Exodus 29
29
Ajoᴋertuijut ivsornaititauningit tunergutillo pivlugit.
1Imailiorvigijaksarivatillo ivsornaitilugit kivgartorᴋovlugit uvamnut ajoᴋertuijônerme: Tigusijuksauvotit tuktuvangmik, saukangniglo angusâlungnik maggûngnik ᴋanoetoᴋangitungnik,
2ᴋakᴋôjamiglo sêrnarsauteᴋangitomik, ᴋakᴋôjaniglo sâpatânik sêrnarsauteᴋangitunik orᴋsumut akᴋusimajunik, ᴋakᴋôjârsuniglo sâtunik orᴋsumut mingoarsimajunik: sanaugamit ᴋaᴋortamit sanajaksarivatit.
3Amârgaujarmullo atautsemut ilijaksarivatit, amârgaujarmelo ᴋaitaksarivatit, tuktuvak saukaglo angusâluk maggûk ilagivlugit.
4Aronelo erningillo ᴋaitaksarivatit tupiub kigligiutjineliub pânganut, imermullo ubvarlugit.
5Annorâllo tigujaksarivatit, Aronemullo atijautilugit, ullik, ikiablo atigiujanga, ikiarlo, sagvingmiutarlo, tapseruserlugolo ikiab tapserutinganut:
6Nasarlugarlo ilijaksarivat niaᴋunganut, sivumiutarlo ivsornaitok nasarlugaub ᴋânganut ilivlugo,
7Orᴋsuk mingoarutiksak tigujaksarivat tagva, kovilugolo niaᴋoanut, mingoarlugo.
8Erningillo ᴋaitaksarivatit atitilugillo ulingnik.
9Tapseruseraksarivatillo tapserutinut, Arone erningillo, ilijivigivlugillo nasarluganik: tâpkoalo ajoᴋertuinermik suliaksaᴋalârput soraijuitomik: Aronelo erningillo ivsornaititaksarivatit.
10Tuktuvaglo ᴋaitautitaksarivat tupiub kigligiutjineliub sânganut, Aroniblo erningitalo tuktuvaub niaᴋoa patigaksarivât aggangmingnut.
11Tuktuvaglo toᴋotaksarivat Nâlekab sângane, tupiub kigligiutjineliub pângata sângane.
12Tuktuvaublo aungata ilanga tigujaksarivat, aggangnullo tunerguserviub natjûgik mingoarlugik tâpsomunga, aublo amiakoa ilûnnane kovilugo tunerguserviub tungavinganut.
13Tunorlo erchavît ᴋânganêtok ilûnât tigujaksarivat, kiksautillo tingub avatânêtok, taktûgiglo, tunorlo tâpkoa ᴋângangnêtok, ôttilugillo tunerguservingme.
14Tuktuvauble nerᴋinga, amingalo, annangalo, ôttitaksarivatit ikomamut tupersuit silatâne: tamadja tunergutiksak ajortoerutiksak.
15Saugarlo angusâlok atausek tigujaksarivat; Aroniblo erningitalo angusâlub niaᴋoa patigaksarivât aggangmingnut.
16Angusâloklo toᴋotaksarivat, aungalo tigulugo serᴋerautigivlugolo tunerguserviub avatânut.
17Avgoraksarivallo angusâlok, erchavingillo niungillo ergortorᴋârlugit, ᴋatiganganut avgorsimajomut niaᴋoanullo ilivlugit.
18Angusâloklo ilûnât ôtitaksarivat tunerguservingme: tunergutiksauvok ôtaksak Nâlekamut: tamadja tipigiksautauvok, tunergut ôtâk Nâlekamut.
19Saukablo angusâlub aipanga tigujaksarivat: Aroniblo erningitalo angusâlub niaᴋoa patigaksarivât aggangmingnut.
20Toᴋotaksarivallo angusâlok, aungatalo ilanga tiguvlugo pitilugolo Aronib siutingata talerpiata nuvuanut, erningitalo siutingita talerpingita nuvunginut, aggangitalo talerpingita kublunginut, itigangitalo talerpingita putugunginut, auglo serᴋerautigivlugo tunerguserviub avatânut.
21Aublo tunerguservingmêtub ilanga tigujaksarivat, orᴋsublo mingoarutiksab ilanga, serᴋerautigivlugolo Aronemut annorânginullo, erninginullo, erningitalo annorânginut tâmna ilagivlugo: ivsornaititauniarporlo, annorângillo, erningillo, erningitalo annorângit, tâmna ilagivlugo.
22Tigujaksarivatittauk angusâlub tunnûgik okpatîgiglo, tunnorlo erchavît ᴋânganêtok, kiksaullo tingub avatânêtok, taktûglo, tunnorlo tâpkoa ᴋânganêtok, talerlo talerpik; angusâlok tâmna ivsornaijutaungmat:
23ᴋakᴋôjarlo atausek, ᴋakᴋôjarlo orᴋsulik atausek, ᴋakᴋôjârsuglo sâtok atausek amârgaujarmit sêrnarsauteᴋangitomik ᴋakᴋôjaᴋtalingmit Nâlekab sânganêtomit:
24Tamakkoalo ilûnnaita pitilârpatit Aronib agganginut, erningitalo agganginut; isautiᴋatarlugillo tunergutautilugit Nâlekab sângane.
25Tigujaksarivatillo agganginit ôtilugillo tunerguserviub ᴋângane tunergutautilugillo ôtaksamik, tipigiksautiksautilugit Nâlekab sângane: tunergutauvok ôtâᴋ ikomakut Nâlekamut.
26Aroniblo ivsornaititaujutingata angusâlub sakiangit tigujaksarivatit isautiᴋatarlugillo Nâlekab sângane: tamanna ningeᴋsiarijaksarivat.
27Ivsornaititaksarivatillo sakiangit tunergutaujut isautijauᴋatartut, talerlo tunergutaujok isautijaujok ᴋongmut, isautijauᴋatartok isautijaujorlo ᴋongmut Angusâlormit ivsornaijutiksaujomit, Aronemut erninginullo ilingajomit:
28Aroniblo erningitalo ningeksiarijaksarivait Israêlikunit maligaksakut soraijuitokut; tunergutaungmat isautijaujok ᴋongmut: Tunergutaujuksauvorlo isautijaujok ᴋongmut Israêlikunit, tunergutinginit ᴋujalijutinit tunergusertaujunit, llâ, tunergut isautijaujok ᴋongmut Nâlekamut.
29Aroniblo annorângit ivsornaitut erningita kingormagutijaksarivait tâpsoma kingorngagut, mingoartausiutigivlugit ivsornaititausiutigivlugillo.
30Erningatalo inangertingata atijaksarivait uvlunik 7nik iterangat tupermut kigligiutjinelingmut kivgartoromavlune ivsornaitovingme.
31Angusâloklo ivsornaititausiut tigujaksarivat, nerᴋingalo igalugo ivsornaitovingme.
32Aroniblo erningitalo angusâlub nerᴋinga nerrijaksarivât, ᴋakᴋôjallo amârgaujarmêtut tupiub kigligiutjineliub pângane.
33Tamakkoalo ulapᴋosertausiutit nerrijaksarivait ivsornaititaujutigivlugit idluarsititaujutigivlugillo: takorngartable nerrijaksaringilait, ivsornaingmata.
34Nerᴋêjable ivsornaititausiutib ilanga, ᴋakᴋôjaublônêt ilanga amiakolerpat uvlârmut, amiakoa nungutaksarivat ikomamut: Nerrijaujuksaungilak, ivsornaingmat.
35Taimailiorvigijaksarivatit Aronelo erningillo, ilûnnaita perᴋojakka ilingnut maliklugit: uvlut 7nit nâvlugit ivsornaititaksarivatit.
36ᴋaut tamât tunergusertuksauvotit tuktuvangmik, tunergutauvlune ajortoerutiksamik ulapᴋosertaunermut: tunerguserviglo ivsornaititaksarivat ulapirksarungne, mingoaraksarivallo ivsornaitilugo.
37Uvlunik 7nenik tunerguservik ulapirksaraksarivat ivsornaitilugolo; tunerguserviojuksauvorlo ivsornainerpâmik: ilûnnatiglo aktuijut tunerguservingmik ivsornaituksauvut.
38Tamadja tunergutigijaksarijatit tunerguservingme: Saugârsûk maggûk atautsimik jâreᴋartuk tunergutigijaksarivakik ᴋaut tamât tunerguservingme.
39Saugârsuk aipâ tunergutigijaksarivat uvlâkut; saugârsublo aipanga tunergutigijaksarivat unnukut:
40Saugârsuglo aipâ ilagivlugo sanaugarmik îfab tallimaujoanik akkusimajomik orksumut kaugaktamut hinib sitamanganik; vainemiglo hinib sitamanganik tunergutiksauvlune imiksamik.
41Saugârsublo aipanga tunergutigijaksarivat unnukut, ilaᴋartitaksarivallo tunergut nerrijaksak uvlâkut adsigivlugo, tunergullo imiksak adsigivlugo, tippigiksautiksaurᴋovlugo, tunergut ôtâk Nâlekamut.
42Tamanna tunergutiksauvok ôtaksak soraijuitok kinguvâksapsigut tupiub kigligiutjineliub pângane Nâlekab sângane: Tagvane naipitsomavagit oᴋaᴋatigivlutillo.
43Tagvanelo Israêlikut naipitsomavakka, tâpkoalo ivsornaititaulârput ânanaunimnut.
44Tuperlo kigligiutjinelik ivsornaititsomavara, tunerguserviglo: Ivsornaititsomagivakkalo Aronelo erningillo kivgartorᴋovlugit uvamnut ajoᴋertuijônerme.
45Ineᴋaromavungalo Israêlikut akorngane, Gûdiojomavungalo tâpkonunga.
46ᴋaujijuksauvullo tâmnaugama Nâlegak Gûdingat aularudjijingat nunamit Egiptenemit, ineᴋarungnarᴋovlunga tâpkoa akorngane: Uvanga tagva Nâlegak Gûdingat.
Currently Selected:
Exodus 29: LIHB08
Highlight
Copy
Compare
Share
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.
