Jelemíi wlán Xónusɔ́ɖóte
Xónusɔ́ɖóte
Wěma élɔ́ cí wěma e è nɔ wlán sɛ́ dó mɛ mɛtɔn ɖé ɔ́ ɖɔhun, bɔ Jelemíi gbeyíɖɔ Mawu tɔn ɔ́ wlán sɛ́ dó Jwifu e ná tún to na wɛ è ɖe yi Babilɔ́nu lɛ́ɛ. É ɖo mɔ̌ có, è sixú ɖɔ wěma e è nɔ sɛ́ dó mɛ é wɛ ǎ. È ka tunwun mɛ e wlán tawun é ǎ. È wlán wěma ɔ́ ɖo é kpo xwe 250 yi 120 bɔ è nǎ ji Jezu Klísu.
Wěmawlántɔ́ ɔ́ kpɔ́n nǔ dó wěma e gbeyíɖɔ Jelemíi wlán sɛ́ dó Jwifu Judáa tɔn e ahwan wlí yi to ɖěvo mɛ lɛ́ɛ ɔ́ wú, bó dó wlán étɔn ɔ́ (Jelemíi 29.1-23). Yě mɔ nǔ ɖɔ dó nǔmɛsɛn Babilɔ́nu tɔn lɛ́ɛ wú, bó gbɔ́ yě ko, yě kpó ɖiɖe yětɔn lɛ́ɛ kpán. Lobo gbɛ́ nú Jwifu lɛ́ɛ ɖɔ nǔɖé má dɔn yě yi nǔmɛsɛn énɛ́ lɛ́ɛ kɔn ó.
Gbɔn xó syɛ́nsyɛ́n e é ɖɔ dó nǔmɛsɛn énɛ́ lɛ́ɛ wú é gbla mɛ ɔ́, wěmawlántɔ́ ɔ́ lɛ́ dó zǒgbé jí ɖɔ Mawu e ɖe togun Izlayɛ́li tɔn ɖó vo ɔ́, ɖiɖe ɖěbǔ kún sixú nyí akpajlɛ́ tɔn ó. Ɖó é hú gǎn nǔ e gbɛtɔ́ kó sixú lin lɛ́ɛ bǐ.
Currently Selected:
Jelemíi wlán Xónusɔ́ɖóte: FONDC
Highlight
Copy
Compare
Share
Want to have your highlights saved across all your devices? Sign up or sign in
La Bible en langue fon © Alliance Biblique du Bénin, 2012.