Silaki ví 26
26
Nǔ nyɔ́ nú mɛ e ɖó asi jɔ asi é
1Nǔ nyɔ́ nú asú e ɖó asi ɖagbe é;
é ná dɔ́ ji hú lě e é ná dɔ́ gbɔn ɔ́ azɔn we.
2Nyɔ̌nu e kpan akɔ́n é nɔ́ nyí wi nú asú tɔn;
é ná nɔ vivo mɛ ɖo gbɛ hwenu tɔn bǐ;
3nyɔ̌nu jɔ nyɔ̌nu ɔ́, nǔ xɔ akwɛ́ wɛ é nyí bɔ è nǎ mɛ e nɔ sí Aklúnɔ é;
4É ná bó nyí dɔkunnɔ abǐ wamamɔnɔ ɔ́,
súnnu énɛ́ sín ayi nɔ ɖo xomɛhunhun jí tɛgbɛ,
bɔ nukún mɛ tɔn nɔ́ ɖo awǎjijɛ mɛ.
Nyɔ̌nu e nɔ́ zán gbɛ nyi do é
5Nǔ atɔn wɛ nɔ dó xɛsi nú mì,
lo ɔ́, nǔ ɛnɛgɔ́ ɔ́ nɔ́ ɖó adohu nú mì d'é jí:
yě ɖɔ yě ɖɔ e nyí adingbanxó bɔ è nɔ fúnfún gbɔn tomɛ é;
ahwan kplékplé kpó adingban ɖó dó mɛ kɔ kpán;
nǔ énɛ́ lɛ́ɛ bǐ vɛ́ hú kú.
6Lo ɔ́, wǔvɛ́ mimɔ ɖě sɔ́ hú è nǐ mɔ nyɔ̌nu ɖě ní ɖo wǔhwan ɖě ɔ́ wú wɛ ǎ.
È nɔ ɖo dǎka sín xó ɖɔ wɛ gbɔn fí bǐ.
7Lě e nú è ma sin glelɛkpo ɖó ganjí ɖó nyibú kɔlivla mɛ ǎ ɔ́,
è nɔ dó ya n'i sɔ ɔ́,
mɔ̌ wɛ nyɔ̌nu dǎkaxotɔ́ nɔ́ dó ya nú mɛ sɔ é nɛ́.
È ba ná ɖu ɖo jǐ tɔn ɔ́ cí hɔnkéklě wlí ɖó alɔ wú ɖɔhun.
8Nyɔ̌nu e nɔ́ nu vɛ̌ɛn díngan ɔ́,
xomɛsin ɖaxó wɛ é nɔ́ dó nú mɛ;
é sɔ́ nɔ́ sixú sɔ́ nǔ e nyí winnyá n'i é hwlá ǎ.
9È kpɔ́n acɔ́nukún e bló wɛ nyɔ̌nu ɖe ɔ́,
è nɔ tunwun ɖɔ nyɔ̌nu gbɛnyanyazántɔ́ wɛ;
wunda gbo nú mɛ tɔn nɔ ɖe nǔ e é nyí é xlɛ́.
10Ényí vǐ towe nyɔ̌nu syɛ́n ta dín hǔn,
cɔ́ ɛ ganjí, é má nyí mɔ̌ ǎ ɔ́,
nú a ɖe nukún sín wǔ tɔn kpɛɖé ɔ́,
é ná zɔ́n d'é wú bó dó nǔ sin.
11Cɔ́ hwiɖée dó mɛmasí nukún e ɖo ta tɔn é wú;
nú é flú we hǔn, ma nú é kpácá we ó.
12Ɖi tomɛyitɔ́ e kɔ xú é ɖɔhun ɔ́,
é nɔ́ hun nu nyi nuvo,
bó nɔ́ nu sin nukɔntɔn e é mɔ é.
É ɖo gbesisɔ mɛ ná mlɔ́ goxɔtín ɖěbǔ kɔn,
bó ná sɔ́ agbaza tɔn jó nú mɛ nukɔntɔn e ná wá é.
Susu kpa nú nyɔ̌nu nǔvɔɖéwú
13Nyɔ̌nu e nyɔ́ ɖɛkpɛ tawun ɔ́ nɔ́ dó awǎjijɛ nú asú tɔn;
bǐbí tɔn nɔ́ hɛn lanmɛ tɔn ɖó ganjí.
14Nyɔ̌nu e má nɔ́ ɖɔ xó dín ǎ é ɔ́,
nǔnámɛ Aklúnɔ tɔn wɛ é nyí:
éé yí kplɔ́n ganjí é ɔ́, nǔ xɔ akwɛ́ ɖaxó wɛ.
15Nyɔ̌nu e nɔ́ sí éɖée ɔ́,
fɛ́nú e hú fɛ́nú bǐ é wɛ.
Nǔɖé xɔ akwɛ́ sɔ nyɔ̌nu e nɔ́ hɛn éɖée é ǎ.
16Nyɔ̌nu e nyɔ́ kpɔ́n é sín ɖɛkpɛnyínyɔ́ ɖo xwé e è wlíbo ná ganjí é gbe ɔ́ nɔ́ cí hweyihwǎn ɖɔhun.
17Nukúnmɛɖɛkpɛ ɖo agbaza e lílɛ́ ganjí é wú ɔ́ nyɔ́;
é nɔ́ cí wěziza e è sɔ́ ɖó zogbɛ́nhɛnnú jí ɖo Sinsɛnxɔ mɛ é ɖɔhun.
18Asá e nyɔ́ ɖɛkpɛ ganjí bó ɖo afɔgókɔ e syɛ́n ganjí é jí ɔ́,
nɔ́ cí dotín e è sɔ́ siká dó mɛ bɔ é jínjɔ́n kpatágan jí é ɖɔhun.
Ninɔmɛ blá wǔ atɔn
28Nǔ we ɖe bó nɔ́ dɔn mì dó aluwɛ mɛ,
lo ɔ́, nǔ atɔngɔ́ ɔ́ nɔ́ dó xomɛsin nú mì:
ahwanfuntɔ́ xóxó e wá húzú gbɛ̌dónɔ é;
gbɛtɔ́ nǔnywɛ́tɔ́ e mɛ ɖě lɛ́ɛ bǐ gbɛ́ wǎn ná é;
lo ɔ́, ɖo tají ɔ́, mɛ e nɔ jó ɖagbewiwa dó,
bó nɔ́ bló nyanya é,
kú zozo wɛ Aklúnɔ ná sɔ́ dó hu i ná
Tɛ́nkpɔ́n ajɔ̌tɔ́ tɔn lɛ́ɛ
29Ajɔ̌tɔ́ ná gɔn nǔ hízíhízí mɛ dó ta ɔ́,
é vɛ́ wǔ dín; ajɔ̌tɔ́ nɔ́ nɔ hwɛ mɛ vo ǎ.
Currently Selected:
Silaki ví 26: FONDC
Highlight
Copy
Compare
Share
Want to have your highlights saved across all your devices? Sign up or sign in
La Bible en langue fon © Alliance Biblique du Bénin, 2012.