Exodus 17
17
Israêlikut imertitauvut ᴋairtomit. Amalekut sâlauvut.
1Ilagello Israêlikut ilûnnatik aularput sunaᴋajuitomit Sinimit ingergaᴋatarlutik Nâlekab perᴋojininga maliklugo, tangmârterpullo Refidime: tagvane imeᴋangilak inuit imiksanganik.
2Taimaimat inuit Mosese oᴋarnerlûtivât, oᴋarlutiglo: Imermik tunitjivigitigut imerungnarᴋovluta. Mosesiblo akkivait: Sudluse oᴋarnerlûtivisingâ? Suna pivlugo Nâlegak ôktorpisiûk?
3Tagvanelo inuit ᴋêdlarput; inuillo Mosese oᴋarnerlûtivât, oᴋarlutiglo: Sôk Egiptenemit majoartipitigût, uvagut ᴋitorngavullo nergjutivullo toᴋotsomavluta ᴋêdlarnermut?
4Moseselo ᴋaigarsukpok Nâlekamut, oᴋarlune: Inuit ukkoa ᴋanok piniarvigijaksarivakkâ? Milloromakasakpânga ujarᴋanut!
5Nâlekablo Mosese oᴋautivâ: Inuit sakᴋangine sivumuarit, Israêlikullo angajoᴋângita ilangit ilagikit; ajaupiallo, anautarilauktat kôngmik, tiguleruk aggangnut, ailerillo.
6Ahâk, nangeromavunga sângne tagvane ᴋairtub ᴋângane Hôrebeme; ᴋairtorlo anaujaksarivat, imerlo anilârpok tâpsomangat, inuit imerungnarᴋovlugit. Moseselo taimailiorpok Israêlikut angajoᴋângita takoane.
7Nunablo tâpkutsia atserarpâ Massamik (ôktorlungnermik) Meribamiglo (nangârnermik), Israêlikut nangârningat pivlugo, Nâlegarlo ôktormatsuk, oᴋarlutik: Nâlegak akunaptingnêkâ akunaptingnêngilârlônêt?
8Amalekiterit tagva tikiput, Israêlikunut sorsuklutik Refidime.
9Moseselo Josuamut oᴋarpok: Angutinik anerosugit uvaptingnut, anilutillo Amalekiterinut sorsuklutit: ᴋaupat nangeromavunga ᴋakᴋaub ᴋângane Gûdib ajaupianga aggamnêtilugo.
10Josualo taimailiorpok sorlo Mosesib oᴋautingmago, Amalekiterillo sorsuklugit: Moseselo, Aronelo, Hurelo majorarput ᴋakᴋaub ᴋânganut.
11Imaiporlo: Mosesib aggane isâktigamigit, Israêlikut sâlaᴋalerput, agganelo kataktigamigit, Amalekiterit sâlaᴋalerput.
12Mosesible aggangit oᴋumailerput, tigusivuglo ujarangmik ililugolo atânut, tâpsomalo iksivavigivâ; Aroniblo Huriblo najumivait aggangit, aipangata igluanit aipangatalo igluanit; aggangillo aulatjairput seᴋinerub nipilerninga tikidlugo.
13Josuablo Amalek inungillo sâlagivait saviksûb kênanganut.
14Nâlekablo Mosese oᴋautivâ: Tamanna erᴋaumajaurᴋovlugo aglaguk aglangnut makperterpaktunut, Josuablo siutîgingnut unipkautigiuk Amalekib erᴋaumajauninga nungutidlaromagapko ᴋilaub atânit.
15Moseselo tunerguserviliorpok atserarpâlo: Nâlekab iksivautaksoanganik:
16Oᴋarporlo: Aggait ilivlugit Gûdib iksivautaksoanganut, Amalekiterit sorsudlarkit Nâlekamut ᴋitorngarênit ᴋitorngarênut.
Currently Selected:
Exodus 17: LIHB08
Highlight
Copy
Compare
Share
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.
