Silaki ví 36
36
Ɖɛ xo dó togun Izlayɛ́li tɔn tamɛ
1Aklúnɔ! Mawu Nǔbǐwúkpétɔ́, kú nǔbláwǔ mǐtɔn!
2Togun lɛ́ɛ bǐ ní sí we, bó sísɔ́ avuvɔ ɖo nukɔn towe!
3Zě adǎnlɔ towe dó togun jǒnɔ lɛ́ɛ jí,
nú yě ní mɔ nǔwúkpíkpé towe.
4A wa nǔ dó mǐ wú bó ɖe xlɛ́ yě ɖɔ a nyǐ mǐmɛ́;
mɔ̌ ɖokpó ɔ́, wa nǔ dó yě wú, bó ɖe xlɛ́ mǐ ɖɔ a nyǐ nǔsúɖaxó.
5Yě ní tunwun we ɖi mǐ ɖésú ɖɔhun;
nǔgbó ɔ́, mǐ tunwun ɖɔ Mawu ɖě kún sɔ́ tíin zɛ hwi Aklúnɔ ɔ́ wú ó.
6Lɛ̌ vɔ́ nǔjíwǔ e a ko wa wá yi lɛ́ɛ é wa;
Blǒ nǔkpácámɛ ɖěvo lɛ́ɛ.
7Sɔ́ susu sín avɔ cyɔ́n nú hwiɖée!
8Fɔ́n xomɛsin towe kawun kawun ɔ́ ɖó te ní gba kpé.
9Sú kɛntɔ́ mǐtɔn lɛ́ɛ sín kún dó;
nyǐnyɛ́ mɛ e tɔ́n ahwan mǐ lɛ́ɛ é!
10Sɛ fífónu sín gan ɔ́ wá gǔdo;
ma wɔn ó, hwi wɛ ɖó hwenu tɔn;
énɛ́ ɔ́, nǔwúkpíkpé sín azɔ̌ e a wa lɛ́ɛ é ɔ́, è hɛn ɔ́, è nǎ kpi tan tɔn.
11Xomɛsin towe sín zo ní fyɔ́ mɛ e kpo ɖo gbɛ lɛ́ɛ é;
sú mɛ e ɖo ya dó nú togun towe wɛ lɛ́ɛ sín kún dó.
12Nyǐnyɛ́ ta nú mɛ e ɖo kɛntɔ́ lɛ́ɛ nu lɛ́ɛ é;
yě mɛ e nɔ ɖɔ: “Mɛ ɖěbǔ sɔ́ tíin bó cí mǐ ɖɔhun ǎ” lɛ́ɛ é.
13Xo akɔta Izlayɛ́li tɔn lɛ́ɛ bǐ kplé;
16Zě to e a nǎ yě ɖo bǐbɛ́mɛ é nú yě.
17Aklúnɔ, kú nǔbláwǔ nú togun towe e wú nyǐkɔ towe ɖe é;
kú nǔbláwǔ nú Izlayɛ́li ɖěe nyí nukɔngbéví towe é.
18Nyɔ̌ xomɛ dó toxo mímɛ́ Jeluzalɛ́mu e nyí nɔtɛn towe é wú.
19Blǒ bónú Sinyɔ́ɔ to bǐ ní mlá we;
susu towe ní gba kpé togun towe mɛ.
20Ɖe xlɛ́ ɖɔ Izlayɛ́li, ɖěe a ko ɖó sín bǐbɛ́mɛ ɖokpóó é ɔ́, togun towe wɛ;
ɖe akpá e a dǒ gbɔn gbeyíɖɔ lɛ́ɛ jí é!
21Nǎ nǔ e sín akpá a dǒ nú mɛ e ɖo te kpɔ́n we lɛ́ɛ é;
énɛ́ ɔ́, è nǎ mɔ ɖɔ gbeyíɖɔ towe lɛ́ɛ ɔ́, mɛ ɖejidéwú wɛ yě nyí.
22Aklúnɔ, hwi mɛ e nyɔ́ xomɛ dó togun towe wú é,
ɖǒtó vo e sa wɛ deví towe lɛ́ɛ ɖe lɛ́ɛ é!
Énɛ́ ɔ́, mɛ bǐ ná tunwun gbɔn ayǐkúngban ɔ́ bǐ jí ɖɔ a nyǐ Aklúnɔ Mawu tɛgbɛ tɔn.
Hwɛjlɔ́jlɔ́ɖiɖɔ
23Nǔ e è ko sixú ɖu lɛ́ɛ é bǐ ɔ́, adɔgbó nɔ́ yí;
lo ɔ́, nǔɖuɖu ɖě nɔ́ nyɔ́ hú ɖě.
24Kanlin e è nya gbě bó hu lɛ́ɛ sín lan ɔ́,
nu nɔ tunwun ɖó vo;
mɔ̌ ɖokpó ɔ́, ayi e sɛ́ é ɔ́,
è to ɖo adingban ɖó n'i wɛ ɔ́, é nɔ́ tunwun.
25Linlin e ma xwe ali ǎ é nɔ́ dɔn mɛ dó aluwɛ mɛ;
lo ɔ́, mɛ e ka ko mɔ nǔ kpɔ́n é ná na ɛ nǔ e jɛ xá ɛ é.
Nyɔ̌nu e nyí mɛ tɔn é kpɔ́n bó sɔ́
26Nyɔ̌nu ɖokpó hɛn ɔ́,
é ná sɔ́ súnnu ɖěbǔ dó ɖó asú ná;
lo ɔ́, ɖyɔ̌vǐ ɖé lɛ́ɛ nɔ́ nyɔ́ mɛ nukún mɛ hú ɖě lɛ́ɛ.
27Ɖɛkpɛ nyɔ̌nu tɔn nɔ́ nyɔ́ kpɔ́n nú asú tɔn;
nǔɖé sɔ́ nɔ́ jló e zɛ wǔ tɔn ǎ;
28Ényí xógbe tɔn lɛ́ɛ nɔ́ fá, bó nyɔ́ se hǔn,
gbɛ nyɔ́ nú asú tɔn hú gbɛtɔ́ lɛ́ɛ bǐ nɛ́.
29Mɛ e ɖó asi é ɔ́, nǔ tɔn nɛ́ kó jɛ nyǐnyɔ́ jí nɛ́;
alɔdó e tɔ́ ɖě cí é ɖésú ɖɔhun é wɛ,
lobo ka lɛ́ nyí sósyɛ́n tɔn.
30Fí e è ma xá ǎ é ɔ́, nǔ e ɖo fínɛ́ é wlɔ́ɖu wɛ é nɔ́ nyí;
fí e nyɔ̌nu ma ɖe ǎ é ɔ́, súnnu ɔ́ nɔ́ húzú gbɛ̌dónánɔ,
lobɔ é sɔ́ nɔ́ tunwun fí e é xwe é ǎ.
31È sixú ɖeji dó ajotɔ́ axánsúnxó
ɖěe nɔ́ ɖo tomɛ tomɛ gbɔn wɛ é wú ǎ;
mɔ̌ ɖokpó ɔ́, è sixú ɖeji dó gbɛtɔ́ e má ɖó adɔ̌tɛn ǎ bó gbo fí ɖé ɔ́, é nɔ́ dɔ́ é wú ǎ.
Currently Selected:
Silaki ví 36: FONDC
Highlight
Copy
Compare
Share
Want to have your highlights saved across all your devices? Sign up or sign in
La Bible en langue fon © Alliance Biblique du Bénin, 2012.