Judíti 3
3
Holofɛ́ni jɛ Judáa
1Yě mɛ e nɔ́ nɔ xutó lɛ́ɛ ɖe mɛ sɛ́ dó Holofɛ́ni kpódó fífá xógbe élɔ́ lɛ́ɛ kpán. 2“Mi wɛ nyí mɛsɛntɔ́ axɔ́sú ɖaxó Nabukodonɔzɔ́ɔ tɔn. Mǐ ɖo alɔ towe mɛ, sɔ́ mǐ dó bló nǔ e jló we é ná. 3Mǐ ná we gletoxo mǐtɔn lɛ́ɛ; mǐ jó ayǐkúngban mǐtɔn lɛ́ɛ, jinukúngle mǐtɔn lɛ́ɛ, gbɔ̌ kpó nyibú kpó mǐtɔn lɛ́ɛ, kpódó nɔtɛn mǐtɔn lɛ́ɛ kpán nú we. Sɔ́ yě dó bló nǔ e jló we é ná. 4Toxo mǐtɔn lɛ́ɛ nyí towe; mɛ e ɖ'é mɛ lɛ́ɛ nyí kannumɔ towe. Wǎ wa nǔ yětɔn lě e é jlǒ we gbɔn é.”
5Mɛsɛ́dó lɛ́ɛ sɛ yá Holofɛ́ni, bó dó wɛn énɛ́ ɔ́ ɛ. 6Holofɛ́ni jɛ te wá xutó ée kpó ahwan tɔn kpó. É ɖe agbǒcɔ́tɔ́ lɛ́ɛ sɛ́ dó toxo lɛ́ɛ mɛ nú yě ná d'alɔ sɔ́ja tɔn lɛ́ɛ. 7Ɖo to ɔ́ bǐ mɛ ɔ́, mɛ lɛ́ɛ yí i ganjí: yě xwe folówagbákún, bó dó hǔn gbe, bó ɖú we n'i. 8 Lo ɔ́, Holofɛ́ni vívá to yětɔn bǐ. É gbo vodúntín yětɔn lɛ́ɛ, bó lɛ́ gba nǔmɛsɛn yětɔn lɛ́ɛ sín ɖiɖe lě e è zɔ̌n ɛ gbɔn é. Nǔgbó ɔ́, togun gbe tɛnmɛtɛnmɛdótɔ́ lɛ́ɛ, akɔta lɛ́ɛ bǐ ɖó ná sɛn Nabukodonɔzɔ́ɔ, bó ná xyɔ́ ɛ nǔmɛsɛn ɖɔhun.
9Énɛ́ gúdo ɔ́, Holofɛ́ni wá Dotáni kpá, ɖo Izlayɛ́li nukɔn ɖo só ɖaxó Judáa tɔn nukɔn. 10É dɔ́ Gebáa kpó Sitopolisi kpó toxo tɛ́ntin. É nɔ fínɛ́ xɔ sunzán ɖokpó, bó ná mɔ tɛn dó dó agban nú ahwanzɔ́watɔ́ lɛ́ɛ.
Currently Selected:
Judíti 3: FONDC
Highlight
Copy
Compare
Share
Want to have your highlights saved across all your devices? Sign up or sign in
La Bible en langue fon © Alliance Biblique du Bénin, 2012.