Hesekiel 18
18
1Nalekab oᴋausingata tikilerivânga, oᴋarlune:
2Suvisê oᴋausiovaktoᴋ imaitoᴋ atorapsiuk Israêlib nunangane, oᴋarluse: Atâtat paungatomavut vaineliksanik sênartunik, sorutsillo kigutingit kupserkolerpût?
3Sorlo mikseᴋârtomik inôgama, oᴋarpoᴋ Nâlegaᴋ Nâlegaujoᴋ, piviksaᴋarungnainiarpose oᴋausiovaktoᴋ tâmna atorlugo.
4Ahâk, tarnit ilûnaita pigivakka; sorlo atâtab tarninga taimaktauᴋ ernerub tarninga pigivara; tarnelo idluitulijok toᴋojuksauvoᴋ.
5Inugle idluartôgune, idluartuligune nâmaktulilunelo,
6Kaᴋᴋane nerrilaungikune, ijinelo arlortingikunigik Israêlib ᴋitorngangita gudingoanginut, inôᴋatimelo nulianga ivsornartilaungikuniuk, arnarlo tutilaungikuniuk auᴋarningane;
7Oᴋumaiksartitsingikune kinamik, satoraksaᴋ utertikuniuk akkiliksaᴋarvigijiminut, aksorornermut aᴋsârningikune, kâktoᴋ aitoruniuk nerᴋiksaminik ussingajorlo annorârtikuniuk;
8Akkiliumik tapiksaᴋarᴋojingitoᴋ, attartortautitame unorᴋijanginik akkilêᴋojingitoᴋ, aggangminik issaktailijoᴋ idluitulinermut, nelâgôrtomik idluarsaijoᴋ inuit akorngane,
9Maligaksauᴋojamne arvertartoᴋ, nâlektorlo perᴋojamnik nelâgôrtomik piniarlune, tâmna idluartôvoᴋ, tâmna inôjuksauvoᴋ, oᴋarpoᴋ Nâlegaᴋ Nâlegaujoᴋ.
10Tâmnale ernitârune arᴋtaijomik, aungmik kovisijomik, tamakkoalônêt ilanganik piniartomik,
11Piniaraksallônêt ilanginik piniartailitsijomik, ᴋaᴋᴋanele nerrivaᴋtomik, inôᴋatimelo nulianganik ivsornartitsijomik,
12Aklujuniglo ajoᴋsartuniglo idluituliviᴋartomik, aksorornermut arᴋtaijomik, satoraksamik utertitsingitomik, ijiminiglo arlortitsijomik gudingoanut, maᴋojungnartulijomik,
13Akkiliumiglo tapiksaᴋarᴋojijomik attartortautitame unorᴋijanginik akkilêᴋojijomik: taimaitoᴋ inôjuksauvâ? Inôjuksaungilaᴋ: maᴋojungnartut tamakkoa tamaita piniarnerivait: toᴋojuksauvoᴋ; aunga tâpsomanêtuksauvoᴋ.
14Imâgle, ernermik ernitârune takojomik atâtame idluitulininginik tamainik, uloreasuklunelo taimailiortailititsijomik,
15Kaᴋᴋane nerringikune, ijingminiglo arlortitsingikune Israêlib ᴋitorngangita gudingoanginut, inôᴋatimelo nulianganik ivsornartitsingikune,
16Kinamik idluituliviᴋalaungikune, satoraksamik tigusingikune aksorornermut arᴋtaingikune, kâktullo tunitjivigigunigit nerᴋiksaminik, ussingajorlo ulikuniuk annorâmut,
17Aggane aktuitailitikunigit aklujomik, tapiksamik attausermiglônêt tigusingikune, perᴋojamnigle piniarune maligaksauᴋojamnelo arvertarune; tâmna toᴋojuksaungilaᴋ atâtame idluituliningit pivlugit, inôjuksauvorle.
18Atâtangale, nâpkiningneᴋarane oᴋumaiksartitsigame, ᴋatangutinelo arᴋtaramiuk, idlualungitomiglo piniarame inôᴋatime akorngane, ahâk, tâmna toᴋojuksauvoᴋ idluitulinine pivlugit.
19Oᴋasôngovosele: Suna pivlugo ernerub atâtame idluituliningit nangmalungilagît? Erneᴋ perᴋojat maliklugit idluartomiglo piniarune, perᴋojakkalo nâlegunigit piniarlugillo, inôjuksauvoᴋ.
20Tarne idluitulijoᴋ toᴋojuksauvoᴋ: ernerub atâtame idluituliningit nangmaraksaringilait, atâtablônêt ernerub idluituliningit nangmaraksaringinivait; idluartûb idluarninga tâpsomanêtuksauvoᴋ, idluitulijûblo idluininga tâpsomanêtuksauvoᴋ.
21Idluitulijorle sâgiarune idluitulinerijaminit tamainit piniarnerijaminit, maligaksauᴋojakkalo malikunigit, perᴋojallo maliklugit idluartomiglo piniarune, inôjuksauvoᴋ, toᴋojuksaungilarlo.
22Tapanerijanginit piniarnerilauᴋtanginit tamainit issumagijungnaiviojuksauvoᴋ: idluartulinine pivlugo inôjuksauvoᴋ.
23Kuviasûteᴋarᴋêk idluitulijûb toᴋunganîk? oᴋarpoᴋ Nâlegaᴋ Nâlegaujoᴋ: ᴋuviagilualungilarâ sâgiarpat apᴋotiminit inôvlunelô?
24Idluartûble idluartulinine tunupago, idluitulilunelo, piniarlunelo maᴋojungnartunik tamainik idluitulijûb piniarningit maliklugit, inôjuksauvâ? Piniarningita idluartut neliarlônêt erᴋaumajauniangilaᴋ: tapanerijamine idluitulinerijaminelo piniartamine, tâpkonane toᴋojuksauvoᴋ.
25Oᴋarposele: Nâlekab apᴋotinga sangungavoᴋ. Nâlagitse, ilipse Israêlib ᴋitorngangit: Apᴋotiga sangungavâ? Apᴋotise niungalungilât?
26Idluartûb idluartulinine tunupago idluitulilunelo, toᴋovlunelo taimainermine, tagva toᴋovoᴋ idluitulinermine piniarnerijamine.
27Taimaktauᴋ idluitulijûb idluitulinerminik piniartaminik tunuikpat, piniarlunelo perᴋojat maliklugit idluartomiglo, tagva tarnine piulivâ.
28Issumaksarsiorame, tapanerijanelo piniarnerijane tamaita tunugamigit, inôjuksauvoᴋ ila, toᴋojuksaungilarlo.
29Sullele Israêlib ᴋitorngangit oᴋarput: Nâlekab apᴋotinga sangungavoᴋ. Ilipse Israêlib ᴋitorngangit, apᴋutikka sangungavât? Apᴋotise niungalungilât?
30Tamanna pivlugo erᴋartoromavapse, ilipse Israêlib ᴋitorngangit, atunit apᴋutine maliklugit, oᴋarpoᴋ Nâlegaᴋ Nâlegaujoᴋ. Sâgiaritse, tapanerilauᴋtaselo tamaita tunusigik, idluitulineᴋ piniartauᴋonago ilipsingnut.
31Tapanise tamaita tapanerimajase iperarsigik, ômatetâritselo anernetârluselo: sôᴋ toᴋojomavisê, ilipse Israêlib ᴋitorngangît?
32Toᴋolertûb toᴋunga ᴋuviaginginapko, oᴋarpoᴋ Nâlegaᴋ Nâlegaujoᴋ; taimaimat sâgiaritse inôᴋovluse.
Currently Selected:
Hesekiel 18: LIHB08
Highlight
Share
Copy
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.
