Mpit 12
12
1Tsarovy ny Mpahary anao,
amin’ny andron’ny fahatanoranao,
dieny tsy mbola tonga#12,1 Dieny tsy mbola tonga. Io teny io sy ny manaraka hatramin’ny faran’ny andininy faha-7, dia mameno ny hevitry ny teny hoe: Tsarovy. ny andro ratsy#12,1 Andro ratsy: izany hoe ny fahanterana.
ary tsy mbola akaiky ny taona hanaovanao hoe:
- Tsy sitrako izao.
2Dieny mbola tsy maizina ny masoandro,
sy ny fahazavana ary ny volana aman-kintana#12,2 Masoandro, fahazavana, volana, kintana: izany dia milaza ny fahatsiarovana, ny saina matsilo, ny sitrapo ary ny hevitra. Ka raha tsorina ny filaza azy dia hoe, raha mbola matanjaka ny sain’olombelona.,
ary mbola tsy mitambatra indray ny rahona aorian’ny orana,
3amin’ny andro angovitan’ny mpiandry trano#12,3 Mpiandry trano. Ny vatan’olombelona, araka ny filazan’i Jôb 4,9 sy i Masindahy Paoly, 2Kôr 5,1, dia oharina amin’ny trano. Ka ny lazaina hoe mpiambina, dia ny sandry sy ny tanana.,
ikainkonan’ny lehilahy matanjaka,
iatoan’ny ankizy vavy mitoto, fa mihavitsy isa;
ihamaizinan’ireo#12,3 Ihamaizinan’ireo, sns. Satria rehefa antitra ny olona, dia mihapahimpahina ny masony, na tsy mahita mihitsy aza. mitazana eo am-baravarankely,
4ikatonan’ny varavarana kopa-droa#12,4 Ikatonan’ny varavarana kopa-droa: Ny hoe varavarana dia ny molotry ny antitra, izay tsy maintsy akombona rehefa mihinana izy, mba hifaneran’ny valanorano sy ny akanjonify hoenti-mitsako, satria tsy misy nify intsony. mankeny an-dalambe,
naha mihamalemy#12,4 naha mihamalemy, sns. Satria rehefa mihozongozona na nahafahana ny nify, dia tsakomontsina fotsiny no ataon’ny antitra. ny feon’ny vato fikosoham-bary,
izay itsanganan’ny olona mandre ny feon’ny voronkely,
sy ahalasanan’ny ankizy vavy mpihira#12,4 Ahalasanan’ny ankizy vavy mpihira: Ny lazaina amin’izany dia ny tsy fahaizan’ny antitra miteny intsony satria osa ny avokavony, tsy eo intsony ny nify ary miepakepaka ny molotra. Ny sofin’ny antitra koa dia efa lalodalovana na tsy mahare intsony; koa na dia izay hira tsara sy kanto aza dia tsy mampihontsina azy intsony. rehetra,
5amin’izay atahoran’ny olona#12,5 Amin’izay atahoran’ny olona, sns. Izany hoe: ny antitra dia tsy sahy miani-piakarana, satria efa migodra ny lohaliny, ny tratrany koa efa osa, ka malaky sempotra; ary na dia eny amin’ny arabe aza, dia mananosarotra; indrindra ka amin’ny sakeli-dalana. ny eny amin’ny fitoerana avo,
izay ivadihan’ny olona fo eny an-dalambe,
amin’izay amonian’ny amandie#12,5 Amonian’ny amandie. Ny hoe amandie dia hazo maniry: ka ny alehan’ny hevitry ny teny eto dia milaza fa ny volon’ny antitra dia hamony toy ny amandie, na hoe hanjary fotsy.,
sy ahatongavan’ny valala ho mavesatra,
ary tsy hisy asany intsony ny kapra#12,5 Kapra: hazo kely madinika izay mamòny fotsy ka mivelatra vetivety dia mihintsana, ka izay nialany manjary toa voan-javatra mangadihady. Ka izany voninkazo izany dia natao fanoharana hoenti-milaza ny volon’ny antitra; fotsy angaloha, dia mihintsana, farany mangadihady sahala amin’ny voatavo.,
fa miainga ho any amin’ny fonenany mandrakizay ny olona,
ary mitety ny arabe ny mpitomany;
6Dieny mbola tsy tapaka ny kofehy volafotsy#12,6 Kofehy volafotsy, tamaboa volamena. Ny lazaina amin’izany, dia angamba ny kofehy izay mihazona ny aina.,
mbola tsy vaky ny tamaboa volamena,
mbola tsy vaky ny siny eo an-doharano,
mbola tsy tapaka ny bolaky#12,6 Bolaky: izany hoe ny avokavoka iainana.
ka latsaka eo an-davaka famorian-drano;
7dieny mbola tsy miverina#12,7 Dieny mbola tsy miverina. Eto dia mampahatsiaro ny niandohana sy ny hiafaran’ny olombelona ny Mpitory teny. amin’ny tany ny vovoka,
araka ny toetrany taloha indray,
ary ny fanahy kosa hiverina amin’Andriamanitra izay nanome azy.
8Zava-poana dia zava-poana, hoy ny Mpitoriteny,
zava-poana ny zavatra rehetra.
Teny famaranana
9Afa-tsy ny maha olon-kendry ny Mpitory teny,
dia nampianatra ny fahaizana ny vahoaka koa izy;
nandinika sy nandanjalanja izy,
ary nandahatra oha-teny maro.
10Nikely aina ny Mpitory teny hahita fomba fiteny mahafinaritra,
sy hanoratra tenim-pahamarinana araka ny hitsiny.
11Ny tenin’ny hendry dia toy ny fanindronana omby;
ny boky nanangonana azy toy ny fantsika voahombo;
atolotry ny Mpiandry iray monja ireo teny ireo.
12Ary raha teny mihoatra noho izao kosa, anaka, aoka ho efa voaanatra ianao#12,12 Anaka, aoka ho efa voaanatra ianao: izany hoe: efa nilazana ianao mba hiasa dieny tanora; fa rehefa antitra, na te-hanao aza, tsy hahefa inona intsony; ka aoka ho ampy ho anao izany torohevitra izany..
Fa ny manampy manampy boky ihany, tsy hisy farany;
ary ny fianarana be koa, fanasaran-tena.
13Famaranana ny lahateny, rehefa heno avokoa izy rehetra:
Matahora an’Andriamanitra ary mitandrema ny didiny,
fa izany tokana no izy amin’ny olombelona;
14satria holazain’Andriamanitra amin’ny fitsarana avokoa,
ny zava-miafina rehetra,
mbamin’ny asa rehetra, na tsara na ratsy.
Currently Selected:
Mpit 12: MBC
Highlight
Share
Copy
Want to have your highlights saved across all your devices? Sign up or sign in
Baiboly Katolika © La Société Biblique Malgache, 2003.