Silaki ví 15
15
1Lě e mɛ e nɔ sí Mawu é nɔ́ wa nǔ gbɔn é nɛ́.
Mɛ e tunwun sɛ́n céɖécéɖé é nɔ mɔ Sɛ́núnywɛ́ yí.
2Éyɛ́ nɔ wá xo go e nɔ ɖɔhun,
é nɔ yí i ɖi ɖyɔ̌vǐ e nyí asidida n'i é ɖɔhun.
3Wɔ̌xúxú e é nɔ ná ɛ ɔ́, nǔnywɛ́ wɛ.
Sin e é nɔ ná ɛ ɔ́, Sɛ́núnywɛ́ wɛ.
4É ná gán jɛ wǔ tɔn, bó ná fún sa ǎ.
É ná tɛ́ dó wǔ tɔn, bɔ winnyá ná hu i ǎ.
5Sɛ́núnywɛ́ ná sɔ́ ɛ dó húzú mɛjɔmɛ hú mɛ e lɛ́ lɛ̌ dó e lɛ́ɛ.
Hwenu e é ná ɖo agun nukɔn ɔ́, é ná nɔ sɔ́ xó tɔn lɛ́ɛ dó nu mɛ n'i.
6Mɔ̌ wɛ nǔ ná nyɔ́ n'i, bɔ awǎjijɛ tɔn ná túnflá,
bɔ nyǐkɔ tɔn ná yi aga nú tɛgbɛ gbe é nɛ́.
7Nǔvɔ́nɔ lɛ́ɛ nɔ ɖó Sɛ́núnywɛ́ ǎ.
Mɛdídá lɛ́ɛ ná mɔ ɛ gbeɖé ǎ.
8É nɔ́ nɔ zɔ nú goyítɔ́ lɛ́ɛ,
adingbannɔ lɛ́ɛ ná wɔn ɛ.
9Susu kpa nú Aklúnɔ jɛ xá mɛdídá lɛ́ɛ ǎ;
nǔgbó ɔ́, énɛ́ sixú gosín Aklúnɔ gɔ́n ǎ.
10Nǔgbó wɛ, Sɛ́núnywɛ́ wɛ nɔ sɔ́ susu kpikpa dó ayi mɛ nú mɛ,
Aklúnɔ wɛ ka nɔ jlɔ́ ɛ ɖó ali jí.
Mɛɖée sí ninɔ gbɛtɔ́ tɔn
11 Ma ɖɔ: “Aklúnɔ wɛ ɖe mì sín ali ɖagbe jí” ó,
nǔgbó ɔ́, é nɔ bló nǔ e é gbɛ́ wǎn ná é ǎ.
12Ma ɖɔ: “Aklúnɔ wɛ blɛ́ mì” ó,
ɖó nǔnyanyawatɔ́ nú hu dó e ǎ.
13Aklúnɔ gbɛ́ wǎn nú nǔ nyanya alɔkpa bǐ,
bɔ mɛ e nɔ sí i lɛ́ɛ nɔ bló éyɛ́ ɖɔhun.
14Ɖo bǐbɛ́mɛ ɔ́, Aklúnɔ wɛ ɖó gbɛtɔ́,
bó jó e dó, bɔ é nɔ ɖe gbeta e jló e lɛ́ɛ é tɔ́n.
15Nú é jló we ɔ́, a nǎ nyi sɛ́n tɔn lɛ́ɛ.
Gbejí nɔ nú Aklúnɔ ɔ́, jlǒ towe mɛ nú wɛ.
16É sɔ́ myɔ kpó sin kpán ɖó te ɖo nukɔn towe.
Hwi ɖésú ní kpɔ́n fí e jló we ɔ́, bó sɔ́ alɔ dó.
17É sɔ́ gbɛ, alǒ kú ɖó te nú gbɛtɔ́ lɛ́ɛ.
Ée mɛ ɖokpó ɖokpó jló ɔ́ wɛ é ná na ɛ.
18Nǔgbó wɛ, Sɛ́núnywɛ́ Aklúnɔ tɔn ɔ́ d'agba.
Nǔbǐwúkpétɔ́ ɖaxó wɛ, bɔ é nɔ mɔ nǔ bǐ. 19É nɔ lílɛ́ nukún tɔn kpan ta mɛ e nɔ sí i lɛ́ɛ.
É ɖésúnɔ tunwun nǔ e gbɛtɔ́ lɛ́ɛ nɔ wa é bǐ.
20É nɔ zɔ́n mɛɖé ɖɔ é ní nyí mɛdídá ǎ.
É nɔ ná gbe mɛ ɖěbǔ ɖɔ é ní wa nǔ nyanya ǎ.
Currently Selected:
Silaki ví 15: FONDC
Highlight
Copy
Compare
Share
Want to have your highlights saved across all your devices? Sign up or sign in
La Bible en langue fon © Alliance Biblique du Bénin, 2012.