Leviticus 8
8
1Nâlekablo Mosese oᴋarvigivâ, oᴋarlune:
2Aron erningillo ilagilugit tigukit, annorâllo, orᴋsôrlo mingoarutiksak, tuktuvâglo tunergutiksak ajoᴋêrutiksak, saugâglo angusâluk maggûk, amargaujarlo pubjusauteᴋangitomik niaᴋojaktalik;
3Ilagêllo ilûnatik katimatikit ilagêktut tupingata upkoangane.
4Moseselo taimailiorpoᴋ sôrlo Nâlekab perᴋongmago; ilagêllo katimavut ilagêktut tupingata upkoangane.
5Mosesiblo ilagêt oᴋautivait: Tamadja Nâlekab piniartauᴋojanga.
6Mosesiblo Aron erningillo tikiutivait imermullo ubvarpait.
7Atitipâlo ulingmik, tapseruserpâlo tapserutemut, atitipâlo atigiujarmik, ikiarlo pitipâ tâpsomunga, tapseruserlugolo ikiab takosungnaitûb tapserutinganut, nimerpâlo tâpsomunga.
8Sagvingmiutarlo pitipâ tâpsomunga, ᴋaumaᴋûllo idluarᴋûllo ilivâk sagvingmiutarmut.
9Nessarlugarlo ilivâ niaᴋoanut, sivumiutarlo goldeojok, niaᴋote ivsornaidlartok, pitipâ nessarlugab sivuanut; sôrlo Nâlekab Mosese perᴋongmago.
10Mosesiblo orᴋsok mingoarutiksak tiguvâ, tuperlo takamanêtullo tamaita mingoarpait ivsornaitilugillo.
11Ilangalo serᴋerautigivâ sevenertorlune tunerguservingmut, tunerguserviglo pitangillo, ubvarviglo ikkoggangalo mingoarpait ivsornaititauᴋovlugit.
12Orᴋsûblo mingoarutiksab ilanga kovivâ Aronib niaᴋoanut, mingoarlugo ivsornaitilugolo.
13Mosesiblo Aronib erningit tikiupait annorârlugillo ulingnut, tapseruserlugillo tapserutinut, nessarlugaillo nimerlugit tâpkonunga; sôrlo Nâlekab Mosese perᴋolaungmago.
14Tuktuvaglo tunergutiksak ajoᴋêrutiksak tikiupâ; Aroniblo erningitalo tuktuvaub tunergutiksab ajoᴋêrutiksab niaᴋoa pattikpât aggangmingnut.
15Toᴋopâlo; Mosesiblo auk tiguvâ tikerminullo pitipâ tunerguserviub nakjûgingnut avatânut, tunerguservik ivsornaitilugo, auglo kovivâ tunerguserviub tungavinganut, ivsornaitilugo ulapᴋoserlugo.
16Tunnorlo ilûnât erᴋavit ᴋânganêtok tiguvâ, kiksautillo, taktûglo, tâpkoalo tunnuat, Mosesiblo ôtipait tunerguservingme.
17Tuktuvaglo, amingalo, nerᴋingalo, annangalo, ôtipait ikomamut tupersuit silatâne; sôrlo Nâlekab Mosese perᴋolaungmago.
18Saugarlo angusâlok tunergutiksak ôtaksak ᴋaipâ; Aroniblo erningitalo saugab angusâlûb niaᴋoa pattikpât aggangmingnut.
19Toᴋopâlo; Mosesiblo auk serᴋerautigivâ tunerguserviub avatânut.
20Saugarlo angusâlok avgorpâ, Mosesiblo ôtipait niaᴋorlo, avgoallo, tunnorlo.
21Erᴋavingillo niungillo ergortorpait imermut; Mosesiblo saugak angusâlok ilûnât ôtipâ tunerguservingme; tunergutauvok ôtâk tipigiksautiksak; tunergutauvok ikomakut Nâlekamut; sôrlo Nâlekab Mosese perᴋolaungmago.
22Saugablo angusâlûb aipanga, angusâlok ivsornaititausiut ᴋaipâ; Aroniblo erningitalo angusâlûb niaᴋoa pattikpât aggangmingnut.
23Toᴋopâlo; Mosesiblo aungata ilanga tiguvâ pitilugolo Aronib siutingata tallerpiata puvanganut, aggangitalo tallerpiata kubluanut, itigangitalo tallerpiata puttugunganut.
24Tikiupaillo Aronib erningit, Mosesiblo aub ilanga pitipâ tâpkoa siutingita tallerpingita puvanginut, aggangitalo tallerpingita kublunginut, itigangitalo tallerpingita puttugunginut: Mosesiblo auk serᴋerautigivâ tunerguserviub avatânut.
25Tunnorlo, pamiungalo ᴋoinijôk, tunnorlo erᴋavinginêtok, kiksautillo, taktûglo, tâpkoalo tunnungat, tallerlo tallerpik, tiguvait;
26Amârgaujarmillo pubjusauteᴋangitomik niaᴋôjalingmit Nâlekab sânganêtomit, tigusivok niaᴋôjarmik atautsemik pubjusauteᴋangitomik, niaᴋôjarmiglo atautsemik orᴋsulingmik, sâpatâmiglo atautsemik, ililugillo tunnuit ᴋânginut, talliublo tallerpiub ᴋânganut;
27Ilûnaitalo pitipait Aronib erningitalo agganginut, sanervaiᴋitârtiᴋattarpaillo tunergutautilugit sanervaiᴋitârtitaujut Nâlekab sângane.
28Mosesiblo tigulerivait agganginit ôtilugillo tunerguservingme tunergutautilugit ôtâk; ivsornaititauvut tipitsiariktut; tunergutauvut ikomakut Nâlekamut.
29Mosesiblo sakiak tiguvâ sanervaiᴋitârtiᴋattarlugolo tunergutautilugo sanervaiᴋitârtitaujok Nâlekab sângane; tamanna Mosesib ningersiarivâ angusâlormit ivsornaijutaujomit, sôrlo Nâlekab Mosese perᴋolaungmago.
30Mosesiblo orᴋsûb mingoarutiksab ilanga, aublo tunerguservingmêtûb ilanga tiguvâk serᴋerautigilugiglo Aronemut annorânginullo erninginullo erningitalo annorânginut tâmna ilagilugo; Aronalo ivsornaitipâ annorângit erningillo erningitalo annorângit ilagilugit.
31Mosesiblo Aron erningillo oᴋautivait: Nerᴋe igasiuk ilagêktut tupingata upkoangane; tagvanalo nerrisiuk niaᴋôjarlo amârgaujarme ivsornaijutiksatalingme, sôrlo perᴋojilaurama, oᴋarlunga: Aronib erningitalo nerrijaksarivât.
32Nerᴋejablo niaᴋôjablo amiakoa ôtitaksarivase ikomamut.
33Uvlulle sevenit nâvlugit anijuksaungilase ilagêktut tupingata upkoanganit, ivsornaititauvigijapse uvlungit nâmaksiᴋârtinagit; uvlut sevenit nâvlugit ivsornaititaksaringmase.
34Sôrlo uvlome piniartoᴋarmat taimâk Nâlegaᴋ piniartauᴋojilaukpok, ulapᴋosertauᴋovluse.
35Ilagêktullo tupingata upkoangane noᴋangatsainartuksauvose uvlôtilugo unnuarmelo uvlut sevenit nâvlugit, Nâlekablo perᴋojijutigijanga ivlerilugo, toᴋoᴋonase; taimâk perᴋojaugama.
36Aroniblo erningitalo piniarutauᴋojaujut tamaita piniarpait, Nâlekab piniarutauᴋojangit Mosesib aggangitigut.
Currently Selected:
Leviticus 8: LIHB08
Highlight
Copy
Compare
Share
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.
