Kaŋ mballa ma 85
85
Bage ɗiŋnedin ŋgay i laar wanna ge mo ne
1Ne naa ge mbal kaŋ ma ga̰l pe: Kaŋ mballa ge kore vya ma ne.
2O Bage ɗiŋnedin, mo ŋgay suwal ge mo ne laar wanna,
mo gwa̰ ne Yakub vya ma ne paal zi ya.
3Mo pore ya̰l ge mo ɓase ma ne,
mo gu sone ge nama ne uzi mwaɗak. Ɗigliya.
4Juliliya ge mo ne ma zi mwaɗak, mo gwa̰ ya se,
mo wa̰ tene pore ge mo ne zi.
5O Dok, bage máya ge i ne, gwa̰ ne i ya,
ndage mo pore ne i pal uzi.
6Mo mbo ka ke pore i pal go no ɗiŋnedin ɗaa?
Mo mbo koy juliliya ge mo ne go no doŋ pe ma ne doŋ pe ma ɗaa?
7Te be mo gwan ne i ya kat ne ndwara ne to’a,
ne da pe, i ge mo naa ma, i ɓó laar saal mo zi!
8O Bage ɗiŋnedin, ŋgay i kwa a̰se ge mo ne,
ho̰ i máya ge mo ne!
9Mbi za̰ fare ge Bage ɗiŋnedin Dok ne jan,
jan fare ge katɗa halas ne na naa ma pe,
ne na naa ge dosol ma pe.
Ne da pe, nama gwa̰ ya dale ge nama ne zi to.
10Ago na máya gwa ne naa ge ne sya na vo ma pe,
ne da pe, hormo ge na ne na ka suwal ge i ne pal.
11Kwa a̰se ma ne fareba mbo ɓan ta digi,
dosol ma ne halas mbo san ta digi.
12Fareba mbo pyar ne suwar se ya digi,
dosol mbo sugi ne digi zi ya me.
13Bage ɗiŋnedin sḛ ne na pala mbo ke kwaɗa,
i suwal mbo hon na kaŋzam.
14Dosol mbo ka mborra na ndwara zḛ,
na koo mbo ka dol viya̰ na ndwara zḛ.
Currently Selected:
Kaŋ mballa ma 85: FGN2013
Highlight
Copy
Compare
Share
Want to have your highlights saved across all your devices? Sign up or sign in
La Bible en langue Kim © Alliance Biblique du Tchad, 2013.
