Ezekel 15
15
Oyo̰r ge Bage ɗiŋnedin ne mbo til uzi
1Bage ɗiŋnedin jan mbi go: 2«Mo ndu dasana, oyo̰r kal waɗe uwara ge may ma da ne da ɗaa? Na tok ma waɗe uwara ge ne murum zi ma tok ma da ne da ɗaa#15:2 Ne maktub ma zi oyo̰r a hir ge Israyela ne, ndwara go Dok naa ma. Eze 17:6-8, 19:10-14, Isa 5:1-7, Hos 10:1, Mar 12: 1-11.? 3Ndu da ne pool hé na kal ke kaŋ a̰me ne na ɗaa? Ndu da ne pool ɗur na se ndwara gabe kaŋ a̰me na ta digi ɗaa? 4Ndi, ne ka̰ ne ol wak zi no: Na wak ma jwak, ol til nama ya swaga, na tuŋsi til ya swaga me, na hamba gá da ɗaa? 5Swaga ge ne ka ne na tok jyan, kaŋ a̰me ge ndu ke ne na to. Ba kat da ne ge ol ne tí na til no zo ɗe, ndu ba gwan ke da ne na ɗaa?
6Ne no pe, Bageyal Bage ɗiŋnedin jan go: Dimma ne mbi ne abe oyo̰r kal ne uwara ge ne murum zi ma buwal zi kan ol wak zi go ɗe, mbi mbo ke ne naa ge ne Ursalima diŋ ma go no me. 7Mbi mbo saŋge mbi ndwara nama pal. A dwat go bama ɓu da ne ol zi ya, ol mbo til nama. Go no, aŋ mbo kwa go, mbi Bage ɗiŋnedin ne, swaga ge mbi ne mbo saŋge mbi ndwara dḛ ja nama pal go. 8Mbi mbo saŋge suwal mbe babur viŋ, ne sone ge kakatak ge a ne ke ma pe. Ka̰l ge Bageyal Bage ɗiŋnedin ne.»
Currently Selected:
Ezekel 15: FGN2013
Highlight
Copy
Compare
Share
Want to have your highlights saved across all your devices? Sign up or sign in
La Bible en langue Kim © Alliance Biblique du Tchad, 2013.
