Exodus 22
22
Perᴋojat maligaksallo sunatuinait.
1Inuk tiglikpat tuktuvangmik saugarmiglônêt, toᴋodlugolo niorvgutigilugolônêt, tauksêjuksauvok tuktuvangnik tallimanik tuktuvangmut atautsimut, saukaniglo sitamanik saugarmut atausermut.
2Tigligomajok naipitaukpat itârasuartilugo, anaujaukpallo toᴋorᴋovlugo, aungmik kovijaujoᴋartuksaungilak tâmna pivlugo.
3Seᴋinek nuisimakpat tâpsomunga, aune pisiarijaksarivâ, tigligarijane uttertitaksaringmagit; sunaᴋangikunele niorvgutigijaksauvok tiglingnine pivlugo.
4Tigligak ômavlune naipitaukpat aggangine, tuktuvaungmangât, siuterᴋortojorlônêt, saugarlônêt, maggoertorlugo akkileraksarivâ.
5Inub perorsêvik vaineliksataliglônêt nerrijautikpago, nergjutinelo tagvungautikpago nerrerᴋovlugo inub asime perorsêvingane, perorsêvingme ânanauninga vaineliksatalingmelônêt ânanauninga tauksiutijaksarivâ.
6Ikoma ikoalakpat, ukpigaillo ikilugit, ᴋakᴋôjaksallo katitat, ᴋakᴋôjaksallônêt sule perortut, perorsêviglônêt, ikiᴋataurᴋovlugit, ikitsijub akkileraksarivait.
7Inub inôᴋatine tunitjivigiguniuk kênaujanik perᴋutiniglônêt piulimajaurᴋovlugit, inublo tâpsoma iglunganit tigliktaukpata; tigliktok naipitaukpat akilêle maggoertorlugo.
8Tigliktorle naipitaungipat, iglub angajoᴋânga âtaujuksauvok idluarsaijunut, nautsertortaurᴋovlugo aggane isalaungmangâgit inôᴋatime perᴋutinginut.
9Inub inôᴋatine pasilerpago nâmangitulinermik sunamik, tuktuvak, siuterᴋortojorlônêt, saugarlônêt, annorâllônêt, asiosimajullônêt sunatuinait pasijutaugalloarpata, tamarmik pitjutingit âtaujuksauvut idluarsaijunut; idluarsaijullo pasijangat akilêjuksauvok maggoertorlugo inôᴋatiminut.
10Inub inôᴋatine unertutjivigikpago siuterᴋortojomik, tuktuvangmiglônêt, saugarmiglônêt, sumiglônêt nergjutemik, piulimajaurᴋovlugo; unertutausimajok toᴋokpat, akᴋunartaukpallônêt, aularutijaukpallônêt, takonârtoᴋartinago:
11Tâpkoa angerᴋatigêmariktuksauvuk Nâlekamut, taipsoma aggane isaktilaunginamigit inôᴋatime perᴋutinginut; perᴋuteliublo tamanna nâmagijaksarivâ, ipsomalo tauksigaksaringilâ.
12Tigliktaukpalle tâpsomangat tauksigaksarivâ inuanut.
13Alliktortaukpat âliuk nalonaijautigivlugo, alliktortarlo tauksitaurᴋojaksaringilâ.
14Inuglo atarsikpat sunamik inôᴋatiminit, akᴋunartaukpallo toᴋokpallônêt inua tagvanêtinago, tauksigaksarivâ.
15Inuatale najorpago tauksigaksaringilâ, atartortaukpat kênaujanut, atautimut ᴋailaukpok.
16Inublo uigasuk aipaksarilungitane uerisarpago tutiklugolo singairᴋovlugo, aiparijaksarivâ.
17Atâtangatale panine ᴋippilûtigimarikpago tâpsomunga, taimna akilêjuksauvok kênaujanik, sorlo uigasuit patangaititaujuteᴋariaᴋarningititut.
18Arnak angakkok inôrᴋojaksarilungilat.
19Naliata nergjute tutikpago (uvineᴋaᴋatigijomavlugo) toᴋotaksauvok.
20Tunergusertok Gûdit nallianut, Nâlegaujotôlungitomut, aserortaumariktuksauvok.
21Takorngartak nakêlititaksarilungilat oᴋumaiksartinagolo; takorngartaulaurapse nuname Egipteneme.
22Kapiasuktitsijuksaungilase uigarnerit nallianik, iliarsungmiglônêt.
23ᴋanorlônêt kapiasuktigungne, unneksiorvigikpangalo, tusaromadlarpunga nipliarninganik;
24Ningaumajârneralo ônarsilârpok, toᴋotsomavapselo saviksoarmut; nuliaselo uigarniolârput, ᴋitorngaselo atâtairlârput.
25Inuᴋotima ilangat aklujoᴋ ilingnêtok atartortigungne kênaujanik, ilingavigijaksarilungilat kênaujaniaromajotut, akilêtitaksarilungilat atautemik.
26Tigusiguvit asivit annorânganik tauksiutiksautilugo, utertitaksarivat tâpsomunga seᴋinek nipilerᴋârtinago;
27ᴋepituarivâ taimna, matuksarilugo uviningminut: sumik usingasiksaᴋarniarᴋâ? Imaᴋâ nipliarvigilârpânga, tusaromavaralo; nâpkigosuktôgama.
28Idluarsaijut mitautigijaksaringilatit, inôᴋativillo angajoᴋângit oᴋarnerlûtinagit.
29Mulludlartuksaungilatit paungavit innertut, imiksavillo sivorlerpângit tunerguserilugit; ernivillo angajuklingat tunijaksarivat uvamnut.
30Taimâktauk tuktuvatit saugatillo taimailiorvigijaksarivatit; uvlunik 7nenik anânaminêtuksauvok, uvlulle 8ingane tunijaksarivat.
31Ivsornaituksauvose uvamnut: nerrijuksaungilaselo nerᴋêjamik ômajut naternamêtut aliktortanganik; egitaksarivase ᴋingminut.
Currently Selected:
Exodus 22: LIHB08
Highlight
Copy
Compare
Share
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.
