Mpit 11
11
1Atsipazo eny ambony rano ny mofonao#11,1 Atsipazo eny ambony rano ny mofonao: izany hoe, manaova soa na dia amin’izay tsy mahay mankasitraka sy ratsy fanahy aza, izay tsy azo antenaina hahitana valiny: fa any andro any volana, dia hahazo ny valin’izany ianao. Ny fiantrana no lazaina eto. Ireo teny ireo hoatry ny nalaina tamin’ny Evanjely. Jereo Lk 14.12-14.,
fa mbola any ny andro hahitanao azy indray.
2Omeo anjara ny fito, ary na dia ny valo aza,
fa tsy fantatra izay loza mety hanjò eto ambonin’ny tany.
3Rehefa feno orana ny rahona,
dia alatsany amin’ny tany izany;
ary raha mianjera mianatsimo#11,3 Raha mianjera mianatsimo, sns. Izany dia mifanaraka amin’ilay ohabolana malagasy hoe: Izay entim-belona, enti-maty; izany hoe, mazàna dia izay toe-panahy amin’ny andro ahavelomana no iafarana amin’ny andro ahafatesana. - Ary koa misy zavatra tsy miankina amin’ny sitrapontsika, ny mahasoa azy na misakana azy, fa lahatr’Andriamanitra; ka ny manaiky no hany hatao: toy ny ranonorana, sns. na mianavaratra ny hazo,
dia izay ianjerany ihany no itoerany koa.
4Izay fatra-pandinika ny rivotra tsy mba hamafy#11,4 Izay fatra-pandinika ny rivotra tsy hamafy. Amin’ny zavatra kasain-katao dia aza mitady mba ho azo antoka mihitsy ny hahombiazanao amin’izany vao hanao azy ianao; satria fa miankina amin’ny zavatra tsy mety ho fantatrao ny hahombiazanao na tsia; koa rehefa niala nenina nandinika ianao, dia matokia ny fitondran’Andriamanitra ka ataovy ny raharahanao.,
ary izay fatra-panadihady ny rahona tsy mba hijinja.
5Toy ny tsy ahalalanao ny lalan’ny rivotra
sy ny fomba fiforonan’ny taolana ao am-bohoka,
no tsy ahalalanao ny asan’Andriamanitra izay manao ny zavatra rehetra.
6Vao maraina dia afafazo ny voanao,
ary ny hariva koa aza avela hitsahatra ny tananao,
fa tsy fantatra izay ho vanona na ity na irỳ,
na samy ho vanona aza izy roa tonta.
4. Ny fahanterana
7Mamy ny fahazavana,
ary mahafinaritra ny maso ny mahita ny mason’andro.
8Na maro toy inona aza ny taona iainan’ny olona,
aoka hifaly izy amin’izany taona rehetra izany
ary aoka hoheveriny ny andro maizina,
fa ho maro izy ireny:
izay mahazo rehetra dia zava-poana avokoa.
9Ry zatovo, mifalia#11,9 Ry zatovo, mifalia: izany hoe mifalia, nefa ataovy ara-drariny, satria mbola hiseho eo anatrehan’Andriamanitra ianao, hamoaka izay rehetra nataonao. dieny mbola tanora ianao;
aoka hahazo firavoravoana amin’ny fonao ianao amin’ny andron’ny fahatanoranao!
Mandehana any amin’izay lalan’ny fonao,
sy araka izay fijerin’ny masonao.
Fantaro anefa fa izany rehetra izany
dia hiantsoan’Andriamanitra anao hotsaraina.
10Esory ao am-ponao ny alahelo,
ary halaviro ny vatanao ny ratsy,
samy zava-poana ny hatanorana amam-pahamaitsovolo.
Currently Selected:
Mpit 11: MBC
Highlight
Share
Copy
Want to have your highlights saved across all your devices? Sign up or sign in
Baiboly Katolika © La Société Biblique Malgache, 2003.