Ɛsitɛ́ɛ Glɛ̌sigbe F
F
Tínmɛ e dlɔ̌ e Maadocée kú é ɖó é
4 Maadocée ɖɔ: “Nǔ e jɛ nɛ́ lɛ́ɛ bǐ ɔ́, Mawu gɔ́n wɛ nǔ lɛ́ɛ bǐ sésé gosín. 5 Nǔgbó wɛ un flín dlɔ̌ e un kú ɖo ali énɛ́ ɔ́ nu é; é hwe nǔ ɖokpó géé lě ɖ'é mɛ ǎ, bǐ wɛ jɛ. 6 Un mɔ tɔjijɔ kléwún ɖé, bɔ é wá húzú tɔ ɖaxó ɖé; wěziza Ɛsitɛ́ɛ ɖěe axɔ́sú ɔ́ da, bó sɔ́ ɛ axɔ́si é wɛ. 7 Dan baɖabaɖa we lɛ́ɛ ɔ́, Hamáa kpó nyɛ kpó wɛ. 8 Togun lɛ́ɛ ɔ́, yě mɛ e xo yěɖée kplé bó ná vɔ Jwifu lɛ́ɛ é wɛ. 9 Mɛ e sú xó ylɔ́ Mawu, lobɔ é hwlɛ́n yě gán lɛ́ɛ é ɔ́, Izlayɛ́li togun ce ɔ́ wɛ. Aklúnɔ hwlɛ́n togun tɔn gán; Aklúnɔ hwlɛ́n mǐ ɖo nyladó énɛ́ lɛ́ɛ bǐ mɛ. Mawu dó nǔ ɖaxó ɖaxó sin, bɔ yě ká kó jɛ gbeɖé kpɔ́n ɖo Pagánwun lɛ́ɛ mɛ ǎ. 10 Nǔ e wú wɛ è sɔ́ nǔ we ɖó te é nɛ́. Togun Mawu tɔn tɔn ɔ́ nyí ɖokpó, bɔ Pagánwun lɛ́ɛ lɔ tɔn nyí ɖokpó mɔ̌. 11 Nǔ we wɛ lɛ́ jɛ gan tɔn mɛ, hwe tɔn nu kpódó hwɛɖɔzán gbe kpó ɖo Mawu nukɔn, lobo ka jɛ dó Pagánwun lɛ́ɛ bǐ tamɛ. 12 Mawu flín togun tɔn, lobo ka dó hwɛjijɔ nú mɛ e nyí étɔn lɛ́ɛ é. 13 Nǔ e wú wɛ yě ɖó ná sɔ́ azǎn we ɖó te ɖo Adáa sín sunzán ɔ́ mɛ, bó ná ɖu xwe ɔ́ kpó xomɛhunhun ɖaxó kpó ɔ́ nɛ́. Azǎn wɛ̌nɛgɔ́ ɔ́ kpódó afɔtɔngɔ́ ɔ́ kpó, yě ná kplé ɖo Mawu nukɔn, bó ná nɔ́ ɖu xwe kpódó awǎjijɛ kpán, sín gbɛ̌ ɖě mɛ yi ɖě mɛ, ɖo togun tɔn Izlayɛ́li mɛ nú tɛgbɛ gbe.”
Nǔ mɔ ɖo nǔ wú gǔdo tɔn
14 Putolemɛ́ɛ ɖu axɔ́sú, bɔ Kelewopasi nyí axɔ́si ɔ́, xwe tɔn ɛnɛgɔ́ ɔ́ mɛ wɛ; Dositɔsi ɖěe sí te bó ɖɔ émí nyí vɔ̌sánú-xwlémawutɔ́, lobo lɛ́ nyí Levíi ví é kpódó vǐ tɔn Putolemɛ́ɛ kpó ɖe nǔwlánwlán e ɖɔ xó dó nǔ ba ɖo Mawu mɛ sín xwe ɔ́ nu é tɔ́n. Yě dó zǒgbé jí ɖɔ élɔ́ ɔ́, nǔ ba kpɔ́n ɖo Mawu mɛ sín wěma wɛ; wěma dodó ɔ́ wɛ, bɔ Lisimaki, Putolemɛ́ɛ sín vǐ e nyí mɛ ɖokpó ɖo Jeluzalɛ́munu lɛ́ɛ mɛ é wɛ é húzú dó gbe ɖěvo mɛ.
Currently Selected:
Ɛsitɛ́ɛ Glɛ̌sigbe F: FONDC
Highlight
Copy
Compare
Share
Want to have your highlights saved across all your devices? Sign up or sign in
La Bible en langue fon © Alliance Biblique du Bénin, 2012.