo, ka mitombo ny anjarany arakaraka ny hamaroan’ny sorom-panonerana ataon’ny olona. vahoakako izy ireo;
ary tsy maniry afa-tsy ny faharatsiany.
9Ho sahala ny hanjò ireny mpisorona ireny sy ny vahoaka;
hofaizako izy, noho ny lalany
ary hatsingeriko aminy ny asany.
10Hihinana izy fa tsy ho voky;
hijangajanga fa tsy hitombo;
satria efa nahafoy an’i Iaveh, tsy hanompoany Azy izy.
Fanompoan-tsampy sy faharatsiana fotsiny ny fivavahan’i Israely
11Mahavery saina ny fijangajangana, ny divay, ny ranom-boaloboka.
12Ny tapa-kazony#4,12 Ny tapa-kazony: Ny sampy hazony, na odiny. no ilàn’ny vahoakako saina,
ary ny tehiny#4,12 Ny tehiny: Nisy fomba maromaro fanaon’ny teo aloha mba hilan-kevitra amin’ny andriamanitra amin’ny fampiasana ny rantsan-kazo na tehina kely madinika. Alaina ka atsipiny amin’ny tany ny tehina, ka dia arakaraka ny fipetrahany no akany filazana ny ho avy (ampitahao amin’i Ezek 21,26) no manoro azy ny ho avy,
fa misy saim-pijangajangana nampania, ny vahoakako,
ary lasa nijangajanga nanalavitra ny Andriamaniny.
13Manatitra sorona eny an-tampon-tendrombohitra izy,
mandoro emboka eny amin’ny havoana,
eny ambany oaka amam-peopilie ary terebinta,
satria tsara alokaloka ireny.
Noho izany raha mijangajanga ny zanaka vavinareo,
sy maka vadin’olona ny vehivavinareo tanora,
14samy tsy hofaizako na ny zanaka vavinareo noho ny fijangajangany,
na ny vinantovavinareo tanora noho ny fakàny vadin’olona;
satria, na ireo koa aza, mihataka ho any amin’ny vehivavy janga,
sy miara-manatitra sorona amin’ny karam-bavy.
Ary mivarin-ko faty ny vahoaka tsy misaina.
Fampitandremana an’i Jodà
15Raha ianao no mijangajanga, ry Israely,
aoka i Jodà tsy hilatsaka amin’ny heloka!
aza mankany Galgalà#4,15 Galgalà: Faritanin’ny fokon’i Efraima, izay nanjary foiben’ny fanompoan-tsampy (jereo Os 9,15; 12,11; Am 5,4;5,5). na miakatra any Betavena#4,15 Betavena: Betela ihany. Tao no nananganan’i Jerôbôama ny iray tamin’ny zanak’omby volamena (1Mpa 12,29); ka izany no nanaovana ny anarany hoe Betela, ka ny heviny dia hoe: Tranon’Andriamanitra; fa ny hevitry ny hoe: Betavena kosa dia Tranon’ny zava-poana na Tranon-tsampy.
ary aza mianiana hoe: Velona Iaveh#4,15 Velona i Iaveh: Karazana fomba fianianana izany, izay mitovy amin’ny hoe: Izaho mianiana amin’ny Tompo, na hoe: Marina amin’ny Tompo, tahaka ny fanaon’ny Malagasy.!
Vantotr’omby vavy maditra i Israely
16Satria i Israely efa naditra,
toy ny vantotr’ombivavy mitokona;
ankehitriny kosa i Iaveh hiandry azy
toy ny zanak’ondry#4,16 Toy ny zanak’ondry: Izany hoe, eny amin’ny fitoerana tsy azo tandremana tsara, ka dia harapaky ny amboadia sy ny biby masiaka. eny amin’ny tany lemaka malalaka.
17Tafaraikitra amin’ny sampy i Efraima;
avelao izy ho eo!
18Raha vao avy misotro izy ireo,
dia rafitra mijangajanga.
Zava-mahamenatra no hany tadiavin’ireo mpifehiny.
19Namihina azy tamin’ny elany ny rivotra,
ka ho latsaka an-kenatra izy ireo noho ny sorona nataony.
Currently Selected:
Osea 4: MBC
Highlight
Share
Copy
Want to have your highlights saved across all your devices? Sign up or sign in
Baiboly Katolika © La Société Biblique Malgache, 2003.