II Korintemiunut 10
10
Paulusib akiorninganik akkerartortiminik. Pitsartuningata sunauninganik.
1Uvangale Pauluse kaiblarpapse Kristûsib ᴋenuêninganut kamangitsertorninganullo, uvanga takupsingne nikanarsârtunga apsimanimnele ilerasungitunga ilipsingnut.
2ᴋenuvungale, takupsingne pijariaᴋarᴋonanga ilerasunginermut, iktoriktainermiglo atoriaᴋarᴋonanga, sôrlo oᴋautaugama illangit pivlugit, tâpkoa uvinik maliklugo arvertarasugingmatigut.
3Uviningme inôgalloarapta, sorsungniangilagut uvinik maliklugo.
4Sakkuvut sorsungnermut atortavut uviningmit pingimatta, pitsartûneliksôvulle Gûdib sângane ungalujijoᴋsuit asserorlugit.
5Issumalungnerit asseroraptigik, ilûnaitalo piojorinerit akkerartortut Gûdemik illitarsinermut, erᴋarsautiâluillo tamaita parngnanairpavut Kristûsemik nâlektilugit;
6Nâlengitullo tamaita akkiniarlugit opalungairsimavogut, nâlengnise nâmaksikpat.
7Kalineᴋ kissiat takunârpisiûk? Neliat tatteᴋarune perᴋutaunine Kristûsemut pitjutigilugo, tâmna issumaᴋarletauᴋ ingmine, sôrlo nangmineᴋ perᴋutaungmat Kristûsemut, taimâktauᴋ uvagut perᴋutaugapta Kristûsemut.
8Anginersamiglônêt nertôtijomaguma pitsartuniptingnik, Nâlekab tunijanganik uvaptingnut, âᴋiktauᴋovluse asserortauᴋonaselo, kangusungniarajatsangilanga.
9Taimâgle oᴋarpunga, issumalerᴋonase, aglangnut kappiasuktitsinasugilunga ilipsingnik.
10Oᴋartoᴋarmat: Aglait oᴋumaidlalarmiglo ipiktoᴋsôvut; inualle najortiogune, nikanarpoᴋ; oᴋausingillo nachonarput.
11Taimaitoᴋ issumaᴋarmile imâk, sôrlo apsimatiluta oᴋausiptigut aglangne pivakkapta, taimaktauᴋ piniarungnarapta najorluse.
12Ipkonunga ingmingnik nertôtijunut ilingatiluta adsiotilutalo sapperpogut; ipkoa ingmingnênaᴋ ôktûtigivlutik ajunginasugivlutiglo pigamik, silatulungilat.
13Uvagulle angiluartomik (ôktûteᴋarata sôrlo) nertungilagut nangminiptingnik, kissianele ôktût maliklugo, Gûdib kiglilerviksauᴋojanga uvaptingnut, ilipsetauᴋ tikidluse.
14Ungasiluadlartomut pinginapta, inorluse perᴋojaujutitut; ilipsingnulletauᴋ tikisimavogut oᴋautsit tussarnertut Kristûsemik oᴋâlatigilugit.
15Angiluartomigle nertungilagut nangminiptingnik assipta senajangit pivlugit, nerriukpogullo okpernise ilupsingne aglisivalliakpat, piganneromavluta ilusioᴋojavut maliklugo;
16Oᴋautsillo tussarnertut oᴋautigilugit ungatipsingnêtunuttauᴋ, assipta senajangit pijarêrsimajullo pivlugit nertoromanata.
17Nertôtijomajorle Nâlekame nertorle. #Jer. 9:24.
18Nangminerminik nertortoᴋarune, nâmagijaujutigingilâ, Nâlekable nertorpago kissiane.
Currently Selected:
II Korintemiunut 10: LIHB08
Highlight
Copy
Compare
Share
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.
