Rômiunut 12
12
Kaiblaijutiksanik sunatuinarnik.
1Taimaimat kaiblarpapse, ᴋatangutikka, Gûdib nâpkiningninga pivlugo, timise tunisigik tunergutiksatut ômajotut, ivjornaitotut Gûdemullo ᴋuviagijaujotut; taimailiorupse, Gûde tukkeᴋartomik kivgartutsiarpase (anernerme.)
2Silaᴋsûblo tamattoma inungit adsiginiarasigik, ablatsauleritsele issumapsigut nutângordluse; nautsertorᴋovluse, sunaungmangât Gûdib pijomajanga ajungitoᴋ ᴋuviagijaujorlo nâmamariktorlo.
3Saimanermulle tunergusiamnut oᴋaupapse ilûnase atunit, piojorijoᴋarᴋonago nangminerminik; nâmatuinartomigle issumaᴋaritse ilipsingnik, ilûnase ingmikôrluse, okpernipsingnut tunitjivionipsingnut Gûdemit.
4Sorlo timivut unuktunik avateᴋarmatta, avatille ilûnatik adsigêngitomik piniaraksaᴋarmatta,
5Taimaktauᴋ uvagut unuktôjogut Kristuseme timiovogut atautsemik, avateoᴋatigêkluta;
6Saimanermullo tunergusiaptingnut sunatuinarnik tunergusiaᴋarpogut:
7Naliat nalautaijungnarune, okperneᴋ maliklugo (nalautaile). Naliat kivgartorteogune, kivgartutsiarle. Naliat ajoᴋertuigune, ajoᴋertûseᴋ atutsiarliuk.
8Naliat kaiblartuigune, kaiblartuitsiarle. Tunijijoᴋ, issumalingasuerlune pile. Ataniotijoᴋ kuksasuklune pile. Nâpkiniktoᴋ ᴋuviasuklune pile.
9Naglingneᴋ takkormôrtailile. Ajorneᴋ ômigisiuk, ajunginerle ungagisiuk.
10Ilungertordluse ᴋatangutigêktutitut nagliktigêngniaritse. Opigijigêleritse sivorliortigêkluse.
11Erᴋeasugase piniaraksapsingnut. Anernerme ilungertutsiaritse. Nâlegaᴋ kivgartutsiarsiuk.
12Nerriukluse ᴋuviasugitse; ᴋenuersâritse kappiasuktitaujarangapse. Sorairase tuksiaritse.
13Ivsornaitut ajoᴋsarninginut angajoᴋauniaritse; siniktarviojomatitse.
14Unangmijise saimarniarsigik; saimarsaititse oᴋauserlugaselo.
15Kuviasuktut ᴋuviasuᴋatigisigik, ᴋugviortullo ᴋugvioᴋatigilugit.
16Ilipsingnut adsigêktunik issumaᴋaᴋatigêgitse. Pinasuarniarase pingijainartunik, piojorijuitulle malingniarsigik.
17Nangminipsingnik silatonasuginase. Innorluktoᴋ akkiniarasiuk innorlungnermut. Ajungineᴋ pinasuatsiarsiuk inuit ilûnatik takoane.
18Ajornangipat, inungnut tamainut ulapirsauteᴋaritse ajugaringitapsingnut.
19Nangmineᴋ akkiniarniarase, nagliktakka, ningarosungnerle toᴋosiuk, aglaksimangmat. Kiglungneᴋ (akkiniarneᴋ) uvanga pigijara, uvanga akkiniaromavunga, Nâlegaᴋ oᴋarpoᴋ. #Deut. 32:35.
20Taimaimat ningarijit kâkpat, nerrititsuk; imerukpallo imikiuk. Taimailioruvit niakoanut aumanik ikomalingnik katersoilârpotit.
21Ajortomut sâlagijauniarnak; ajunginermulle sâlaginiaruk ajorneᴋ.
Currently Selected:
Rômiunut 12: LIHB08
Highlight
Copy
Compare
Share
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.
