II Korintemiunut 9
9
Pauluse pitsiarᴋojigannerpoᴋ okpertunut ajoᴋsartunut.
1Aglagvigijariakangilapse tujûtiksanik taipkoninga ivsornaitunut.
2Pitsiarnise ᴋaujimagapko, nertornarneralauᴋpapse Mazedôniamiunut (oᴋarlungalo): Achâjamiut achâne pimajarêrtut. Ilungertornipselo unuktut kajumiksalauᴋpait.
3ᴋatangutille ukkua tililauᴋpakka, sulinata nertoromanata ilipsingnik tamanna pivlugo; pimajarêrᴋovluselo, sôrlo oᴋautigilaurapse;
4Mazedôniamiut illagikpanga, opalungairsimangitosêlo tikipase, uvagut (ilipse oᴋaromangilanga) kangusuktitauᴋonata, taimâk sungertûteᴋamut nertornarneralaurapse.
5Taimaimat ᴋatangutit tâpkoa kaiblariaᴋarasugilauᴋpakka, sivorlioᴋovlugit aivigiluse, katersorᴋovlugit tunergutise sivorngagut oᴋautigimajut; pijarêrᴋovlugit tamakkoa pitsiarnermullo ununârᴋovlugit, ikinârtutitullo-erᴋonagit.
6Imâgle issumavunga: Ikinârlugit karngasoijoᴋ ikituniktauᴋ katersoijomârivoᴋ; ununârdlugillo karngasoijoᴋ, unuktuniktauᴋ katersoijomârivoᴋ.
7Ilûnatik issumamignik tunijilit; ᴋuviasugatiungitoᴋ, perᴋojautuinarnermullônêt pinatik; ᴋuviasuklune tunijijoᴋ Gûdib naglingmago.
8Gûdible tunergutit tamaita unulertitsungnarpait ilipsingnut, tamainik ajoᴋsangitsainarᴋovluse, tunergutiksaᴋarᴋovluselo ajungitulijutaujungnartunik tamainik.
9Sôrlo aglaksimangmat: Karngasoilauᴋpoᴋ aklujut tunitjivigivlugit; idluarninga issoᴋangitomut itsomârpoᴋ. #Img. 9.
10Karngasoijomulle tunijijoᴋ karngasûtinik, ᴋaᴋᴋôjaniktauᴋ nerᴋiksanik tunijijomârivoᴋ, karngasûtiselo unuksivalliatitsomârpait aglivalliatilugillo idluarnipse perortitangit.
11Tamainik akluilerdluse tunijitsiarᴋovluse issumalingasuerdluse, tamanna pitjutigilugo Gûde ᴋujagijaulerpoᴋ uvaptingnut.
12Ikajortigêgutiksat tamakkoa tujûtaujut piuliniatuinangimatigik ivsornaitut ajoᴋsarninginit; kajungersarnadlarputtauᴋ unuktunut, Gûde ᴋujagidlarlugo.
13Ajungitulineᴋ tamanna nelonairsimajoᴋ pivlugo Gûde nertorpât, oᴋautsinik tussarnertunik nâlekluse Kristûse oᴋautigigapsiuk, issumalingasuerdluselo tunitjivigigapsigik tâpkoalo ilûnaitalo;
14Tuksiarutigamiselo tussugivluse, Gûdib saimanersoarminik pingmase.
15Gûdele ᴋujagividlartaule tunergutâ oᴋautaujungnangitoᴋ pivlugo.
Currently Selected:
II Korintemiunut 9: LIHB08
Highlight
Copy
Compare
Share
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.
