Rômiunut 14
14
Kaiblainermik, sangêtut sinaungaksartauᴋonagit.
1Sangêtok okpernerme illaliorsiuk issumangit illaᴋematiniarnagit.
2Illangata erᴋanarasugingilâ, sunatuinarnik nerrigalloarune; sangêtorle perorsianik kissiani nerrivoᴋ.
3Nerrijoᴋ nachoniarane nerringitomik, nerringitorle erᴋartuiniarane nerrijomik, Gûdib illaliulaungmago.
4Kinauvêt, erᴋartuijotit assivit kivganganîk? Nangerunelônêt ochogunelônêt, nâlekaminut ilingavoᴋ. Makititaujungnaralloarivorle, Gûdib makititsungnarmago.
5Illangata uvlut illangit nâmanersaunasugivait assinginit; aipangatale uvlut ilûnatik adsigêgasugivait. Ilûnatik ᴋolangitomik issumaᴋartuksauvut.
6Uvlunik adsigêgasugiklingitoᴋ, Nâlekamut taimak pivoᴋ; uvluniglo adsigêgasugiklertoᴋ, taimaktauᴋ pivoᴋ Nâlekamut (Sunatuinarnik) nerrijoᴋ, Nâlekamut nerrivoᴋ; Gûde ᴋujagigamiuk. Nerringitorlo, Nâlekamut nerringilaᴋ, Gûdelo ᴋujagivâ.
7Ilûnata nangmineᴋ uvaptingnik inônginapta, uvaptingniktauᴋ toᴋoniangilagut.
8Inôguptale, Nâlekamut inôvogut; toᴋoguptalo, Nâlekamut toᴋovogut. Taimaimat inôguptalônêt, toᴋoguptalônêt, Nâlekab perᴋutigivâtigut.
9Tamanna pivlugo Kristuse toᴋovlunelo makinivoᴋ, ama ômardlune, Nâlegaujomavlune toᴋungajunullo inôjunullo.
10Igville, sôᴋ ᴋatangutit erᴋartorpiûk? Igvillônêt, aipâ, sôᴋ ᴋatangutit nachogiviûk? Ilûnata saᴋᴋertitaujomârpogut Kristusib erᴋartuiviata sângane.
11Aglaksimangmat: Sorlo nalâgut inôgama, Nâlegaᴋ oᴋarpoᴋ, sêrᴋut ilûnatik sêrᴋortorvigijaksarivânga, oᴋallo ilûnatik angervigijaksarivânga. #Jes. 45:23.
12Ilûnata tagva kigligiksariaᴋaromârpogut Gûdemut nangmineᴋ uvagut pivluta
13Taimaimat erᴋartôtiniarata; piluardlusele mattominga inerterititse, naliat ᴋatangutiminut apôtiksamik sinaungajutiksamiglônêt sanaᴋonago.
14Nalungilanga ᴋaujimavilarmalo Nâlekame Jêsuseme, tamaita ingergarmik maᴋojungnangimatta; kissianut maᴋojungnarasugiklertomut maᴋojungnarput.
15Katangutivîlle nerᴋigijatit kiksautigikpagit, tagva naglingneᴋ maliklugo iluseᴋangilatit. Nerᴋigijatille pivlugit Kristusib toᴋotigijanga asserortiniarnagotôᴋ.
16Taimaimat kamatsiaritse, perᴋutigijase ajungitoᴋ mitautigijauᴋonago.
17Gûdib nâlegauvingata ilinganinga nerrinionanelo imerniongilaᴋ, idluarniovorle ulapirsautaularmelo ᴋuviasungniolunelo Anernerme ajunginerme.
18Tamattomunga Kristusemik kivgartortoᴋ, Gûdemut ᴋuviagijauvoᴋ, inungnullo ivlerijauvlune.
19Taimaimat ulapᴋoteᴋarnartomik idluarᴋutiksaujomiglo illaptingnut pinasuarta.
20Gûdib piniarninga asserorniarnago nerᴋiksaᴋ pitjutigilugo. Nerᴋiksat ilûnatik ivjornaikalloarput; ajorpulle inungmut, apôtiksaᴋartitsilune nerrijomut.
21Ajunginersauvoᴋ, nerᴋetungikuvit, vainemiglo imingikuvit, assianiglônêt pingikuvit ᴋatangutivît aporvigijanganik, sinaungajutiksanganiglônet ajulerutiksanganiglônêt.
22Okperneᴋaruvit, ilingne nangmineᴋ taimaitsiarit Gûdib sângane. Pilorikpoᴋ inuk ingminut pasijaungitoᴋ piniarnerit idluarijane pivlugit.
23Kolartoᴋarpalle nerrilunelo, tâmna erᴋartortaumavoᴋ, okpernermut pinginame; sunale okpernermit pingitoᴋ ajorneovoᴋ.
Currently Selected:
Rômiunut 14: LIHB08
Highlight
Copy
Compare
Share
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.
