Kaŋ mballa ma 82
82
Sarya kunna ge Dok ne ne naa pe pet
1Kaŋ mballa ge Asaf ne.
Dok mḛ ge ɓase ge ne digi zi ya ma buwal zi,
ge dok#82:1 Dok ma: Ne swaga mbe no go, dok ma pe wan da ne pool kat go, Dok ya maleka ge Dok ne ma buwal zi. A ka dwat go kaŋ dolla ma ne digi zi ya gḛ Dok ta go. ma buwal zi ka kun sarya.
2Aŋ mbo ya̰ be ge kun fare buwal ne vareya,
ne ɗaŋge naa ge ya̰l ma pe ma swaga go ɗaa? Ɗigliya
3Kṵ me naa ge taŋgay ma ne vya kya̰le ma fare buwal jwap,
ke me a̰se ma ne naa ge woɗegeya ma sarya dosol pal.
4Ka̰ me naa ge taŋgay ma ne a̰se ma digi,
zu me nama ne naa ge sone ma tok go.
5Aŋ kwa a̰me to, aŋ wan fare a̰me pe to,
aŋ muli ya tṵ zi,
da ne pe no, suwar mwaɗak pe mḛ digi to no.
6Mbi jya̰ go: «Aŋ dok ma ne,
aŋ pet aŋ Bage ne digi zi ya vya ma ne#Yoh 10:34..»
7Go no puy ɗe, aŋ su su pet dimma ne naa dasana ma go,
aŋ det dimma ca ne naa ga̰l ma go.
8O Dok, ɗage digi, kṵ sarya suwar pal,
ago pehir ma pet a ya mo tok go.
Currently Selected:
Kaŋ mballa ma 82: FGN2013
Highlight
Copy
Compare
Share
Want to have your highlights saved across all your devices? Sign up or sign in
La Bible en langue Kim © Alliance Biblique du Tchad, 2013.
