Exodus 33
33
Mosesib inuit tuksiupait. Gûdib Mosese oᴋaᴋatigivâ.
1Nalekablo Mosese oᴋautivâ: Aularit, tamângat majoarit, igvit inuillo tikiutititatit nunamit Egiptenemit, nunamut angermarijutigilauktamnut Abrahamut, Isaarmullo, Jakomullo, oᴋarlunga: Kinguvâksarnut tunijomavara.
2Engelelo tilijomavara sivunipsigut; ᴋemâtitsomavakkalo Kânaaniterit, Amoriterillo, Hetiterillo, Perisiterillo, Heviterillo, Jebusiterillo:
3Nunamut imummik igupsaujârtullo orksuanik kôlingmut: kisianele akunapsingne majuarᴋataujomangilanga; tapatojoksôgapse: nungutitserᴋonanga ilipsingnik apᴋome.
4Inuillo tusaramik oᴋautsinik ukuninga tusarominaitunik kiksadlarput: nalliallo atisilungilak pinarnarsautiminik.
5Nâlegak oᴋarsimalaungmat Mosesemut: Israêlikut oᴋarvigikit: Tapatojoksôvose: Tikikadlaromavunga akorngangnut sikungilarnerme, nungulutillo: taimaimat pinnarnarsautitit pêrkit ilingnit, ᴋaujimarᴋovlunga ᴋanok piniarvigijaksarimangâpkit.
6Israêlikullo pinarnarsautitik pêrpait ᴋakᴋaub Hôrebib erᴋâne.
7Mosesiblo tupek tiguvâ nappartilugolo tangmârterviub silatâne, atserarlugolo: Tupek kigligiutjinelik. Ilûnnatiglo Nâlekamik ᴋenertut anivut tupermut kigligiutjinelingmut, tangmârterviub silatânêtomut.
8Imaiporlo, Mosese anijarangat tupermut, inuit ilûnnatik nikoviput nangerlutiglo tupermik pângine Mosese takosarlugo itersimaᴋârtinago tupermut.
9Moseselo tupermut iterangat, nuvujak napajok akᴋarpok nappavlunelo tupiub pângane, Nâlekablo Mosese oᴋaᴋatigivâ.
10Inuillo ilûnnatik nuvujaᴋ nappajoᴋ tupiub pânganêtoᴋ takovât: inuillo ilûnnatik nikoviput tuksiarlutiglo, atunit tupime pânganêdlutik.
11Nâlekablo Mosese oᴋaᴋatigivâ kênarmit kênarmut, sorlo inub ilannârijane oᴋaᴋatigingmago. Uttilerivorlo tangmârvingmut: kivganele Josua, Nunib erninga, inôsuktok, anilungilaᴋ tupermit.
12Mosesiblo Nâlegak oᴋautivâ: Takuit, oᴋautivarma, Inuit ukkua majuartikit: ᴋaujitilungilarmale kinamik ilaᴋarᴋoniarmangâmnga. Oᴋarsimagalloarpotit: Atterkut ilitarivagit, saimaneᴋsivotillo ijîngma sângangne.
13Mânna tagga, saimaneᴋsiguma ijîkpit sângangne unertutilaunga apᴋotingnik, ilitarᴋsilerᴋovlunga ilingnik, saimanekserᴋovlunga ijîkpit sângangne: inôᴋatigêksuillo ulernairtorkit inuᴋotigigangne.
14Kiovorlo: Najornima ilaginiarpâtit, merngoersertitsomavagillo.
15Tâpsomale oᴋautivâ: Najornivit ilagingipanga, takpaungautiniaratigut tamângat.
16Sunakulle ᴋaujijauniarᴋâ uvanga inuᴋotitillo saimaneᴋsigapta ijîkpit sângangne? Tamattomûnaulungilâᴋ, igvit ilagigaptigut? Taimâk aptersimaniarpogut, uvanga inuᴋotitillo, inungnit tamainit nunab ᴋânganêtunit.
17Nâlekablo Mosese oᴋautivâ: Tamannatauk oᴋautigijat piniaromavara: saimaneᴋsigavit ijîngma sângangne, aterkullo ilitarigapkit.
18Oᴋarporlo: Unertutjivigilaungatôᴋ ânanaunernik.
19Tâmnalo oᴋarpok: Ajunginera tamât ᴋângertitsomavara kênavit sângagut, sângnelo Nâlekab atinga oᴋâlautigijomavara; saimauseromajakkalo saimauseromavakka, nâpkigijomajakkalo nâpkigijomavakka.
20Oᴋarporlo: Kênara takonârungnangilat, inûb takonârungnangimanga inôniarlunelo.
21Nâlegarlo oᴋarpok: Takuit, iniksaᴋarpok sanimne, nangertuksauvotillo ᴋairtub ᴋângane:
22Pijoᴋalârporlo imâk: ânanaunera ᴋângerpat, iniksaᴋartitsomavagit ᴋairtub ᴋongnângane, mattujomavagillo aggamnut ᴋângertilunga:
23Aggakkalo pêromavakka, tunugalo takojaksarivat: kênarale takonâraksaungilak.
Currently Selected:
Exodus 33: LIHB08
Highlight
Copy
Compare
Share
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.
