Exodus 28

Perᴋojat Aron erningillo pitjutigivlugit.

1Aronelo angajuit erningillo ilagivlugit annerijaksarivatit ilingnut Israêlikut akornganit, kivgartorᴋovlugit uvamnut ajoᴋertuijôvlutik; Arone, Nadabelo, Abihulo, Eleâserelo, Itamârelo, Aronib erningit.

2Aronemullo angajungnut annorâliortuksauvotit ivsornaitunik, opigijaurᴋovlugo ânanausijaurᴋovlugolo.

3Tamaitalo ilisimajunik ômatelît, illumertitakka anernermik ilisimatitsijomik, oᴋarvigijaksarivatit annorâliorᴋovlugit Aronemut ivsornaitoᴋutautitaurᴋovlugo, ajoᴋertuijônerme kivgartorᴋovlugo uvamnut.

4Tamadjalo annorât sanajaksarijangit; sagvingmiutak ikiarlo, atigiujarlo, ulliglo pinnarnarsautelik, nasarlugarlo, tapserullo: Ivsornaituniglo annorâliortuksauvut Aronemut angajungnut erninginullo, kivgartorᴋovlugo uvamnut ajoᴋertuijônerme.

5Atortuksauvullo goldemik, tungujoktamiglo, tungulângajomiglo, aupalutsiartomiglo, ᴋablunâktajatsiarmiglo.

6Ikkialiortuksauvullo goldemit, tungujoktamillo, tungulângajomillo, aupalutsiartomillo, ᴋablunâktajatsiamillo, ânanausilugolo.

7Kivilerêkutaujâgik katitaujuksauvuk sinîgikut tamakkut; taimâk katitaujuksauvuk.

8Ikiablo takosungnaitub tapserutinga ᴋânganêtok tâmnatsainaujuksauvok sanajauninga maliklugo; tagva goldemik, tungujoktamiglo, tungulângajomiglo, aupalutsiartomiglo, ᴋablunâᴋtajatsiamiglo.

9Tigusijuksauvotillo aligûngnik tungajuangajûngnik maggûngnik aglagvigivlugiglo Israêlib ᴋitorngangita atinginik:

10Atingit 6it aligorme atauserme, atingillo 6it asingit aligub aipangane, nukarêngningit maliklugit.

11Aligulerijub aglanginut, aglangnut sorlo naᴋitjumêtunut aligûk tamarmik aglagvigijaksarivakik Israêlib ᴋitorngangita atinginik: ilijaksarivakiglo avaliarutanut goldeojunut.

12Aligûglo ilijaksarivakik ikiab kivilerêkutaujâgingnut, erᴋaumajaujutiksaurᴋovlugik Israêlikunut: Aroniblo nangmaraksarivait atingit tuîngmine Nâlekab sângane erᴋaumajaujutiksaurᴋovlugit.

13Avaliarutaliortuksauvotillo goldeojunik.

14ᴋelaumgujângniglo maggûngnik goldeojûngnik ilaᴋangitomik isûgingne; ᴋepjarlugik sanajaksarivakik, ᴋelaumgujâglo ᴋepjartâk atsungersorlugik avaliarutanut.

15Sagvingmiutarlo erᴋartuinermut sanajaksarivat pinarnarsauteᴋartilugolo; ikkiab ânanausijauningatut sanajaksarivat: goldemit, tungujoktamillo, tungulângajomillo, aupalutsiartomillo, ᴋablunâktajatsiamillo sanajaksarivat.

16Iktoᴋeriktuksauvok tapitarêklunelo; aggait atautsît isângningatut takitigijuksauvok, aggaillo atautsît isângningatut siliktigivlune.

17Ilijivigijaksarivallo alikunik, alikunik siaktunik sitamanik sanilerêktunik: siaktut sivorlît tamadja: Ruby, Topaselo, Karbunkelelo;

18Siaktut aipanga, tagva Emeralde, Safirelo, Diamantelo;

19Siaktut pingajuat, tagva Ligure, Agatelo, Amitistelo;

20Siaktullo sitamangat, tagva Berile, Onikselo, Jasperelo: Ilijaujuksauvullo avaliarutaksanginut goldeojunut.

21Allikullo aglagviojuksauvut Israêlib ᴋitorngangita atinginik 12nik, atingit aglaksimavlutik sorlo naᴋitjutib aglangititut; atunit ateᴋarlutiᴋ kinguvârêt 12 maliklugit.

22Sagvingmiutarmelo ᴋelaumgujaliortuksauvotit goldemit ilaᴋangitomit ᴋepjarsimajunik isûgingne.

23Sagvingmiutarmelo nukloliortuksauvotit maggûngnik goldemit, nuklûglo maggûk atsungersoraksarivakik sagvingmiutab isûgingnut maggûngnut.

24ᴋelaumagujâglo ᴋepjarsimajûk maggûk goldeojûk nuvijaksarivakik nuᴋlûngnut maggûngnut sagvingmiutab isûgingnêtungnut.

25ᴋelaumagujâglo ᴋepjarsimajûk isûgik aipâgik atsungersoraksarivakik saneroângnut, ililugiglo ikiab kivilerêkutaujâgingnut sânganêtungnut.

26Maggûngniglo nukloliortuksauvotit goldemit, sagvingmiutablo isûkita sinîgingnut atsungersoraksarivakik, iluanut, ikiarmut sângavlutik.

27Tâpkoalo asîgingnik nukloliortuksauvotit goldemit, atsungersorlugiglo ikkiab sanerâgingnut iglugêngnut, atsungervîk sâkita nalâgingnut, ikkiab tapserutingata ᴋolânut.

28Sagvingmiutarlo ᴋelaksoraksarivat nuklungitigut ikkiab nuklûgingnut, ᴋelarutemut tungujoᴋtarmut, ikiab tapserutingata ᴋolânêrᴋovlugo, sagvingmiutak pêrᴋonago ikiarmit.

29Aroniblo Israêlib ᴋitorngangita atingit nangmaraksarivait sagvingmiutakut erᴋartuinermut ilingajokut ômatime nalâne, iterangame ivsornaitovingmut, erᴋaumajaujutiksaurᴋovlugit Nâlekab sângane soraijuitomik.

30Sagvingmiutarmullo erᴋartuinermut ilingajomut ilijaksarivakik ᴋaumaᴋut idluaᴋullo; tâpkoalo Aronib ômmatingata nalânêtuksauvuk iterangame Nâlekab sânganut: Aroniblo Israêlikut idluarsaijutiksangat nangmaraksarivâ Nâlekab sângane soraijuitomik.

31Ikiablo atigiujanga ilûnnane sanajaksarivat tungujoᴋtamit.

32ᴋolâta ᴋerᴋagut iterviᴋartuksauvok: itervingalo pergaimajôjamik nuilaᴋartuksauvok, sorlo sorsuktuksab annorângata itervingatut, alirᴋonago.

33Atâne periningane paungangoaliortuksauvotit tungujoktamit, tungulângajomillo, aupalutsiartomillo, periningata ilûnnangagut, tâpkoalo akorngagut sivaniarsungnik goldemit ilûnâgut.

34Sivaniarsuk golde paungangoarlo, sivaniarsuk golde paungangoarlo, atigiujab siningagut perisimaningagut ilûnâgut.

35Tâmna atijaujuksauvok Aronemut kivgartorangat; sivaningit tusaksaurᴋovlugit iterangat ivsornaitovingmut Nâlekab sânganut, anijarangallo, toᴋorᴋonago.

36Sivumiutaliortuksauvotillo goldemit ilaᴋangitomit, aglagvigivlugolo, sorlo naᴋitjutib aglangititut: Ivsornaitok Nâlekamut.

37ᴋelarutemullo tungujoktamut nuvijaksarivat, nesarlugarmiutaurᴋovlugo, nesarlugablo sivumiutaksarivâ.

38Aroniblo ᴋaunganêtuksauvok, Arone nangmarᴋovlugo ivsornaitut idluininginik, Israêlikut ivsornaitilârtanginik tunergutimingne ivsornaitune tamaine; ᴋaunganêtsainartuksauvorlo, tâpkoa nâmagijaurᴋovlugit Nâlekab sângane.

39Ulliglo ᴋablunâᴋtajatsiak takoranersautelioraksarivat; nasarlugarlo ᴋablunâktajatsiamit sanajaksarivat, tapserullo sanajaksarivat nuilapaujaksajamit.

40Aroniblo erningit ullilioraksarivatit, tapseruteliorlugillo nasarlugaliorlugillo, opigijaujutiksamut pinarnarsijaujutiksamullo.

41Atijautitaksarivatillo angajungnut Aronemut erninginullo ilagivlugit; mingoaraksarivatillo, ivsornaitoᴋutautilugillo, ivsornaitilugillo, kivgartorᴋovlugit sâmne ajoᴋertuijônerme.

42Karlilioraksarivatillo ᴋablunâktajatsiamit, usinganingit matujaurᴋovlugit; ᴋetinginit serᴋungit tikidlugit pijuksauvut.

43Atijaujuksauvullo Aronemut erninginullo iteraikpata tupermut kigligiutjinelingmut, najornileraikpatalo tunerguservingmik kivgartoromavlutik ivsornaitovingme; idluinermik toᴋojutiksamik nangmarᴋonagit: tamanna maligaksaujuksauvok soraijuitok tâpsomunga kinguvânginullo tâpsoma kingorngane.

Currently Selected:

Exodus 28: LIHB08

Highlight

Copy

Compare