Mpit 10
10
1Fatin-dalitra mahamaimbo sy manimba ny diloilon’ny mpanao zava-manitra;
tahaka izany koa ny fahadalana kely
mahaleo ny fahendrena amam-boninahitra#10,1 Na hoe: tahaka izany koa ny fahadalana kely mahasimba sy mahafoana ny fahendrena amam-boninahitra lehibe..
2Ny fon’ny hendry eo ankavanany#10,2 Ny fon’ny hendry eo ankavanany. Ny fo araka ny fitenin’ny Hebrio, dia milaza ny saina sy ny sitrapo: ary ny eo ankavanana, dia ny tsara, ny mety, ny mahasoa. Koa izao no hevitr’ireo teny ireo: Entin’ny saina sy ny sitrapony ny olon-kendry hanao ny tsara sy ny mety.;
ny fon’ny adala kosa eo ankaviany.
3Ary koa raha mandeha any an-dalana ny adala,
dia very hevitra izy,
ka maneho ny hadalany amin’ny olona rehetra.
4Raha misondrotra tezitra aminao#10,4 Raha misondrotra tezitra aminao, sns. Ny tena hevitr’izany teny izany dia izao: Raha ny lehibe, na ny olona manam-pahefana no tezitra aminao, dia aza miala amin’ny fitoeranao, izany hoe, aza kivy fa mahaiza manonon-tena sy mandefitra, satria izany no hahaizanao miala sy mampiala ny hadisoana lehibe indrindra. ny fon’ny mpanapaka,
aza miala eo amin’ny fitoeranao,
fa ny fahatsindriam-po mahasakana hadisoana be vava.
5Misy ratsy efa hitako atỳ ambany masoandro,
tahaka ny hadisoana avy amin’ny mpanjaka izany:
6Ny fahadalana mitana raharaha ambony,
ary misy mpanan-karena, mipetraka amin’ny toetra ambany.
7Misy mpanompo hitako mitaingin-tsoavaly,
ary andriandahy kosa nandeha tongotra toa mpanompo.
8Izay mihady lavaka mety ho latsaka ao,
ary izay mandrava rafi-bato
mety hokaikerin’ny menarana.
9Izay manenda-bato, mety haratran’izany;
ary ny mamaky hazo mety ho voany.
10Raha dombo ny antsy
ka tsy asaina ny lelany,
dia tsy maintsy manao an’aina ny mpikapa;
fa ny fahendrena no metimety kokoa hahombiazana.
11Raha manaikitra ny bibilava#10,11 Bibilava. Ny mpifosa, dia mampidi-doza tsy misy ivoasana amin’ny bibilava misy poizina. fa tsy natao izay hampahasondriana azy,
dia tsy misy tombon-tsoa ho an’ny mpampahasondriana.
12Mahafinaritra erỳ ny teny aloaky ny vavan’ny hendry;
mihinana ny tenany kosa ny molotry ny adala.
13Ny fiandohan’ny teny avy amin’ny vavany, fahadalana;
ary fiafaran’ny lahateniny koa, fahaverezan-tsaina misafoaka.
14Mampitombo ny teny ho maro, ny adala!...
Tsy fantatry ny olona izay ho avy;
ary iza no hilaza aminy izay ho avy any aoriany?
15Ny asan’ny adala mandreraka azy;
fa ny mankany an-tanàna avy no tsy fantany.
16Loza ho anao, ry tany izay manana zaza ho mpanjaka,
ary ny mpifehy homana hatry ny vao maraina!
17Sambatra ianao, ry tany, izay manana zanak’andriana ho mpanjaka,
ary ny mpifehy homana amin’ny fotoanany mety,
mba hanohana ny ainy fa tsy hiarana amin’ny fisotro.
18Raha kamo ny tanana, miletsy ny lohatrano;
ary raha miborera ny tanana, mitete ny trano#10,18 Mitete ny trano. Noho ny tafon-trano any Palestina marin-tampona, raha tsy tandremana tsara tsy hotanterahin’ny rano izy, dia ho lo vetivety ny rairaindrihana, ary ho tapaka aza ka hitete ny trano..
19Misakafo ny olona hiaranana amin’ny fahafinaretana;
ny divay maharavoravo ny fiainana,
ary ny vola, ahazoana ny zavatra rehetra.
20Aza manozona ny mpanjaka, na ao an-tsainao aza;
aza manozona ny manam-pahefana, na eo an’efitrano fandrianao aza;
fa ny voromanidina hitondra ny feonao;
ary ny biby manana elatra hanely ny teninao.
Currently Selected:
Mpit 10: MBC
Highlight
Share
Copy
Want to have your highlights saved across all your devices? Sign up or sign in
Baiboly Katolika © La Société Biblique Malgache, 2003.