1 Makabée Xónusɔ́ɖóte
Xónusɔ́ɖóte
Judáa e nyí Makabée ɔ́ wɛ è dǒ sun nyǐ Makabée wéma lɛ́ɛ (2.4). Makabée ɔ́ sín tínmɛ ná ɖibla nyí: zǔn. È nǎ nyǐkɔ énɛ́ ɔ́ Judáa ɖó ahwan e é fun lobo nú hwɛndo Glɛ̌sinu lɛ́ɛ tɔn má wá ɖu ɖo Jwifu lɛ́ɛ tɔn jí ó ɔ́ wú.
Lě e hɛ̌nnu Makabée lɛ́ɛ tɔn fun ahwan gbɔn nú xwe mɔ̌kpán ɖo é kpo xwe 166 yi 135 bɔ è nǎ ji Jezu Klísu, bó ná dó ɖe Jwifu lɛ́ɛ sín Antiyokúsi Epifani kpódó mɛ e wá ɖyɔ́ ɛ lɛ́ɛ kpó sín acɛ mɛ é sín tan wɛ wěmawlántɔ́ ɔ́ kpi dó wěma ɔ́ mɛ. Mɛ e ma ɖo Judáa tɔn jí ǎ, bó má ká lɛ́ ɖo mɛ e wá ɖyɔ́ ɛ lɛ́ɛ tɔn jí ǎ lɛ́ɛ bǐ wɛ è mɔ dó mɔ gbɛtɔ́ ahe ná. Wěmawlántɔ́ ɔ́ ɖo mɛ da wɛ nú è nǎ jɛ hun dó nǔɖiɖi titewungbe ɔ́ jí, bó má lɔn nú Glɛ̌sinu lɛ́ɛ sín hwɛndo wá ɖu ɖo mɛ jí ó. Lě e nǔ lɛ́ɛ jɛ gbɔn ɖě jɛ ɖě gúdo ɖo tan mɛ é wɛ wěma ɔ́ xwedó. Judáa kpódó mɛ e wá nɔ do tɔn mɛ lɛ́ɛ kpó jɛ kú ɖɔ émí kún ná jó émíɖée dó mɔ̌ nú axɔ́sú Silíi tɔn Antiyokúsi kpódó mɛ e wá nɔ do tɔn mɛ lɛ́ɛ kpó ó.
Judáa tɛ́nkpɔ́n káká bɔ è slá wǔ nú Sinsɛnxɔ Aklúnɔ tɔn ɔ́, lobo lɛ́ jɛ sinsɛnnú wá ɖ'é mɛ jí. Nɔví tɔn Jǎan, Jonatáan kpódó Sinmɔ́ɔ kpó wá nɔ togun ɔ́ nu, kú tɔn gúdo.
È wlǎn wěma ɔ́ ɖo é kpo xwe kanwe ko (100) mɔ̌, bɔ è nǎ ji Jezu Klísu.
Nǔ tají tají e ɖo wěma ɔ́ mɛ lɛ́ɛ
Axɔ́sú Antiyokúsi ɛnɛgɔ́ ɔ́ nɔ dó ya nú Jwifu lɛ́ɛ (1)
Matatiyási kpódó vǐ tɔn lɛ́ɛ kpó fɔ́n gǔ (2)
Azɔ̌ e Judáa Makabée wa lɛ́ɛ (3.1—9.22)
Azɔ̌ e nɔví tɔn Jonatáan wa lɛ́ɛ (9.23—12.53)
Azɔ̌ e nɔví tɔn Sinmɔ́ɔ wa lɛ́ɛ (13.1—16.24)
Currently Selected:
1 Makabée Xónusɔ́ɖóte: FONDC
Highlight
Copy
Compare
Share
Want to have your highlights saved across all your devices? Sign up or sign in
La Bible en langue fon © Alliance Biblique du Bénin, 2012.