Hesekiel 19
19
1Igville Israêlib angajoᴋângit oggorikit,
2Oᴋarlutillo: Anânavit suna adsigivaûk? Loeve arnaᴋ; loevit akorngane aᴋopivoᴋ, piarᴋane sârliarpait loevearait akorngane.
3Piarᴋamelo ilangat aglisitilauᴋpâ, tâmnalo loevitsiangovoᴋ, ilisimavorlo pinasuarnermik, inuktômalunelo.
4Inôᴋatigêksuillo taimailiorninga tusaumavât; pulatimingnut pulatipât, ᴋingarmiuserlugolo tikiutivât nunamut Egiptenemut.
5Anânanga takogame sulingitomik utaᴋigame, nerriugijanelo assiongmat, piarᴋame aipanga tiguvâ loevitsiangortilugolo.
6Tâmnalo loevit akorngane utertarpoᴋ, loevitsiangovorlo; ilisimavorlo aliktuinermik inuktômanermiglo.
7Tâpsomalo taipkoa uigarningit ilitarivait, iglugasaksoangillo asserorpait; nunalo sunairutijauvoᴋ tâpsomanêtullo, tâpsoma ᴋalingoarningata nippersoanganut.
8Inôᴋatigêksuit tagva pinasuariartorput tâpsominga nunanit avalinginit; nuluangillo issivitipait tâpsoma ᴋânganut; tigujauvoᴋ tagva itersâlungine.
9Kingarmiusertorpâllo iniksamullo pitipât, tikiutilugolo Babilonib ataninganut; parngnanairsorpât, nippinga tusartaujungnaiᴋovlugo Israêlib ᴋaᴋᴋangine.
10Anânavit ilingnit adsigiluarpâ vaineliksatalik, imilitsiarmut ilijaumajoᴋ: paungatâdlarpoᴋ akkeroᴋadlarlunelo imeᴋadlarnermut.
11Sôngojunik akkeroᴋarpoᴋ nâlegaujut ajaupiaksanginik, poᴋtosivullo nuvujat aktorlugit, takuksauvullo poᴋtonermingne akkeroᴋadlarnermingnelo.
12Ningaumajârnermele nusuktauvoᴋ, nunamut egitauvoᴋ, paungangit panertitauvut unangârmut: akkerungit sôngojut naviktauvut panersivlutiglo; ikomablo nungupait.
13Mânalo sunaᴋajuitomut ilijaumavoᴋ, nunamut panertomut imaᴋangitomullo.
14Ikomalo anisimavoᴋ akkerungita ilanganit, nungutsivoᴋ paunganginik, sôngojomik akkeroᴋarungaiᴋovlugo ajaupiaksaujomik atanermut. Tamadja ogguarutiksaᴋ, ogguarutiksaulârporlo.
Currently Selected:
Hesekiel 19: LIHB08
Highlight
Share
Copy
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.
