Exodus 31
31
Sulijuksâk ᴋairᴋojauvuk. Sabbate ivlerijaurᴋojauvok.
1Nalekablo Mosese oᴋarvigivâ, oᴋarlune:
2Takuit, atermigut ᴋairᴋosimavara Bêsalêele, Hurib erningata Urib erninga, kinguvârênit Judakunit:
3Ilumertisimavaralo Gûdib Anerninganik, silatunermik, ipaksitsiarnermiglo, ilisimanermiglo, sulijungnarnermiglo sunatuinarmaringnik,
4Ilisimanartomik sulijungnarᴋovlugo goldelerivlune, silberelerivlunelo, ᴋaᴋorlerlerivlunelo,
5Kibluinermiglo alligunik, ilivlugillo, ᴋejulerinermiglo, sanajungnarᴋovlugo sunatuinarmaringnik.
6Takuillo, tâmna ilagivlugo tuniᴋasiutivara Ahâlia, Ahîsamab erninga, kinguvârênit Dânekunit: ômatikullo ilisimajut ilûnnatik ômatingit pititsivigisimavakka silatunermik, sanajungnarᴋovlugit tamainik perᴋojamnik ilingnut;
7Tupermik kigligiutjineᴋtalingmik, kigligiutjinîllo iklervinganik, iksivavingmiglo saimarvigijauvingmik tâpsoma ᴋânganêtuksamik, tupiublo perᴋutinginik ilûnnainik,
8Sâmiglo perᴋutinginiglo, naneroaᴋarvingmiglo ajortoᴋangitomik perᴋutingit tamaita ilagivlugit, tunerguservingmiglo isserluanititsivingmik tipitsiariksaumut,
9Tunerguservingmiglo tunergutinut ôtaksanut perᴋutingillo ilûnnaita ilagivlugit, ubvarvingmiglo ikogganganiglo,
10Kivgartortullo annorânginik, annorâniglo ivsornaitunik Aronemut ajoᴋertuijôjomut, annorâniglo erninginut, kivgartûtinik ajoᴋertuijônerme,
11Orᴋsumiglo mingoarutiksamik, tipitsiariksautiksaniglo naimajominartunik ivsornaitovingmut; perᴋojakka ilingnut tamaita maliklugit piniartuksauvut.
12Nalekablo Mosese oᴋarvigivâ, oᴋarlunelo:
13Oᴋarittauk Israêlikunut, oᴋarlutit: Udjertoritse Sabbateᴋotikka erᴋagitsiarlugit perᴋovluse: Nalunaikutaungmat uvangalo ilipselo akunaptingne kinguvâpsigut; ᴋaujimarᴋovluse uvangaugama Nâlegak ivsornaititsijok ilipsingnik.
14Taimaimat Sabbate erᴋagijaksarivase; Ivsornaingmat ilipsingnut; nallialônêt sujuijok tâpsominga toᴋotaujuksauvok; nallialônêt suliaᴋartok tâpsomane kipijaujuksauvok inôᴋatime akornganit.
15Uvlut 6it suliviksauvut, uvlulle 7ninga Sabbateovok merngoerservik, ivjornaitok Nâlekamut; nalliallônêt suliaᴋartok uvlorme Sabbateme toᴋotaudlartuksauvok.
16Taimaimat Israêlikut Sabbate erᴋagijaksarivât, kinguvângitigut Sabbate kamagivlugo, angerᴋatigêngnermut soraijuitomut.
17Nalunaikutauvok isoᴋangitomut uvangalo Israêlikullo akunaptingne; uvlune 6ine Nâlekab ᴋilak nunalo sanalaungmagik, uvlullo 7ingane merngoersilauᴋpoᴋ nakoᴋsivlunelo.
18ᴋiakᴋamelo Sinaime Mosese oᴋaᴋatigijarêramiuk tunitjivigivâ aglagvîngnik maggûngnik kigligiutjineᴋtalîngnik, aglagvîngnik ujarângnik, aglagviomajûngnik Gûdib tikinganut.
Currently Selected:
Exodus 31: LIHB08
Highlight
Copy
Compare
Share
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.
