Exodus 37
37
Iklervik, iksivavik saimarvigijauvik asingillo sanajauvut.
1Besaleelelo iklerviliorpoᴋ ᴋejutsiarsajamit: tallertut maggûtut abvatullo takitigivok, talertullo atausertut abvatullo siliktigivok, talertullo atausertut abvatullo poktotigivok.
2Iluagullo silatâgullo ᴋallineᴋartipâ goldemik ilaᴋangitomik, avaliarutaliorpâlo goldemik avatâgut.
3Tâpsomungalo kovisivok nuᴋlunik sitamanik goldeojunik, terreᴋunginêtuksanik sitamane; tagva nuklûk maggûk sanerangane igluane, nuklûglo maggûk sanerangane igluane.
4Akigauteliorporlo ᴋejutsiarsajamit, ᴋallineᴋartilugiglo goldemik.
5Akigautîglo ilivak nuklunut iklerviub sanerâgingnêtunut, iklerviub akigarianganut.
6Iksivaviglo saimarvigijauvik sanavâ goldemit ilaᴋangitomit: talertut maggûtut abvatullo takitigivok, talertullo atausertut abvatullo siliktigivok.
7Kerubeliorporlo maggûngnik goldeojûngnik, katjuklugik iluitomit sanavak, iksivaviub saimarvigijauviub issûgingne iglugêngne;
8Kerube atausek makkutsiata isuane, kerubelo atausek tâpkutsiata isuane igluane: iksivaviub saimarvigijauviub issûgingne iglugêngne sanavak.
9Kerubîglo esarᴋutik isivipait ᴋollâgut, iksivaviglo saimarvigijauvik ulliklugo esarᴋumingnut, sângautilutik; iksivavingmut saimarvigijauvingmut kerubîk kênâgik sângavuk.
10Saliorporlo ᴋejutsiarsajamit: talertut maggûtut takitigivok, tallertullo atausertut siliktigivlune, talertullo atausertut abvatullo poktotigilarme.
11ᴋalineᴋartipâlo goldemik ilaᴋangitomik, avaliarutaliorpâlo goldemik avatâgut.
12Pinarnarsauteliorpâlo atâta avatâgut aggait silingningititut siliktigijomik, siningalo avaliarutaliorpâ avatâgut.
13Kovisivorlo tâpsomunga nuklunik sitamanik goldeojunik, nuklullo ilivait niulungita sitamat terreᴋunginut sitamanut.
14Nuᴋlut sinakjuata atânêput, iniksauvlutik akigautîngnut sâ akigartaurᴋovlugo.
15Akigauteliorporlo ᴋejutsiarsajamit, ᴋallineᴋartilugiglo goldemik, sâ akigartaurᴋovlugo.
16Perᴋuteliorporlo sâmiutanik goldeojunik ilaᴋangitomik, pôgutanginik, alupsautinginiglo, ᴋajutanginiglo, ᴋallutanginiglo ᴋalluviojungnarᴋovlugo.
17Naneroaᴋarviliorporlo goldeojomik ilaᴋangitomik: katjuksimajomik naneroaᴋarviliorpoᴋ; ikogganga, akerungillo, ᴋingmingoangoangillo, paungangoangillo, nuvugulângoangillo tâmnatsainauvut:
18Akerᴋut 6 anivut sanerâgingnit, naneroaᴋarviub akerungit pingasut sanerangata aipânit, naneroaᴋarviublo akerungit pingasut saneranganit igluanit.
19Kingmingoangoaliorpok pingasunik akerome atauserme, paungangoamiglo, nuvugulângoamiglo; ᴋingmingoangoaniglo pingasunik akerᴋub asiane, paungangoamiglo, nuvugulângoamiglo; taimaglo akerᴋut 6 nâvlugit anijut naneroaᴋarvingmit.
20Naneroaᴋarvingmelo ᴋingmingoangoaᴋarpok sitamanik, paungangoaniglo nuvugulângoaniglo:
21Paungangoamiglo akerûk iglugêk atâne, paungangoamiglo akerûk iglugêk atâne, paungangoamiglo akerûk iglugêk atâne, akerᴋut 6it anijut tâpsomangat maliklugit.
22Paungangoangit akerungillo tâmnatsainauvut: ilûnnane goldeovok ilaᴋangitok katjuksimajok.
23Kollingillo 7nit, takᴋersûtingillo, argjaᴋautingillo, sanavait goldemit ilaᴋangitomit.
24Tâmna perᴋutingillo ilûnnaita sanavait goldemit ilaᴋangitomit talentemit.
25Tunerguserviliorporlo iserluanititsivingmik tipitsiariksaumik ᴋejutsiarsajamit: talertut atausertut takitigivoᴋ, talertullo atausertut siliktigivok; iktoᴋerikpok; talertullo maggûtut poktotigivok; nakjungillo tâmnatsainauvut.
26ᴋallineᴋartipâlo goldemik ilaᴋangitomik, ᴋângalo sanerangillo avatâgut nakjungillo: avaliarutaliorpâlo goldemik avatâgut.
27Nukloliorpâlo maggûngnik goldemit avaliarutangata atâgut, terreᴋûgingne, sanerâgingne iglutut, iniksaurᴋovlugik akigautîngnut akigarianganut.
28Akigautiliorporlo ᴋejutsiarsajamit, ᴋallineᴋartilugiglo goldemik.
29Orᴋsuliorporlo ivsornaitomik mingoarutiksamik, iserluanerutiksamiglo ilaᴋangitomik tauvluᴋutenit mamaktunit, tipitsiariksautelerijub sanasôngoninga maliklugo.
Currently Selected:
Exodus 37: LIHB08
Highlight
Copy
Compare
Share
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.
