Exodus 32
32
Nochangoab sanajauninganik Gûdiblo ningarninganik.
1Inuillo malugosugamik Mosese atersarnasârmat ᴋakᴋamit, inuit Aronemut katersorput, oᴋarvigivlugolo: Atê, gûdingoaliortigut sivuniptigut ingergajuksanik; Mosesele imna, angut majuartitivut nunamit Egiptenemit, nalovavut ᴋanoelingamangât.
2Aroniblo oᴋautivait: Siumiutat goldeojut nuliapse ernipselo panipselo siutinginêtut pêjarsigik, ᴋailugillo uvamnut.
3Inuillo ilûnnatik siumiutat goldeojut pêjarpait siutimingnit, âlugillo Aronemut.
4Tâpsomalo tiguvait agganginit, nochangoaliorᴋârdlunelo kovimajomik, sanagutemut ilûtsetârpâ; tâpkoalo oᴋarput: Tagga gûdise, Israêle, tikiutijise nunamit Egiptenemit.
5Aroniblo takogamiuk, tunerguserviliorpoᴋ sângane; Aronelo ᴋuggudlarpok, oᴋarlunelo: ᴋaupat uvloksiorviksauvok Nâlekamut.
6ᴋaungmallo uvlârorput, tunerguserlutiglo tunergutinik ôtaksanik, âtsilutiglo tunergutinik ᴋujalitiksanik; inuillo ingiput nerrijomavlutik imeromavlutiglo, nikovipullo pingoaromavlutik.
7Nalekablo Mosese oᴋautivâ: Atê, atersârit; inuᴋotitit tikiutijatit nunamit Egiptenemit, aserorsarmata nangminermingnik:
8Sangusaraidlarput apᴋomit apᴋutaurᴋojamnit tâpkonunga: kovimajomik nochangoaliorput nangminermingnut, tuksiarvigivâllo tunerguservigilâllo, oᴋarlutik: Tagga gûdise, Israêle, tikiutijise nunamit Egiptenemit.
9Nâlekablo Mosese oᴋautivâ: Inuit tamakkoa takonârsimavakka, ahâglo, inôvut tapatojoᴋsôjut.
10Taimaimat pagvisarniarnanga mânna, ningaumajârnera ônarserᴋovlugo tâpkonunga, nungulugillo perᴋovlunga; igvillo inôᴋatigêksoangortitsomavagit.
11Mosesiblo Nâlegak Gûdine ᴋenuvigidlarpâ, oᴋarlunelo: Nâlegak, suna pivlugo ningaumajârnît ônarsivâ inuᴋotingnut, tikiutijarnut nunamit Egiptenemit pitsartunermut angijomut, aggangnullo sôngodlartunut?
12Sôk Egiptenemiut oᴋauseᴋartuksauvât oᴋarlutiglo: Uivênermut anitipait, toᴋoraromavlugit ᴋakᴋane, nunablo ᴋânganit nungutsomavlugit? ᴋeviarlaurit ningaumajârnernit ilungertortomit, annusingorlaurillo idluituliveᴋaromanermit ômangat piniaromajarnit inuᴋotingnut.
13Abraha, Isaarlo, Israêlelo, kivgatit, erᴋaumalaukit, tâpkonunga angermarilauravit ilingnik taivlutit, oᴋautilugillo: Kinguvâksase unuksititsomavakka sorlo ᴋilaub uvloriangititut, nunalo tamanna oᴋautigijara ilûnnane tunijomavara kinguvâksapsingnut, tâpkoalo kingormgutijaksarivât isoᴋangitomut.
14Nâlegarlo anusingorpok idluinermit piniaromajaminit inuᴋotiminut.
15Moseselo sanguvok atersârlunelo ᴋakᴋamit, aglagvîglo maggûk kigligiutjineᴋtalîk agganginêpuk: aglagvîk iglutut aglagviovuk: aglagviovuk sâgingnelo tunûgingnelo.
16Aglagvîglo Gûdib sanasimavak, aglaillo Gûdib aglaksimavait aglagvîngnut.
17Josuablo inuit ᴋuggudlartut pervalungningit tusaramigit, Mosese oᴋautivâ: Unatartut ᴋuggudlarningit tusaksauvok tangmârvingme.
18Tâmnalo oᴋarpok: Sâlaᴋartut ᴋuggudlartut nipingit tusangilakka, sâlagijaujullônêt ogguartut nipingit: tuksiartulle ᴋuggudlarningit tusarpakka.
19Sunaubvalo, tangmârvingmut ᴋaglilerame, nochangoak oᴋigêsertullo takovait, Mosesiblo ningaumajârninga ônarsivok, aglagvîglo egipak aggaminit, serᴋomilugiglo ᴋakᴋaub atâne.
20Nochangoarlo sanajangat tiguvâ, ikitilugolo ikomamut, serᴋalilâllo argjangorlugo, imermullo siamartipâ, Israêlikullo tagvangat imertipait.
21Mosesiblo Arone oᴋautivâ: Inuit tâpkoa ᴋanok piniarvigivâtît idluinermik taimâk angitigijomik passiorangne?
22Aronelo oᴋarpok: Nâlekama ningaumajârninga ônarsiniarane: Inuit nalungilatit uivêtoᴋsôngmata.
23Oᴋautingmanga: Gûdingoaliortigut sivuniptigut ingergajuksanik: Mosesele imna, angut majuartitivut nunamit Egiptenemit, nalovavut ᴋanoelingamangât.
24Oᴋautivakkale: Nalliselônêt goldeᴋarpat, pêjarliuk. ᴋaipâllo uvamnut: ikomamullo egivara, nutelo, nochangoak sakᴋerpok.
25Mosesiblo inuit usingajut takogamigit; (tagva Aronib usingatilauᴋpait kangusûtiksanginut omigijingita akorngane:)
26Mosese nangerpok tangmârterviub pângane, oᴋarlunelo: Kina Nâlekamut iliovâ? Tâmna uvamnut ᴋaile. Lêviblo kinguvângit ilûnnatik katersorput tâpsomunga.
27Oᴋautivaillo: Imâk oᴋarpok Nâlegak Israêlib Gûdinga: Angutit ilûnnatik saviksoalijaulit, tangmârterviublo pângitigut utertautilutik, atunillo toᴋorailit ᴋatangutiminik, ilannârijaminiglo, inôᴋatiminiglo.
28Lêviblo kinguvângit taimailiorput Mosesib oᴋausinga maliklugo: Uvlormelo tâpsomane inuit 3,000nêtut toᴋotauvut.
29Mosese oᴋarsimalaungmat: Ivsornaileritse uvlome Nâlekamut, ilûnnase atunit ernipsigut, ᴋatangutipsigullo; saimauserluse uvlome pijungnarᴋovlugo.
30ᴋaungmallo Mosesib inuit oᴋarvigivait: Idluitulisimavose angijomik; mânnalo majoraromavunga Nâlekamut; imaᴋâ ulapᴋosêjutiksarsinajarpunga ajornise pivlugo.
31Moseselo Nâlekamut uterpok, oᴋarlunelo: Kappê, inuit ukoa idluitulisimavut angijomik, nangminermingnullo gûdingoaliorput goldeojunik.
32Mânnale idluituliningit isumagijungnairomagungne; pijomangikuville, pênga aglarangnit igvit aglaksimajarnit.
33Nâlekablo Mosese oᴋautivâ: Nalliata idluitulivigisimakpanga, tâmna pêromavara aglaramnit.
34Taimaimat aularit mânna, inuillo tasiorkit iniksamut oᴋautigisimajamnut ilingnut: ahâk, Engeleᴋotima sivorliniarpâtit: kisianele idluitoᴋsôningit akkiniarutigijomârpakka, uvlok akiniarnermut naliutikpat.
35Nâlekablo inuit siorniortipait, nochangoaliolauramik Aronib sanajanganik.
Currently Selected:
Exodus 32: LIHB08
Highlight
Copy
Compare
Share
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.
