Fare sḭ ma 2
2
Zwama kaŋ ɓolla ge ne woy woy ne
1Mbi vya, kadɗa mo ame mbi fare ma ya,
kadɗa mo koy mbi wak honna ma ya,
2kadɗa mo so mo togor za̰ zwama ya,
kadɗa mo hun mo haŋgal ya wan na pe.
3Kadɗa mo tol fare kwarra wak ya,
kadɗa mo her mo ka̰l ya digi oy ɗalla wak,
4kadɗa mo ɓyare na pe lelet dimma ne bware go,
kadɗa mo yan na pe dimma ne kaŋ ɓolla go#3:14-16, 8:11, 16:16, Ayu 28:12-19, Bag 7:11, 9:16-18.,
5go no, mo mbo wan sya Bage ɗiŋnedin vo pe,
mo mbo ɓol kwarra ge Dok ne.
6Ago, a Bage ɗiŋnedin hon zwama ne,
fare kwarra ma ne ɗalla ndage da ne na wak zi ya#Bag 2:26..
7Mbar naa ge dosol ma,
dimma ne ɓiyaar go, ka koy naa ge ɗeŋger ma me.
8koy ndu ge ne ke mborra jwap ne,
koy mborra ge na naa ge ɗeŋger ma ne ne.
9Go no mo mbo wan mborra ge dosol, ne ge jwap,
ne ge ɗeŋger, ne kaŋ ma ge ne e naa ke laar saal ma pe pet.
Zwama má naa má ne sone go
10Ago zwama mbo wat mo zi,
fare kwarra mbo ke mo sḛ tuli.
11Kwar fare buwal varseya mbo koy mo,
fare kwarra mbo má mo.
12Mbo ma̰ mo ne viya̰ ge sone go,
ne ndu ge ne jan fare ge hale ma go,
13ne naa ge ne sele uzi ne viya̰ ge jwap ma go,
ndwara her viya̰ pul ge tṵ ɗiglim ma go,
14Naa mbe ma za̰ tuli swaga ke sone go,
a ke laar saal ge bama kaŋ kerra ge ya̰l zi ma.
15A naa ge waal gwagwaraŋ ma ne,
nama kaŋ kerra ma vuuɗiya.
16Go no, mo mbo má tene ne gwale ge voɗom tok zi ya,
ne gwale ge ɗogle ge wak tuli gḛ tok zi ya.
17Na ge ne ya̰ na obe ge sanna,
ge ne vyale wak tuli ge na Dok ne#Mal 2:14-16..
18Na kaŋ kerra ma gene na banna zi,
na fare kerra ma gene na siya zi.
19Ndu ge ne mbo na ya, gwan’a to,
ɓol viya̰ máya to.
20Go no, hé viya̰ pul ge naa ge kwaɗa ma ne,
bole kaŋ kerra ge naa ge dosol ma ne.
21Naa ge dosol ma mbo gá katɗa suwal diŋ,
naa ge ɗeŋger ma mbo gá suwal diŋ.
22A mbo yan naa ge sone ma ne suwal diŋ uzi,
a mbo ɓyan naa ge boge naa ma uzi ya.
Currently Selected:
Fare sḭ ma 2: FGN2013
Highlight
Share
Compare
Copy
Want to have your highlights saved across all your devices? Sign up or sign in
La Bible en langue Kim © Alliance Biblique du Tchad, 2013.
