Silaki ví 27
27
1Nǔ gěgé ná ɖó wú wɛ gbɛtɔ́ gěgé nɔ́ hu hwɛ.
Mɛ e ɖo dɔkun gěgé ba ná jɛ wɛ é ɔ́, mɛ nú nɔ́ blá wǔ n'i ǎ.
2Ɖi lě e è nɔ xwe só ɖó awǐnnya we tɛ́ntin gbɔn é ɔ́,
mɔ̌ wɛ hwɛ nɔ kpa zinkpo bó nɔ́ jínjɔ́n nǔsatɔ́ kpódó nǔxɔtɔ́ kpó tɛ́ntin gbɔn.
3Mɛ e ma nɔ sí Aklúnɔ kpó hlɔ̌nhlɔ́n tɔn bǐ kpó ǎ é ɔ́,
xwé tɔn ná gba kíjá.
Xógbe wɛ nɔ́ ɖe jijɔ mɛtɔn xlɛ́
4Ényí è kɔn nǔ dó nǔtanú mɛ ɔ́, cákítí lɛ́ɛ wɛ nɔ́ wá kpo;
mɔ̌ ɖokpó ɔ́, nú mɛɖé ɖó jijɔ nyanya ɖé ɔ́,
xóɖiɖɔ tɔn mɛ wɛ è nɔ tunwun ɖe.
5Lě e zɛ̌nmɛtɔ́ xo zo dó zɛ̌n tɔn gbɔn ɖo abijí é wɛ nɔ́ ɖe zɛ̌n alɔkpa e é mɛ é xlɛ́;
mɔ̌ ɖokpó ɔ́, nǔ e gbɛtɔ́ nyí ɔ́, xógbe tɔn mɛ wɛ è nɔ tunwun ɖe.
6 Lě e atín ɖé sɛ́n gbɔn ɔ́ wɛ nɔ́ ɖe lě e è tɔ́jú i gbɔn é xlɛ́.
Mɔ̌ ɖokpó ɔ́, cóbónú a nǎ mɔ nǔ jɛ linlin mɛɖé tɔn wú ɔ́,
nǔ e ɖo ayi tɔn mɛ é wú ɔ́, xó tɔn mɛ wɛ a nǎ mɔ ɖe.
7Ma to kpa mɛɖé hwɛ̌ xóɖiɖɔ tɔn mɛ vo ó;
tó wɛ è nɔ ɖó mɛ hwɛ̌ cóbó nɔ́ tunwun tɛn e mɛ è nǎ sɔ́ mɛ ɖó é.
Nǔ wa ɖó ganjí
8Ényí nǔ jlɔ́jlɔ́ ba ná wa jɛ́n nɔ́ myá nukún nú we ɔ́,
é ná kpa we, a hɛn ɔ́, a nǎ sɔ́ ɖuɖéjí énɛ́ dó xwezán gbe sín acɔ́vɔ ɖɔhun.
9Xɛ nukún mɛ ɖokpó ɔ́ lɛ́ɛ nɔ́ yí wǎn nú kpɔ́ninɔ;
mɔ̌ ɖokpó ɔ́ wɛ nǔjlɔ́jlɔ́wiwa lɔ nɔ yi xá gbɛtɔ́ ayiɖowɛnnánɔ lɛ́ɛ.
10Kinnikínní jawuntá nɔ́ yi wu nú kanlin e wlí gbé wɛ é ja é;
mɔ̌ wɛ hwɛ nɔ yi wu nú nǔnyanyawatɔ́ lɛ́ɛ é nɛ́.
11Mɛ e nɔ́ nɔ gbejí nú Aklúnɔ é ɔ́,
xó tɔn ɔ́, nǔnywɛ́ kɛ́ɖɛ́ wɛ é nɔ́ nyí;
lo ɔ́, mɛ e xó tɔn ma nɔ́ xwe ali ǎ é ɔ́,
é nɔ́ ɖyɔ́ wunmɛ sun ɖɔhun.
12Ma nɔ xá gbɛtɔ́ nǔmanywɛ́tɔ́ lɛ́ɛ dín ó;
lo ɔ́, a hɛn ɔ́, a nǎ nɔ mɛ e nyɔ́ nǔ i lɛ́ɛ é gɔ́n nú hwenu gěgé.
13Mɛ e ma bí ǎ lɛ́ɛ é nɔ́ dó xomɛsin nú mɛ ɖo xógbe mɛ;
yě ná bó ɖo nǔ ko wɛ yǎyá ɔ́, hwɛ hu dó hwɛ jí wɛ jɛ́n yě nɔ́ ɖe.
14Mɛ e nɔ ɖo akpá dó nú mɛ wɛ ma gbokɔ lɛ́ɛ é ɔ́,
xó yětɔn ɔ́, nǔ nyanya ɖésú wɛ;
jlɛɖiɖɔ yětɔn nɔ́ vɛ́ se nú mɛ lɛ́ɛ bɔ yě nɔ́ sú tó.
15Jlɛɖiɖɔ goyítɔ́ tɔn nɔ́ kɔn hun kɔn nyi ayǐ;
zungbe yětɔn nɔ́ nyɔ́ se ǎ.
Xóvívɛ́ hɛn xomɛ
16 Mɛ e ɖɔ xó vívɛ́ e è ɖɔ n'i é tɔ́n ɔ́,
mɛ énɛ́ sú jiɖiɖe dó mɛ wú sín kún dó;
é sɔ́ ná mɔ xɔ́ntɔn jɔ xɔ́ntɔn ɖě ǎ.
17Yǐ wǎn nú xɔ́ntɔn towe, lobo ɖeji dó wǔ tɔn;
amɔ̌, ényí a ka wá ɖɔ xó vívɛ́ e é ɖɔ nú we lɛ́ɛ é hǔn,
ma sɔ́ ba ɖɔ ní ɖe xɔ́ntɔn sín afɔ ɖé dó gɔ̌n towe ó.
18Nǔgbó wɛ, xɔ́ntɔn nyínyí mitɔn vɔ lě e mɛ mɛtɔn kú ɔ́,
é nɔ́ nyí nǔ bú nú mɛ é ɖɔhun.
19Nú a hun alɔ ɔ́, xɛví ɔ́ ná zɔn yi;
mɔ̌ ɖokpó ɔ́, nú xɔ́ntɔn yi dó we ɔ́, a sɔ́ ná mɔ ɛ ǎ.
20Ma ɖɔ émí ná tɛ́nkpɔ́n bó wlí i ó, ɖó fí e é ɖe dó we ɔ́ lín;
é kó hɔn yi zungbɔ́ e gló mɔ é ɖɔhun.
21Nú è gblé wǔ ɔ́, è hɛn ɔ́, è nǎ klɔ́ akpa abǐ è hɛn ɔ́, è nǎ sɔ́ zungbe sá wǔ;
lo ɔ́, mɛ e ɖe xó vívɛ́ e è ɖɔ n'i é tɔ́n é ɔ́,
mɛ énɛ́ ɔ́ sɔ́ ɖó nǔɖé bo ná ɖó nukún ǎ.
Gbɛtɔ́ ma ɖó jiɖedéwú
22Mɛ e fin mɛ kpɔ́n é ɔ́, nǔ nyanya wiwa sín ayixa kan wɛ é ɖe;
ényí a wǎ yi kpé e hǔn, ma zɔn xá ɛ ó.
23Xó víví kɛ́ɖɛ́ wɛ ná tɔ́n sín nu tɔn mɛ,
bɔ nukikɛ towe lɛ́ɛ ná nyɔ́ se n'i káká,
lo ɔ́, é ká dó gǔdo we tlóló ɔ́, gbe tɔn ná húzú,
bɔ xó e hwi ɖésú ɖɔ é wɛ é ná sɔ́ dó wa nyanya nú we.
24Un gbɛ́ wǎn nú nǔ gěgé, ɖo tají ɔ́, gbɛtɔ́ mɔ̌hunkɔ;
Aklúnɔ lɔ nɔ gbɛ́ wǎn n'i.
Nǔ nyanya e è wa ɔ́, è nɔ sú axɔ́ tɔn jɛ́n wɛ
25Ényí mɛɖé nyi hwǎn dó jɔhɔn mɛ ɔ́, mɛ ɔ́ ná wá yí dó ta.
Ényí mɛɖé xo nɛgbé nú mɛ ɔ́, è nǎ xo nɛgbé nú é lɔmɔ̌.
26Mɛ e kun do ɔ́ ná jɛ mɛ;
mɛ e ɖó mɔ ɔ́, mɔ ɔ́ ná wá wlí i.
27Mɛ e wa nǔ nyanya ɔ́, nǔ nyanya ɔ́ ná flí jɛ jǐ tɔn;
bɔ é ná ba do kpo nú fí e é gosín é.
28Goyítɔ́ wɛ nɔ́ gbɔ́ mɛ ɖě lɛ́ɛ ko, abǐ é nɔ́ zun yě,
lo ɔ́, hlɔnbiba ɖo wu mɛ n'i lě e kinnikínní jawuntá nɔ́ ɖo wu mɛ nú kanlin é ɖɔhun.
29Mɛ e adǎn e nɔ́ gbo gbejí nɔ nú Aklúnɔ tɔ́ lɛ́ɛ nɔ́ víví ná lɛ́ɛ é ɔ́, yě ná wá jɛ mɔ mɛ; yě ná ji ya ɖésú cóbó ná kú.
Sɔ́ hwɛ kɛ mɛ lobo ma hɛn nɔzo xomɛ ó
30Mɛ hɛn xomɛ kpódó xomɛsin kpó ɔ́,
nǔ baɖabaɖa e mɛ mɛdídá mɔ nǔ jɛ ganjí é nɛ́.
Currently Selected:
Silaki ví 27: FONDC
Highlight
Copy
Compare
Share
Want to have your highlights saved across all your devices? Sign up or sign in
La Bible en langue fon © Alliance Biblique du Bénin, 2012.