Sɛ́núnywɛ́ Xónusɔ́ɖóte
Xónusɔ́ɖóte
Jwifu ɖokpó wɛ ná kó wlán Sɛ́núnywɛ́ wéma ɔ́ ɖo Alɛsándli ɖo Ejípu tomɛ, ɖo é kpo xwe ywɛywɛ ɖé bɔ è nǎ ji Klísu. Jwifu gěgé ɖo to nɛ́ ɔ́ mɛ hwenɛ́nu. Glɛ̌sigbe mɛ wɛ è wlǎn wěma ɔ́ dó.
Wěmawlántɔ́ ɔ́, Jwifu lɛ́ɛ wútu wɛ é wlán, ɖo tají ɔ́, mɛ wínnyáwínnyá lɛ́ɛ. Mɔɖíɖó we wɛ ɖo te nú yě. Hwɛndo Glɛ̌sinu lɛ́ɛ tɔn ná xwedó ɔ́ nɔ́ jló yě, yě ká ná mɔ wǔvɛ́, ɖó nǔɖiɖi yětɔn wú. Wěmawlántɔ́ ɔ́ ɖo ɖiɖe xlɛ́ wɛ ɖɔ nǔ ɖěbǔ kún ɖo mɛ e ma nyí Jwifu ǎ lɛ́ɛ sín hwɛndo mɛ bɔ è nǎ jló ó. Ɖó nǔ e Sɛ́núnywɛ́ e nɔ́ gosín Mawu gɔ́n ɔ́ nɔ́ ná yě ɔ́ hú mɔ̌. É ɖo akɔ́nkpinkpan ná mɛ e jí xɛsi ɖe lɛ́ɛ wɛ, lobo nɔ flín yě lě e Mawu jɛ ahwan Izlayɛ́li jí gbɔn sín tɔ́gbó lɛ́ɛ hwenu, bó nɔ́ dó alɔ ɛ bɔ é nɔ́ ɖu ɖo kɛntɔ́ tɔn lɛ́ɛ jí gbɔn é.
Lo ɔ́, wěmawlántɔ́ ɔ́ lɛ́ flín mɛ e má nyí Jwifu ǎ lɛ́ɛ lɔmɔ̌ ɖo wěma tɔn mɛ. É jló ná ɖe xlɛ́ yě ɖɔ Jwifu lɛ́ɛ kún nyí togun ma ɖó hwɛndo ɖé ó. Ɖó Mawu yětɔn wɛ nyí nukúnnú-mɔjɛnǔmɛ kpódó nǔnywɛ́ kpó sín dodó. Nǔnywɛ́ énɛ́ ɔ́ ká xɔ akwɛ́ hú nǔnywɛ́ e è nɔ mɔ ɖo Ejípu é. Mawu yí wǎn nú nǔɖíɖó tɔn lɛ́ɛ bǐ, lobo nɔ zɔ́n mɛ e ɖo gbejí n'i lɛ́ɛ ɖɔ yě lɔmɔ̌ ní yí wǎn nú nǔɖíɖó lɛ́ɛ bǐ, lobo ka ɖe kɔ dó nǔmɛsɛn lɛ́ɛ.
Ényí nǔ sixú cí mɔ̌ ɔ́, Mawu ná ná yě nǔnywɛ́ nǔgbó tɔn e nǔ bǐ vɔ ɖ'é wú é.
Nǔ tají tají e ɖo wěma ɔ́ mɛ lɛ́ɛ
Sɛ́núnywɛ́ kpódó nǔ e ɖo te nú gbɛtɔ́ lɛ́ɛ é kpó (1—5)
Mi xo mlá Sɛ́núnywɛ́ (6—9)
Sɛ́núnywɛ́ kpódó togun Mawu tɔn sín tan kpó (10—19)
Currently Selected:
Sɛ́núnywɛ́ Xónusɔ́ɖóte: FONDC
Highlight
Copy
Compare
Share
Want to have your highlights saved across all your devices? Sign up or sign in
La Bible en langue fon © Alliance Biblique du Bénin, 2012.