Balúki 5
5
1 Jeluzalɛ́mu, ɖe nǔwamɛwu ɖ'ayǐ, ɖe lelenɔwu ɖ'ayǐ.
Sɔ́ susu kpa nú Mawu sín acɔ́vɔ ɔ́ dó káká sɔ́yi.
2Dǒ hwlɛngánwu e gosín Mawu gɔ́n é.
Bónú Mawu tɛgbɛ tɔn ɔ́ sín susu ní nyí ganza bó nɔ ta nú we.
3Ɛɛn, Mawu ná ɖe ɖɛkpɛnyínyɔ́ towe xlɛ́ wɛ̌kɛ́ ɔ́ bǐ.
4Nyǐkɔ e Aklúnɔ ná ná we káká sɔ́yi ɔ́ ɖíe:
“Fífá gbɔn hwlɛngán mɛ.”
“Susu gbɔn gbejíninɔ Mawu tɔn gbla mɛ.”
5Sí te Jeluzalɛ́mu! Xá só jí, bó kpɔ́n zǎnzǎnhwe jí,
kpɔ́n vǐ towe lɛ́ɛ nɛ́ xwedó gbe e Mawu mímɛ́ ɔ́ ɖe nú yě é,
bó kplé sín zǎnzǎnhwe jí wá yi gbadahwe jí nɛ́!
Yě ɖo awǎjijɛ mɛ, ɖó Mawu flín yě.
6Afɔ wɛ yě zɔn ɖo kɛntɔ́ nukɔn sín gɔ̌n towe.
Mawu ka kplá yě wá nú we.
É sɔ́ yě ɖó ajo, axɔ́súzinkpo jí wɛ yě ɖe ɖɔhun.
7Ɖó Mawu ɖe gbe ɖɔ:
“Mi gbígbá só ɖaxó ɖaxó lɛ́ɛ
kpó só kpɛví kpɛví tɛgbɛ tɔn lɛ́ɛ kpán.
Mi sú tɔgbado lɛ́ɛ.
Énɛ́ ɔ́, ayǐkúngban ná jlɔ́,
bɔ Izlayɛ́li ví lɛ́ɛ ná zɔn
wǔyɛ́yɛ́ afɔyɛ́yɛ́ ɖo Mawu sín susu mɛ.
8Ɖó Mawu ɖe gbe bɔ zungbó lɛ́ɛ
kpó atín wǎn flíflí lɛ́ɛ kpó
ná ná yɛtɛn Izlayɛ́li ví lɛ́ɛ.
9Nǔgbó wɛ, Mawu ná kplá yě wá ɖo awǎjijɛ mɛ;
susu tɔn ná klɛ́n dó yě jí,
bɔ hwlɛngán tɔn kpó xomɛnyínyɔ́ tɔn kpó
ná kplá yě káká sɔ́yi.”
Currently Selected:
Balúki 5: FONDC
Highlight
Copy
Compare
Share
Want to have your highlights saved across all your devices? Sign up or sign in
La Bible en langue fon © Alliance Biblique du Bénin, 2012.