Kaŋ mballa ma 79
79
Tolla ne ko̰r syaya pe
1Kaŋ mballa ge Asaf ne.
O Dok, pehir ge ɗogle ma ame mo joo ya go,
a hat mo zok ge mbegeya ya seŋgre,
a burmi Ursalima ya se.
2A kan mo dore ma siya ya hon njoole ma,
a kan mo naa ge dosol ma siya ya hon kavaar ma.
3A kan nama swama ya Ursalima go̰r zum ya
sorra vit dimma ne maŋgaɗam go,
ndu ge mbul nama to.
4I naa ge gulum pala ma ga ya sal i,
naa ge ne ve i se ma ga ya cot ta ne i.
5O Bage ɗiŋnedin, mo mbo ya̰ mo pore juliliya ma del ɗaa?
Mo mbo ya̰ yil ge mo ne ge ne ɗaabe dimma ne ol go ma del ɗaa?
6Ya̰ pore ge mo ne det pehir ge ɗogle ge ne kwar mo to ma pal,
ge suwal ma ge naa ge ne uware mo ne nama go to ma pal.
7Ago a pur Yakub vya ma ya swaga,
a burmi na suwal ya swaga.
8Dwa ge ya̰l ge i ne ge dḛ zaŋgal ma pal to!
Kwa a̰se ge mo ne zi, sya ya avun cap i ndwara zi!
Ago i pool á go.
9O Dok, Bage máya ge i ne, sya i ko̰r,
ne uware dḭl ge mo ne pe!
Zu i, pore i sone ma, ne mo dḭl pe!
10Kyaɗa pehir ge ɗogle ma ba ka jan go: «Nama Dok mbe ya le da ɗaa?»
Ke nama kwarra, i sḛ ma ndwara go,
mo mbo gele mo dore ma ge a ne hṵ nama.
11Ya̰ sun ta ge naa ge ne daŋgay zi ma ne dé mo ndwara se ya,
mo ge pool gḛ, koy naa ge ne siya zi ma.
12O Bageyal, gwa̰ ne i naa ge gulum pala ma potɗa ndwara ɓyalar,
ge nama sáso ge a ne sal mo ma pal.
13I ge mo naa ma, naa ge mo ne koy nama,
i mbo ka siya̰le mo ɗaɗak,
i mbo ka uware mo doŋ pe ma ne doŋ pe ma.
Currently Selected:
Kaŋ mballa ma 79: FGN2013
Highlight
Copy
Compare
Share
Want to have your highlights saved across all your devices? Sign up or sign in
La Bible en langue Kim © Alliance Biblique du Tchad, 2013.
