Rômiunut 13
13
Atanît maligaksallo maliktauᴋojauninginik, nagliktigêngnermelo ᴋaumajomelo arvertarᴋojaunermik.
1Inuit ilûnatik atunit atanerijatik pitsartuneᴋarvigijitik nâlakligit; Gûdemit pingitomik ataneᴋangimat; ataneᴋartunele Gûdemut perᴋojaumavut.
2Atanernulle akkerartortub, Gûdib perᴋojanga akkerartorivâ; akkerartortulle erᴋartortautiksarsiorput nangminermingnut.
3Pitsartujoᴋsuille sivôranangilat ajungitulijunut, idluitunulle. Atanernigle sivôrajomangikuvit, ajungitulilerit: tagva tâpkonunga nertortauniarpotit.
4Gûdib kivgaringmagit idluarᴋutiksarnut; idluituliguville, sivôragit; sulinatik saviksoalijangimatta, Gûdib kivgarivait, akkiniarteoᴋovlugit idluitulijunik.
5Taimaimat nâlagaksarivase, pidlartauneᴋ kissiat pitjutiginago, pasijauᴋonaseletauᴋ ômatipse issumanginut.
6Tamanna pivlugotauᴋ tunergutiksanik tunitjivigijariaᴋarpase; Gûdib kivgaringmagit, taimaitunik piniaraksaᴋarmatta.
7Tamainut tunijititse tunijaksapsingnik: nunaliksiutinik katersoijomut, nunaliksiutinik: akkitûtinik pijuksaujomut, akkitûtinik; sivôranartoᴋ sivôragisiuk; nâlangnartoᴋ nâlaksiuk.
8Kinamullônêt akkiliksaᴋarniarase, nagliktigêngnermik kissianik, inuᴋatiminik nagliktub perᴋojat nâmaksingmagit.
9Oᴋautaumajulle tâpkoa: Nuliarêngnermik asseroijuksaungilatit. Inuartuksaungilatit. Tigliktuksaungilatit. Inuᴋatitit saglotigivlugit oᴋartuksaungilatit. Ikliguktuksaungilatit; tâpkoalo assinginik perᴋojaᴋarpat, ilûnatik oᴋautsine tamakkonane tukkeliotitauvut: Inuᴋatingnik illiktut nagliktuksauvotit.
10Naglingnerub inuᴋatine idluitulivigingilâ, taimaimat naglingneᴋ tagva perᴋojat nâmaksijaujutingat.
11Naliunermiglo tamattominga ᴋaujimagapta, tupagviksavut siningnermit mâna naliusimangmat; (piulijauviksavut mâna ᴋaninersaungmat taipsomanemit okpertôlitainalauraptingnit:
12Unnuaᴋ nâvoᴋ ᴋaulerdlunelo;) taimaimat tâᴋtub piniarningit iperarniarlavut, ᴋaumajuble sakkunginik atiniardluta.
13Arvertarta ilusitsiarikluta uvloᴋsiortutitut, nerritunata, tallanatalo tachisimajune ilukeudlarata, aivanatalo, anerudjinatalo.
14Nâlegarle Jêsuse Kristuse atiniarsiuk, timelo pairisiuk ikliguktailitilugole.
Currently Selected:
Rômiunut 13: LIHB08
Highlight
Copy
Compare
Share
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.
