Fare sḭ ma 13
13
1Vya ge zwama ame yuwaleya ge na bá ne ame,
amma vya ge kalam za̰ mḛreya ge ne bá ne to.
2A fare ge ne ndage ne ndu wak zi e na zam kaŋ ge kwaɗa ne.
Naa ge mbuɗi naa ma ha̰le ke fare tele.
3Ɗel koyya ma̰ naa ma̰,
wak kanna se yayak ban naa ban.
4Ndu ge uwal ke ene ne kaŋ ma pe, ɓol a̰me to,
amma ndu ge temel ɓol kaŋ ge na ne ɓyare ma ɓol.
5Ndu ge dosol kwane fare ge hale kwane,
amma ndu ge sone ndil naa senna, ne kan saaso naa pal.
6Kadɗa dosol kerra koy ndu ge ɗeŋger koy ɗe,
sone kerra burmi ndu ge sone burmi me.
7Naa a̰me ma ke ta gan, a kat ne a̰me to,
a̰me ma ke ta a̰se, a kat ne kaŋ ma baŋneya bindik.
8Bware ge naa ge gan ma ne má nama ne,
Amma ndu ge mbo ya ke ndu ge a̰se yál to.
9Naa ge dosol ma ndwara kwaya̰l dimma ne ɗuli ne zen go,
naa ge sone ma dimma ne ɗuli ne mbo piriya go.
10Pala ga̰l tol gool,
bage ge ame yuwaleya, a ndu ge zwama ne.
11Kaŋ ɓolla ge digi avun cap, burmi uzi avun,
Kaŋ ɓolla ge ŋgeŋgeɗo don don.
12Saareya kaŋ a̰me pal kaal be ge mo ɓol na to, e sḛ iyalla tiliŋ,
ɓol kaŋ ge mo laar ne ɓyare na abe na sḛ digi#3:18..
13Ndu ge ne sen yuwaleya ban tene,
ndu ge ne koy eya ma, mbo ɓol na tok-koyom.
14Hateya ge ndu ge zwama ne a mam ge ɗermel ne,
pwat naa ne faɗe ge siya ne zi ya uzi.
15Ndu ge ne dwatɗa ge kwaɗa e naa kwa na a̰se
viya̰ ge naa ge boge naa ma ne a ɓuɓugur.
16Ndu ge zwama ge daage kwa kaŋ ge na ne ke kwa,
amma ndu ge dale oy dale ge na ne digi.
17Ndu ge temeya ge sone mbo det yál zi,
amma ndu ge temel ge fareba e naa haŋgal.
18Ndu ge ne kuri yuwaleya mbo kat a̰se, mbo ɓol saaso,
ndu ge ne ame mḛreya mbo ɓol hormo.
19Ker ɓyareya ge mo ne, ke sḛ tuli,
sen sone ne daal ta a kaŋ ge seŋgre kakatak.
20Ndu ge ne an ne naa ge zwama ma hat zwama,
Ndu ge ne kat ne naa ge daal ma ɓol yál.
21Yál njotɗa kare naa ge sone ma pe,
kwaɗa a naa ge dosol ma potɗa ne.
22Ndu ge kwaɗa ya̰ na báŋ ma joo,
amma kaŋ ɓolla ge ndu ge sone ne mbo gá ndu ge dosol ne.
23Gaaso ge naa ge a̰se ma ne ɓol kaŋzam baŋneya bindik,
amma naa a̰me ma á bama pool uzi ne bama dosol to pe.
24Bage ne ya̰ na vya be iyalla, kwane na kwane,
ndu ge na laar ne wa̰ na vya, ya̰ na be mḛreya to to.
25Ndu ge dosol zam kaŋ, huri.
Amma ndu ge sone laar fyal kyamal.
Currently Selected:
Fare sḭ ma 13: FGN2013
Highlight
Share
Compare
Copy
Want to have your highlights saved across all your devices? Sign up or sign in
La Bible en langue Kim © Alliance Biblique du Tchad, 2013.
