Kaŋ mballa ma 83
83
Dok, dó mo pala uzi ne mo naa ma ta to
1Kaŋ mballa. Kaŋ mballa ge Asaf ne.
2O Dok, ka wak ɗamal to!
Zane baŋ to, dó mo pala uzi to, o Dok!
3Ndi, mo naa ge ho̰l ma iigi ta ya digi,
naa ge ne kwane mo ma her bama pala ya digi.
4A vwal bama wak ja digi mo naa ma pal,
a kote ta ja digi naa ge mo ne koy nama ma pal.
5A jan ta go: «Mbo me nee ya, nee pú nama pe uzi ne naa buwal zi,
ndu gwan dwat Israyela dḭl pal to.»
6A kote ta ja digi wak dagre ɗu,
a ke wak tuli ja ta buwal zi mo pal.
7A Edom ma, ne Ismayel hir ma,
ne Mowab ma, ne Hagaritiya ma#83:7 Pehir mbe ma no, a ɓol nama ya Pe 21:9-21, 1Maa 5:19-20 zi.,
8ne Gebal ma, ne Ammon ma, ne Amalek,
ne Filistiya ma, ne naa ge suwal Tir ne ma mwaɗak#Wat 17:8-16..
9Asiriya ma ɓan ta ja ne nama me,
ndwara her Lot vya ma biyal digi#Pe 19:30-38.. Ɗigliya.
10Ke nama dimma ne mo ne ke ne Sisera ma ne Yabin
ge mam so̰o̰l Kichon wak go go!
Ko dimma ne mo ne ke ne Madiyan ma go#Nks 7—8, 1Sam 28:7-8..
11A burmi nama pe mam so̰o̰l En-Dor wak go,
a gá dimma ne kaŋ njoo go suwar pal.
12Ke ne nama naa ga̰l ma dimma ne mo ne ke ne Oreb ma ne Zeb go,
ke ne nama gan ma pet dimma ne mo ne ke ne Zeba ma ne Salmuna go.
13Nama ge ne ka janna go: «Ame me nee suwal ge Dok ne ma.»
14Dok ge mbi ne, iigi nama digi dimma ne kurum go,
ko dimma ne dṵso ge saam ne kwal na go.
15Dimma ne ol ne til murum go,
ko dimma ne ol ne zon njal ma go,
16Go no me, yá̰ nama pe ne mo mandal,
ndace nama ne mo saam labreya!
17Ka̰ saaso nama pal,
go no, a mbo ɓyare mo pe, o Bage ɗiŋnedin!
18Saaso wá̰ nama, nama pala gwa̰ se ɗiŋnedin,
Ká̰ saaso nama pal, nama pe burmi uzi!
19Nama kwa go, mo Bage ɗiŋnedin mo ne ɗeŋgo,
Bage ne digi zi ya, ge ne suwar pal pet ne!
Currently Selected:
Kaŋ mballa ma 83: FGN2013
Highlight
Copy
Compare
Share
Want to have your highlights saved across all your devices? Sign up or sign in
La Bible en langue Kim © Alliance Biblique du Tchad, 2013.
