Exodus 24
24
Moses majorarᴋojauvok Sinaimut.
1Mosesemullo oᴋarpok: Majorarit Nâlekamut, igvit, Aronelo, Nadabelo, Abihulo, 70lo Israêlikut angajoᴋânginit; alivasiktomelo tuksiaritse.
2Moseselo kisime ᴋaglilertuksauvok Nâlekamut, tâpkoale ᴋanitomut ᴋaijuksaungilat; inuillônêt majorarᴋatigijaksaringilât.
3Mosesiblo inuit oᴋautijartorpait Nâlekab oᴋausinginik tamainik, maligaksaniglo tamainik; inuillo ilûnnatik nipemut atausermut kiovut, oᴋarlutiglo: Nâlekab oᴋauserijangit tamaita piniaromavavut.
4Mosesiblo Nâlekab oᴋausingit ilûnnaita aglakpait, uvlârarsukullo makipok, tunerguserviliorporlo ᴋakᴋaub atâne, napajuliorporlo 12nik, Israêlib kinguvârêngit 12 maliklugit.
5Tiliklerporlo angutinik inôsuktunik Israêlikunit, tâpkoalo tunerguserput tunergutiksanik ôtaksanik tunergutiksaniglo ᴋujalijutiksanik tuktuvangnik Nâlekamut.
6Aungitalo abvanga Mosesib tiguvâ kovilugolo pôgutaujanut; aublo abvanga serᴋerautigilugo tunerguservingmut.
7Angerᴋatigêngnerublo aglangit tiguvait atuarsivlunelo inuit tussâtilugit: tâpkoalo oᴋarput: Nâlekab oᴋauserijangit tamaita piniaromavavut, nâlagomavlutalo.
8Mosesiblo auk tiguvâ serᴋerautigilugolo inungnut, oᴋarlunelo: Ahâk tagga, tamadja angerᴋatigêngnerub aunga, Nâlekab ilipselo angerᴋatigêgutigijase oᴋautsit tamakkoa pivlugit.
9Tavga Mosese, Aronelo, Nadabelo, Abihulo, 70lo Israêlikut angajoᴋânginit majorarput:
10Israêliblo Gûdinga takovât: itigangitalo atâne pitaᴋarpok sorlo ujarᴋanik ᴋeblâlâjunik, sorlolo ᴋilaktut allaᴋidlartilugo.
11Tâpsomale aggane ililungilait Israêlikut angajoᴋânginut: taipkoale Gûde takonârpât, nerrilutiglo imerput.
12Nâlekablo Mosese oᴋautivâ: Majorarit uvamnut ᴋakᴋamut, tagvanêtuarlutillo: tunitjivigijomavagillo aglaksimavingnik ujarᴋanik, maligaksaniglo perᴋojaniglo aglaktamnik; ajoᴋertuijungnarᴋovlutit tâpkoninga.
13Moseselo nikovipoᴋ kivgangalo Josua; Moseselo majorarpok Gûdib ᴋakᴋanganut.
14Angajoᴋâllo oᴋautivait: Utaᴋigitse tamâne, tikitsiarilunuk: Takoitse, Aronelo Hurelo ilipsingnêpuk: pitjutiksaᴋartoᴋarpat, tâpkungnunga ᴋaituinarle.
15Moseselo majorarpok ᴋakᴋamut, nuvujablo ᴋakᴋak ulikpâ.
16Nâlekablo pinnarnarninga ᴋakᴋame Sinaime ineᴋarpok, nuvujablo ulikpâ uvlunik 6inik: Uvlullo 7ingane ᴋaigarsukpok Mosesemut nuvujab iluanit.
17Nâlekablo pinarnarningata tautuᴋapoᴋ sorlo ikomatut nungutsijotut ᴋakᴋaub ᴋângane Israêlikut ijinginut.
18Moseselo nuvujab iluanut iterpok, majorarlunelo ᴋakᴋamut: Moseselo ᴋakᴋamêpok uvlunik 40nik unnuaniglo 40nik.
Currently Selected:
Exodus 24: LIHB08
Highlight
Copy
Compare
Share
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.
