Leviticus 9
9
1Uvlullo sitamaujortungane Mosesib ᴋaiᴋovait Aron erningillo Israêlikullo angajoᴋaunerojungit;
2Aronalo oᴋautivâ: Tigusilerit tuktuvârarmik angutimik tunergutiksamik ajoᴋêrutiksamik, saugarmiglo angusâlormik tunergutiksamik ôtaksamik, ᴋanoêtoᴋangitûngnik, tunerguserlutillo Nâlekab sângane.
3Israêliblo ᴋitorngangit oᴋautijaksarivatit, oᴋarlutit: Tigusileritise tuktungajomik angusâlormik tunergutiksamik ajoᴋêrutiksamik; tuktuvârarmiglo saugârarmiglo, atautsemik jârelingmik, ᴋanoêtoᴋangitûngnik, tunergutiksângnik ôtaksângnik;
4Tuktuvangmiglo saugarmiglo angusâlornik tunergutiksângnik ᴋujaliutiksângnik, tunergutauᴋovlugik Nâlekab sângane; tunergutiksamiglo sanaugamik orᴋsumut akusimajomik; uvlome Nâlekab sakᴋervigilârmase.
5Mosesiblo perᴋojijutigijangit âpait ilagêktut tupingata sânganut; ilagêllo ilûnatik katimavut nangerlutiglo Nâlekab sângane.
6Moseselo oᴋarpok: Tamadja Nâlekab piniarutauᴋojanga ilipsingnut: Nâlekablo ânanauningata sakᴋerviginiarpâse.
7Mosesiblo Aron oᴋautivâ: Tunerguserviliarit, tunerguserlutillo tunergutiksarnik ajoᴋêrutiksamik, tunergutiksarniglo ôtaksamik, ulapiksailutillo pivlutit inuillo pivlugit; inuillo tunergutiksangat tunergutigiuk, tâpkoalo ulapᴋoserkit; sôrlo Nâlegaᴋ perᴋojilaungmat.
8Aronalo tunerguserviliarpoᴋ, toᴋotsivorlo tuktuvârarmik tunergutiksamik ajoᴋêrutiksamik nangminine pivlune.
9Aroniblo erningita auk manivât tâpsomunga, tâpsomalo tikine misukpâ aungmut pitilugolo tunerguserviub nakjunginut, auglo kovivâ tunerguserviub tungavinganut;
10Tunnorle, taktûglo, kiksautillo tunergutiksamit ajoᴋêrutiksamit ôtipait tunerguservingme, sôrlo Nâlekab Mosese perᴋolaungmago.
11Nerᴋelo amerlo ôtipâk ikomamut tupersuit avatâne.
12Tunergutiksarlo ôtaksak toᴋopâ; Aroniblo erningita auk tunivât tâpsomunga, tâpsomalo serᴋerautigivâ tunerguserviub avatânut.
13Tunergutiksarlo ôtaksak tunivât tâpsomunga, avgoat nalleᴋârlugit niaᴋorlo; tâpsomalo ôtipait tunerguservingme.
14Erᴋavillo niullo ergortorpait, ôtilugillo tunergutautipait ôtâk tunerguservingme.
15Inuillo tunergutingat tâpsoma manivâ, tuktungajorlo tunergutiksak ajoᴋêrutiksak inuit pivlugit tiguvâ toᴋolugolo, tunergutigilugolo ajornek pivlugo, sivorlertut.
16Tunergutiksarlo ôtaksak manivâ tunergutigilugolo ilusioᴋojak maliklugo.
17Tunergutiksarlo sanaugak manivâ, agganalo tatalugit tagvangat ôtipâ tunerguservingme, tapiutilugo tunergutaujomut ôtârmut uvlâkut.
18Toᴋotsivoktauk tuktuvangmik saugarmiglo angusâlormik, tunergutiksângnik ᴋujaliutiksângnik inuit pivlugit; Aroniblo erningita auk tunivât tâpsomunga, tâpsomalo serᴋerautigivâ tunerguserviub avatânut,
19Tuktuvaublo tunnua angusâlublo tunnua, pamiorlo ᴋoinijok, erᴋavingitalo tunnungit, taktullo, kiksautillo;
20Tunnorlo ilivât sakiâk ᴋânganut, tunnorlo ôtipâ tunerguservingme:
21Sakiâglo tallerlo tallerpik Aronib sanervaiᴋitârtiᴋattarpait tunergutautilugit sanervaiᴋitârtitaujok Nâlekab sângane; sôrlo Mosese perᴋojilaungmat.
22Aroniblo aggane ᴋolangiutitipait inungnut, saimartipaillo; attersârporlo tunerguserêrame tunergutimik ajoᴋêrutiksamik, tunergusermiglo ôtaksamik, tunerguserniglo ᴋujaliutiksanik.
23Moseselo Aronalo iterpuk ilagêktut tupinganut, anigamiglo inuit saimarsarpait; Nâlekablo ânanauninga sakᴋerpok inungnut ilûnainut.
24Ikomalo anivok Nâlekab sânganit nungutsilunalo tunergutiksamik ôtaksamik tunnomiglo tunerguservingmêtunik; inuillo ilûnatik tamanna takogamitsuk ᴋaggûdlarput pâmangalutiglo.
Currently Selected:
Leviticus 9: LIHB08
Highlight
Copy
Compare
Share
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.
