Kaŋ mballa ma 108
108
Kaŋ mballa ge cya̰wak pala ne
1Kaŋ mballa. Kaŋ mballa ge Dawda ne.
2O Dok, mbi ɓol sirsiya go,
Mbi mbo siya̰le mo, mbi mbo komre mo#108:2 Ne 2-6 ndi Kmb 57:8-12..
3Kore me digi mbi biliŋ ma ne mbi ŋgeleŋ,
mbi ɓyare kore swaga ɓaya digi!
4O Bage ɗiŋnedin, mbi mbo uware mo pehir ma buwal zi,
mbi mbo siya̰le mo pehir ge ɗogle ma buwal zi.
5Ago kwa a̰se ge mo ne a ɓaŋlaŋ waɗe pḭr digi ya,
fareba ge mo ne mbo ɗiŋ pḭr ma zi ya.
6O Dok, ŋgay ɓaŋlaŋ ge mo ne digi zi ya,
hormo ge mo ne na sugi ya suwar pal pet.
7Ne da pe, mo naa ge laar wanna ma ɓó zurra.
Má mbi ne pool ge mo ne, gwa̰ ne mbi vinna#108:7 Ne 7-14 ndi Kmb 60:7-14..
8Ne na swaga ge mbegeya zi ya, Dok jan go:
«Mbi mbo hal, mbi mbo varse suwal Sichem se,
mbi mbo var baal pul ge Sukot ne se me.
9Suwal Galaad mbi ne ne, Manasa mbi ne ne me!
Efrayim mbi jum ne,
Yuda mbi calaŋ gan ne!
10Mowab mbi fal son tene ne,
Edom mbi swaga kan mbi tyarko ne.
Mbi tol tew ja Filistiya ma pal!»
11A wuɗi gene mbi suwal ge ne ve ne gulum ga̰l se ya ne ɗaa?
A wuɗi ɗame mbi mbo suwal Edom ya ne ɗaa?
12O Dok, te be mo ge ne dó i uzi to’a?
Te be mo ge ne kuri be ge zut pore ne i asagar ma to’a?
13Sya i ko̰r, zu i ne i naa ge ho̰l ma tok go!
Ago ko̰r sya ya ge naa dasana ma ne a kaŋ baŋ.
14Ɓanna ne Dok, i mbo ɓol pool halla,
na sḛ mbo ndal i naa ge ho̰l ma na koo zi.
Currently Selected:
Kaŋ mballa ma 108: FGN2013
Highlight
Copy
Compare
Share
Want to have your highlights saved across all your devices? Sign up or sign in
La Bible en langue Kim © Alliance Biblique du Tchad, 2013.
