Exodus 38
38
Tunerguservik tunergutinik ôtaksanik. Ubvarvik. Avaluliorsimajok. Inuit tunergutingita unurningit.
1Tunerguserviliorporlo tunergutinik ôtaksanik ᴋejutsiarsajamit; talertut tallimatut takitigivok, talertullo tallimatut siliktigivok; Iktoᴋerikpok; talertullo pingasutut poktotigivok.
2Nakjungillo ilivait terreᴋungine sitamane; nakjungit tâmnatsainauvut: ᴋallineᴋartipaillo ᴋaᴋorlermik.
3Tunerguserviublo perᴋutingit, argjaᴋautit, ᴋalugautillo, pôgutaujat, kapoᴋautillo, aumaᴋautillo sanavait; perᴋutingit ilûnnaita sanavait ᴋaᴋorlermit.
4ᴋilapatâliorporlo nuluangojârtomik tunerguservingmut ikomaᴋarvingata atânêtuksamik ᴋerᴋane.
5Auktitsivorlo nuklunik sitamanik kilapatâb ᴋaᴋorliojub isûgingnut, iniksaurᴋovlugit akigautîngnut.
6Akigautiliorporlo ᴋejutsiarsajamit, ᴋallineᴋartilugiglo ᴋaᴋorlermik.
7Akigautîglo kaimipak nuklunut tunerguserviub sanerâgingnêtunut, akigarianganut; tunerguservik sanavâ sâtojanit illuliotilugo.
8Ubvarviliorporlo ᴋaᴋorlermit, ikoggangalo ᴋaᴋorlermit, arnat ilagêktut tupingata pângane kivgartortut tachar tûtinginit.
9Tupiublo avatâ avaluliorpâ: sanerangane seᴋerngane avalut tâlutangit ᴋablunâᴋtajatsiangovut, talertut 100tut.
10Napajungit 20ovut, manguvingillo ᴋaᴋorleojut, 20; napajullo kikiangit ikârusingillo silbereovut.
11Sanerangane tachâne tâlutaᴋarpoᴋ talertut 100tut, napajungillo 20ovut, manguvingillo 20; napajullo kikiangit ikârusingillo silbereovut.
12Saneranganelo kangiane tâlutaᴋarpok talertut 50tut, napajungit 10, manguvingillo 10; napajullo kikiangit ikârusingillo silbereovut.
13Tukianelo kitâne talertut 50tut.
14Tâlutat itertarviub sanianêtut igluane talertut 15tut iput; napajungit pingasut, manguvingillo pingasut.
15Avalullo itertarvingata igluane, ikanelo mânelo, tâlutaᴋarpok talertut 15tut; napajungillo pingasut, manguvingillo pingasut.
16Avalut tâlutangit ilûnnatik avatâne ᴋablunâktajatsiangovut.
17Napajullo manguvingit ᴋaᴋorleovut; napajut kikiangit ikârusingillo silbereovut; ibjarutingitalo ᴋalliningit silbereovut; avalullo napajungit ikârusertauvut silberemik.
18Avalullo itertarviata tâlutanga pinarnarsauteliortaujok sanasimavok tungujoktamit, tungulângajomillo, aupalutsiartomillo, ᴋablunâktajatsiamillo: talertullo 20tut takitigivok, talertullo tallimatut siliktigivok ᴋongmut, avalut tâlutangit poktoᴋatigivlugit.
19Napajungillo sitamauvut, manguvingillo ᴋaᴋorleojut sitamat; kikiangit silbereovut, ibjarutingillo ᴋalliningit ikârusingillo silbereovut.
20Tupiublo avalullo avatâne kikiangit ilûnnatik ᴋaᴋorleovut.
21Tamadja tagva katersortaujut tupermut ilingajut, kigligiutjineᴋtaliub tupinganut, sorlo kititaungmata Mosesib perᴋojanga maliklugo, Levikut atorianginut, Itamâb, Aronib ajoᴋertuijub erningata agganginut.
22Bêsalêeliblo, Hurib erningata Urib erninga, kinguvârênit Judakunit, sanavait tamaita Nâlekab perᴋojijutigijangit Mosesemut.
23Aiparivâlo Ahâlia, Ahîsamab erninga, kinguvârênit Dânekunit, alligolerijok, ᴋaᴋiarnangitok sulijok, pinarnarsauteliortorlo tungujoktame, tungulângajomelo, aupalutsiartomelo, ᴋablunâktajatsiamelo.
24Golde ilûnnane atortaujok suliaksamut ivsornaitoviub sanajauningane ilûnâne, golde tunijaujok, talenteovok 29nik, sêkeleniglo 730nik, ivsornaitoviub sêkelinga maliklugo. ($750,000.00tut akitutigijok.)
25Silberelo, ilagênut kititaumajut tunijangit, talenteovok 100nik sêkeleniglo 1,775nik, ivsornaitoviub sêkelinga maliklugo: ($176,035.00.)
26Inungnut tamainut atunit bekamik, tagva sêkelib abvanganik, ivsornaitoviub sêkelinga maliklugo, nâvlugit kititaugiartortut, 20nik jâreᴋartut ᴋângiutijullo, tagva inuit 603,550.
27Talentenit 100nit silberemik ivsornaitoviub manguvingit, upkublo manguvingit kovijauvut, manguvit 100 talentenit 100nit, talente atausek manguvingmut atausermut.
28Sêkelenillo 1,775nit kikialiorpok napajunut, ibjarutingillo ᴋallineᴋartipait, ikâruseliorlunelo.
29Kaᴋorlerlo tunijaujok talenteovok 70nik, sêkeleniglo 2,400nik.
30Tagvangallo sanavait ilagêktut tupingata pângata manguvingit, tunerguserviglo ᴋaᴋorleojok, kilapatârlo ᴋaᴋorleojok tâpsoma piksanga, tunerguserviublo perᴋutingit,
31Avalullo avatânêtut manguvingit, avalullo itertarvingata manguvingit, tupiublo kikiangit, avalullo avatânêtut kikiangit.
Currently Selected:
Exodus 38: LIHB08
Highlight
Copy
Compare
Share
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.
