Kaŋ mballa ma 84
84
Kaŋ mballa ge mbo zok ge Dok ne zi, Ursalima ya
1Ne naa ge mbal kaŋ ma ga̰l pe: Kaŋ mballa ge Kore vya ma ne. A ka hale biliŋ na wak go.
2O Bage ɗiŋnedin, Bage naa ge mbal pore ma ne,
mbi laar wa̰ mo zok ge be to!
3Mbi day ge wan tene to swaga ɓyare viya̰ ge mbo wat yapul ge zok ge mo ne zi go,
mbi sḛ mwaɗak oy digi ne laar saal ne Dok ge ndwara pe.
4Dḛḛ ma puy, a da ne bama vum ma,
ko marjojway da ne vum ge kan na vya ma zi ge mo twal tuwaleya ma ta gwa,
O Bage ɗiŋnedin, Bage naa ge mbal pore ma ne,
gan ge mbi ne, Dok ge mbi ne.
5Nama ge ne mo zok zi ma da ne laar saal,
a uware mo uware ɗaɗak. Ɗigliya.
6Naa ge ne ɓol pool ne mo zi ma da ne laar saal,
a mbo viya̰ go dulwak eya se.
7Swaga ge a ne kale baal pul Baka#84:7 Baka: Baal pul Baka sḭ go, baal pul ge fyaso, a baal pul ge fiya̰l ɗaŋraŋ Ursalima ziyar le ge sya ge go. se,
a saŋge na baal,
mam wak ge zḛ ge swar wi na pala̰y.
8A ɓol pool gḛ gḛ swaga mborra go,
a ba det ya Dok ndwara se, Siyona go.
9O Bage ɗiŋnedin, Dok ge naa ge mbal pore ma ne, za̰ kaɗeya ge mbi ne,
Dok ge Yakub ne, so mo togor za̰ mbi. Ɗigliya
10O Dok, mo ge i ɓiyaar, ndi,
dó mo ndwara ge ndu ge mo ne mbege na pal.
11Dam ɗu ge mo yapul diŋ a golgo waɗe dam ma dubu swaga ge ɗogle ma go.
Mbi tá mḛ zok ge Dok ne wak go, ge mbi kat swaga ne naa ge sone ma.
12Ago Bage ɗiŋnedin a gyala ne, a ɓiyaar ne me,
Dok a bage laar wanna ne, a pool me.
Bage ɗiŋnedin kuri be ge ke naa ge ne mbo ɗeŋger zi ma kwaɗa to to.
13O Bage ɗiŋnedin, Dok ge naa ge mbal pore ma ne,
ndu ge ne ya̰ na saareya mo pal da ne laar saal!
Currently Selected:
Kaŋ mballa ma 84: FGN2013
Highlight
Copy
Compare
Share
Want to have your highlights saved across all your devices? Sign up or sign in
La Bible en langue Kim © Alliance Biblique du Tchad, 2013.
